ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵓⴼⵓⵙ: (ⴰⵣⴳⴻⵏ ⵏ ⵜⵏⴻⴳⴳⴰⵔⵓⵜ) ⵍⴻⵣⵣⴰⵢⴻⵔ ⵜⴻⵅⵚⴻⵔ ⵙⴷⴰⵜ ⵜⵓⵏⴻⵙ (18-27)

ⵍⵇⴰⵀⵉⵔⴰ – ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵏ ⵜⵛⵉⵔⵜ ⵓⴼⵓⵙ, ⵜⴻⵅⵚⴻⵔ ⴰⵙⵙ-ⴰ ⵏ ⵍⵊⴻⵎⵄⴰ ⵙⴷⴰⵜ ⵜⴻⵖⵍⴰⵎⵜ ⵜⴰⵜⵓⵏⵙⵉⵜ ⵙ ⵓⴳⵎⵓⴹ ⵏ (18 ⵖⴻⵔ 27), ⵙⴷⴻⴼⴼⵉⵔ ⵏ ⵓⴳⵎⵓⴹ (9 ⵖⴻⵔ 13) ⵉ ⵢⴻⵙ ⵢⴻⴽⴼⴰ ⵡⴻⵃⵔⵉⵛ ⴰⵎⴻⵣⵡⴰⵔⵓ ⵏ ⵜⴻⵎⵍⵉⵍⵉⵜ-ⴰ ⴰⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵜⴰⴼⵔⵉⵇⵉⵜ ⵏ ⵢⵉⵖⵍⴰⵏⴻⵏ ⵜⵉⵙ 22, ⵉ ⴷ-ⵢⴻⵜⵜⵉⵍⵉⵏ ⴷⴻⴳ ⵍⵇⴰⵀⵉⵔⴰ, ⵜⴰⵎⴰⵏⴻⵖⵜ ⵏ ⵎⴰⵚⴻⵔ. ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵜⵓⵏⴻⵙ ⵉ ⵢⴹⴻⵎⵏⴻⵏ ⵢⴰⴽⴰⵏ ⴰⵜⵜⴻⴽⴽⵉ-ⵉⵏⴻⵙ ⴷⴻⴳ ⵜⴻⵇⴱⵓⵛⵜ ⵓⵎⴰⴹⴰⵍ ⵏ 2017 ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⵎⵓⵔⵜ ⵏ ⴼⵕⴰⵏⵙⴰ, ⴰⴷ ⵜⵓⵔⴰⵔ ⵙⵙⴻⴱⵜ-ⴰ ⵖⴻⴼ (19ⵙ :00) ⵙⴷⴰⵜ ⵏ ⵡⵉⵏ ⴰⵔⴰ ⵉⵔⴻⴱⵃⴻⵏ ⴷⵉ ⵜⴻⵎⵍⵉⵍⵉⵜ ⵏ ⵡⴰⵣⴳⴻⵏ ⵜⵏⴻⴳⴳⴰⵔⵓⵜ ⵜⵉⵙ ⵙⵏⴰⵜ, ⴳⴰⵔ ⵜⴻⵖⵍⴰⵎⵉⵏ ⵏ ⵎⴰⵚⴻⵔ ⴰⴽⴽⴻⴷ ⴰⵏⴳⵧⵍⴰ. ⵜⵉⵎⵍⵉⵍⵉⵜ ⴰⵔⴰ ⴷ-ⵢⵉⵍⵉⵏ ⵜⴰⵎⴻⴷⴷⵉⵜ-ⴰ ⵖⴻⴼ ⵙⵙⴻⴱⵄⴰ ⵏ ⵜⵎⴻⴷⴷⵉⵜ. ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵙⴻⴳ ⵜⴰⵎⴰ-ⵉⵏⴻⵙ, ⴰⴷ ⵜⵓⵔⴰⵔ ⴰⵣⴻⴽⴽⴰ ⵏ ⵙⵙⴻⴱⵜ ⵖⴻⴼ (16ⵙ:30) , ⵎⴳⴰⵍ ⵡⵉⵏ ⴰⵔⴰ ⵉⵅⴻⵚⵔⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ ⵏ ⵎⴰⵚⴻⵔ ⴷ ⴰⵏⴳⵧⵍⴰ, ⵉⵍⵎⴻⵏⴷ ⵏ ⵡⴻⵎⴽⴰⵏ ⵡⵉⵙ ⴽⵔⴰⴹ (3) ⴰⵔⴰ ⵢⴻⵙⵙⵉⵡⴻⴹⴻⵏ ⴱⴰⴱ-ⵉⵙ ⴰⴷ ⵉⵜⵜⴻⴽⴽⵉ ⴷⴻⴳ ⵜⴻⵇⴱⵓⵛⵜ ⵓⵎⴰⴹⴰⵍ 2017. ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵙⵎⴻⴽⵜⵉ, ⴷⴰⴽⴽⴻⵏ ⴰⵍⴰ ⴰⵍⵖⵓⵖ ⴰⵔⴰ ⵢⴰⵡⵉⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ, ⴰⵔⴰ ⵢⴰⵡⴻⴹⴻⵏ ⵡⴻⵃⴷ-ⵙ ⴰⴽⴽⴻⵏ ⴰⴷ ⵉⵜⵜⴻⴽⴽⵉ ⴷⴻⴳ ⵓⵔⴰⵔⴻⵏ ⵓⵍⵉⵎⵒⵉⵢⴻⵏ 2016 ⴷⴻⴳ ⵔⵉⵧ ⴷⴻ ⵊⴰⵏⴻⵉⵔⵧ (ⵜⴰⵎⵓⵔⵜ ⵏ ⴱⵔⵉⵣⵉⵍ).