Asebter amenzawi

Taqbuct n Tefriqt n Tcirt Ufus: (Azgen n tneggarut) Lezzayer texṣer sdat Tunes (18-27)

LQAHIRA – Taɣlamt taɣelnawt tazzayrit n tcirt ufus, texṣer ass-a n Ljemɛa sdat teɣlamt tatunsit s ugmuḍ n (18 ɣer 27), sdeffir n ugmuḍ (9 ɣer 13) i yes yekfa weḥric amezwaru n temlilit-a azgen n tneggarut n Teqbuct Tafriqit n Yiɣlanen tis 22, i d-yettilin deg Lqahira, tamaneɣt n Maṣer. Taɣlamt taɣelnawt n Tunes i yḍemnen yakan attekki-ines deg Teqbuct Umaḍal n 2017 ara d-yilin deg tmurt n Fṛansa, ad turar Ssebt-a ɣef (19s :00) sdat n win ara irebḥen di temlilit n wazgen tneggarut tis snat, gar teɣlamin n Maṣer akked Angola. Timlilit ara d-yilin tameddit-a ɣef ssebɛa n tmeddit. Taɣlamt taɣelnawt Tazzayrit seg tama-ines, ad turar azekka n Ssebt ɣef (16s:30) , mgal win ara ixeṣren deg temlilit-a n Maṣer d Angola, ilmend n wemkan wis kraḍ (3) ara yessiweḍen bab-is ad ittekki deg Teqbuct Umaḍal 2017. Yessefk ad d-yili usmekti, dakken ala alɣuɣ ara yawin Teqbuct n Tefriqt n Yiɣlanen, ara yaweḍen weḥd-s akken ad ittekki deg Uraren Ulimpiyen 2016 deg Rio de Janeiro (Tamurt n Brizil).