ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴰⵔⴰⴳ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵙⵜⵧⵛⴽⵀⵧⵍⵎ

ⵙⵜⴽⵀⵍⵎ – ⵢⴻⵍⵍⴰ-ⴷ ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ « ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵓⴽⴰⵜⴰⵔ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ », ⴷⴻⴳ ⵜⴻⵙⴷⴰⵡⵉⵜ ⵏ ⵙⵜⵧⵛⴽⵀⵧⵍⵎ, ⵢⴻⵔⵏⴰ ⵜⴻⵜⵜⴻⴽⴽⴰ ⴷⴻⴳ-ⵙ ⵢⵉⵡⴻⵜ ⵏ ⵜⵎⴰⴳⵍⴰ (ⵡⴰⴼⴷ) ⵜⴰⵚⴻⵃⵔⴰⵡⵉⵜ ⴷ ⵡⴰⵟⴰⵙ ⵏ ⵡⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ ⴰⵎⴰ ⴷⴻⴳ ⵜⵙⴻⵔⵜⵉⵜ, ⴰⵎⴰ ⴷⴻⴳ ⵢⵉⵎⴻⵏⵖⵉ ⵖⴻⴼ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵙⵙ ⵏ ⵍⴰⵕⴻⴱⵄⴰ, ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ (ⵙⵒⵙ).

ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ-ⴰ ⵙⵙⵓⴽⴽⴻⵏ-ⴷ ⵜⵉⵟ ⵙ ⵜⴻⵍⵇⴻⵢ ⵖⴻⴼ ⵓⵎⴻⵣⵔⵓⵢ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴻⵎⵙⴰⵍ-ⵏⵏⴻⵙ ⵏ ⵍⵇⴰⵏⵓⵏ ⵙⴻⴳ 1966 ⴰⵔ ⴰⵙⵙ-ⴰ, ⵢⴻⵔⵏⴰ ⵇⵓⵔⵏⴻⵏ ⴰⵢⴰ ⵖⴻⵔ ⵛⵛⵓⵔⵓⴹ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵜⴰⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴰⵎⵙⴰⵍⵜ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ), ⴷ ⴰⴽⴰⵍ ⵢⴻⵜⵜⵡⴰⴹⴹⴼⴻⵏ ⵡⴰⵔ ⵍⵇⴰⵏⵓⵏ ⵢⴻⵔⵏⴰ ⴰⵖⵔⴻⴼ ⴰⵚⴻⵃⵔⴰⵡⵉ ⵢⴻⵜⵜⴰⵍⴰⵙ ⴰⴷ ⵉⵖⴻⵍⵍⴻⵜ ⴰⵣⵔⴻⴼ-ⵏⵏⴻⵙ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ).

ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⴰⵇⴱⵓⵔ ⵏ ⵜⵖⴰⵡⵙⵉⵡⵉⵏ ⵏ ⵍⵇⴰⵏⵓⵏ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵀⴰⵏⵙ ⵛⵧⵔⴻⵍⵍ, ⴷ ⴰⴽⴽⴻⵏ ⴷⴻⴳ 2002, ⵢⴻⴼⴽⴰ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⵉⵡⴻⵏ ⵏ ⵕⵕⴰⵢ ⵏ ⵓⵛⵉⵡⴻⵕ ⵢⴻⵔⵣⴰⵏ ⵍⴻⵄⵇⵓⴷⴰⵜ ⴰⵢ ⵜⴻⵙⵜⴻⵏⵢⴰ ⵎⴻⵕⵕⵓⴽ ⴷ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⴱⴻⵕⵕⴰⵏⵉⵢⵉⵏ ⵉ ⵓⵏⴰⴷⵉ ⵖⴻⴼ ⵜⴻⵖⴱⵓⵍⴰ ⵢⴻⵍⵍⴰⵏ ⴷⴻⴳ ⵡⴰⴽⴰⵍ ⴰⵚⴻⵃⵔⴰⵡⵉ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⴰ ⵢⴻⵏⵏⴰ-ⴷ, ⴷⴻⴳ ⵕⵕⴰⵢ-ⵏⵏⴻⵙ, ⴷ ⴰⴽⴽⴻⵏ ⵍⴻⵄⵇⵓⴷⴰⵜ-ⵏⵏⵉ ⴼⴼⵖⴻⵏ ⵉ ⵍⵇⴰⵏⵓⵏ ⵢⴻⵔⵏⴰ ⵍⵍⴰⵏ-ⴷ ⴷ ⴰⵔⴽⴰⴹ ⵉ ⵍⵇⴰⵏⵓⵏ ⴰⴳⵔⴰⵖⵍⴰⵏ.

ⴰⵙⴰⵔⴰⴳ-ⴰ ⵢⴻⵜⵜⴻⴽⴽⴰ ⴷⴻⴳ-ⵙ ⴷⴰⵖ ⵓⵒⵕⵓⴼⵉⵙⵓⵔ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⵒⵧⵡⴻⵍⵍ ⵡⵧⵧⵔⴰⵏⴽ ⴷ ⵓⵒⵕⵓⴼⵉⵙⵓⵔ ⵎⴰⵀⵎⵧⵓⴷⵉ, ⵢⴻⵔⵏⴰ ⵢⴻⵍⵍⴰ-ⴷ ⴷⴻⴳ ⵡⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵙⵜⵧⵛⴽⵀⵧⵍⵎ ⵉ ⵍⵇⴰⵏⵓⵏ ⴷ ⵜⴻⵖⴷⴻⵎⵜ ⵙ ⵓⵎⵄⴰⵡⴻⵏ ⴷ ⵜⵙⴻⵇⵇⴰⵎⵓⵜ ⵜⴰⴳⵔⴰⵖⵍⴰⵏⵜ ⵏ ⵢⵉⵎⴰⵣⵣⴰⵢⴻⵏ ⵏ ⵍⵇⴰⵏⵓⵏ ⴷ ⵢⵉⵎⵃⵉⴷⴷⴰⵏ ⵏ ⵢⵉⵣⴻⵔⴼⴰⵏ ⵉⵖⴰⵔⵉⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ (ⵡⴰⴽⴰⵍⴰ).