ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⵀⵔⴻⵙ ⵉⵙⵕⴰⵢⵉⵍⵉ ⴷⴻⴳ ⴼⴰⵍⴻⵙⵟⵉⵏ: ⴱⴰⵏ ⴽⵉ-ⵎⵧⵧⵏ ⵉⵡⴻⴽⴽⴻⴷ-ⴷ ⴰⴷⴷⵓⴷ-ⵏⵏⴻⵙ

ⵏⴻⵡ ⵢⵧⵔⴽ (ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⵉⵡⴻⵜ-ⴷ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⴷⴻⴳ ⵉⵙⵕⴰⵢⵉⵍ ⴰⵢ ⵜ-ⵢⴻⵜⵜⴻⵀⵎⴻⵏ ⴷ ⴰⴽⴽⴻⵏ ⵢⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵔⵔⴻⴱⵔⴰⴱ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « ⴰⵛⴻⵎⵎⴰ ⵓⵔ ⵢⴻⵣⵎⵉⵔ ⴰⴷ ⵢⴻⴼⴽ ⵍⵃⴻⵇⵇ ⵉ ⵍⴻⵛⵖⴰⵍ ⵏ ⵔⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴰⵙⵙ ⵏ ⵍⴰⵕⴻⴱⵄⴰ.

ⵎⴰⵙⵙ ⴱⴰⵏ « ⵉⵡⴻⴽⴽⴻⴷ-ⴷ ⵢⴰⵍ ⴰⵡⴰⵍ ⴰⵢ ⴷ-ⵢⴻⵏⵏⴰ ⴷⴻⴳ ⵜⵙⴻⵖⵔⵓⵜ-ⵏⵏⴻⵙ (ⵜⴰⵚⵔⵉⵃ) » ⵏ ⵡⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⵜⴻⵒⵀⴰⵏⴻ ⴷⵓⵊⴰⵔⵔⵉⵛ.

ⵎⴰⵙⵙ ⴱⴰⵏ ⵢⴻⵜⵜⵡⴰⵍⵉ ⴷ ⴰⴽⴽⴻⵏ « ⴷⴻⴼⴼⵉⵔ 50 ⵏ ⵢⵉⵙⴻⴳⴳⴰⵙⴻⵏ ⵏ ⵜⵓⴹⴹⴼⴰ ⴷ ⵜⵎⴻⵔⵡⵉⵏ (ⵄⴰⵛⴰⵔⴰⵜ) ⵏ ⵢⵉⵙⴻⴳⴳⴰⵙⴻⵏ ⴷⴻⴼⴼⵉⵔ ⵧⵙⵍⵧ, ⵉⴼⴰⵍⴻⵙⵟⵉⵏⵉⵢⴻⵏ, ⵍⴰⴷⵖⴰ ⵉⵍⴻⵎⵥⵉⵢⴻⵏ-ⵏⵙⴻⵏ, ⵙⵕⵓⵃⴻⵏ ⴰⵙⵙⵉⵔⴻⵎ ».

« ⴽⵔⴰ ⵜⵜⴻⵀⵎⴻⵏ ⴰⵎⴰⵔⵓ ⴰⵎⴰⵜⵓ ⴷ ⴰⴽⴽⴻⵏ ⵢⴻⴼⴽⴰ ⵍⵃⴻⵇⵇ ⵉ ⵔⵔⴻⴱⵔⴰⴱ, ⵎⴰⵛⴰ ⴰⵢⴰ ⵓⵔ ⵉⵚⴻⵃⵃⴰ ⴰⵔⴰ ⴰⴽⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⴷⵓⵊⴰⵔⵔⵉⵛ.

ⵉⵡⴻⵜ-ⴷ ⴱⴰⵏ ⴽⵉ-ⵎⵧⵧⵏ, ⴰⵙⵙ ⵏ ⵜⵜⵍⴰⵜⴰ, ⴷⴻⴳ ⵓⴽⴻⵎⵎⴻⵍ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵢⴰ ⴷ ⴰⵛⵔⵉⵇⵇⵔⴻⵡ ⵉ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ ⴷ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ. ⵢⴻⵍⵍⴰ-ⴷ ⵡⴰⵢⴰ ⴷⴻⴼⴼⵉⵔ ⵎⴰ ⵜⴻⴽⵛⴻⴼ-ⴷ ⵉⵙⵕⴰⵢⵉⵍ ⴷ ⴰⴽⴽⴻⵏ ⵜⴻⵇⴱⴻⵍ ⵉⵙⴻⵏⴼⴰⵔⴻⵏ ⵉⵎⴰⵢⵏⵓⵜⴻⵏ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⴷⴻⴳ ⵡⴰⴽⴰⵍ ⴰⴼⴰⵍⴻⵙⵟⵉⵏⵉ ⵢⴻⵜⵜⵡⴰⴹⴹⴼⴻⵏ.

ⴷⴻⴳ ⵢⵉⵡⴻⵏ ⵏ ⵓⵙⴽⴰⵙⵉ (ⵏⵉⵇⴰⵛ) ⵖⴻⴼ ⵓⴳⵎⵓⴹ ⴰⵍⴻⵎⵎⴰⵙ, ⵢⴻⵏⵏⴰ-ⴷ ⴱⴰⵏ ⴽⵉ-ⵎⵧⵧⵏ ⴷ ⴰⴽⴽⴻⵏ « ⵜⴻⵛⵖⴻⴱ-ⵉⵜ ⵎⵍⵉⵃ ⵜⴻⵎⵙⴰⵍⵜ » ⵏ ⵢⵉⵙⴻⵏⴼⴰⵔⴻⵏ ⵉⵙⵕⴰⵢⵉⵍⵉⵢⴻⵏ ⵉⵎⴰⵢⵏⵓⵜⴻⵏ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵜ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⵉⵙⵕⴰⵢⵉⵍⵉ, ⴱⴻⵏⵊⴰⵎⵉⵏ ⵏⴻⵜⴰⵏⵢⴰⵀⵓ, ⴷ ⴰⴽⴽⴻⵏ ⴰⵡⴰⵍ-ⴰ « ⵢⴻⵙⵙⴻⴱⵖⴰⵙ ⵔⵔⴻⴱⵔⴰⴱ ».

ⵏⴻⵜⴰⵏⵢⴰⵀⵓ ⵓⵔ ⴰⵙ-ⵢⴻⵄⵊⵉⴱ ⴰⵔⴰ ⵡⴰⵢⴻⵏ ⴰⵢ ⴷ-ⵢⴻⵏⵏⴰ ⴱⴰⵏ ⴽⵉ-ⵎⵧⵧⵏ ⵎⵉ ⴷ-ⵢⴻⴱⴷⴻⵔ « ⴰⴼⴹⴰⵎ » ⵏ ⵢⵉⴼⴰⵍⴻⵙⵟⵉⵏⵉⵢⴻⵏ », ⵢⴻⵔⵏⴰ ⵉⵡⴰⵍⴰ ⴰⵢⴰ ⴷ ⵜⵓⴽⵛⵉ ⵏ ⵍⵃⴻⵇⵇ ⵉ ⵔⵔⴻⴱⵔⴰⴱ ⵙ ⵓⵙⵙⴻⴹⵍⴻⵎ ⵏ ⵉⵙⵕⴰⵢⵉⵍ.

ⵉⴷⵓⴱⴰ (ⵙⵓⵍⵓⵟⴰⵜ) ⵉⵙⵕⴰⵢⵉⵍⵉⵢⴻⵏ ⵇⴻⴱⵍⴻⵏ ⵉⵖⴰⵡⴰⵙⴻⵏ (ⵎⵓⵅⴰⵟⵟⴰⵟⴰⵜ) ⵏ ⵍⴻⴱⵏⵉ ⵏ 153 ⵏ ⵜⵏⴻⵣⴷⵓⵖⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵜⴻⵀⵔⴰⵙ ⵏ ⵡⵓⴷⴰⵢⴻⵏ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ.

ⵏⵏⵉⴳ ⵡⴰⵢⴰ, ⵉⵙⵕⴰⵢⵉⵍ ⵍⴰ ⴷ-ⵜⴻⵜⵜⵀⴻⵢⵢⵉ ⴰⴷ ⴷ-ⵜⴻⵇⵇⴻⵏ 150 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⵏ ⵜⴽⴻⵔⵔⴰⵣⵜ ⵖⴻⵔ ⵡⴰⴽⴰⵍ-ⵏⵏⴻⵙ, ⵢⴻⵔⵏⴰ ⴰⴽⴰⵍ-ⴰ ⵢⵓⵙⴰ-ⴷ ⴷⴻⴳ ⵢⵉⵖⵣⴻⵔ ⵏ ⵍⵓⵕⴷⵓⵏ, ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ.

ⵉⵙⵕⴰⵢⵉⵍ ⵍⴰ ⵜⴻⵜⵜⴽⴻⵎⵎⵉⵍ ⵜⴻⵜⵜⴻⴽⴽⴻⵙ ⴰⴽⴰⵍ ⵢⴻⵔⵏⴰ ⵜⴻⵙⵙⴻⵀⵔⴰⵙ-ⵉⵜ ⵡⴰⵔ ⴰⵃⴱⴰⵙ, ⵓⵍⴰ ⵎⴰ ⵉⴼⴰⵍⴻⵙⵟⵉⵏⵉⵢⴻⵏ ⴷ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵣⴳⴰⵏ ⴽⴽⴰⵜⴻⵏ-ⴷ ⴷⴻⴳ ⵡⴰⵢⴰ.