ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 260 ⵏ ⵜⴻⵕⵎⵉⵙⵉⵏ ⵜⵉⵎⴻⵥⵢⴰⵏⵉⵏ ⴰⵢ ⴷ-ⵢⴻⵏⵏⵓⵍⴼⴰⵏ ⴷⴻⴳ 2015 ⴷⴻⴳ ⵜⵖⴻⵔⴷⴰⵢⵜ

ⵜⴰƔⴻⵔⴷⴰⵢⵜ - ⵏⵏⵓⵍⴼⴰⵏⵜ-ⴷ 264 ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⵎⴻⵥⵢⴰⵏⵉⵏ ⵏ ⵢⵉⵍⴻⵎⵥⵉⵢⴻⵏ ⴷⴻⴳ 2015 ⴷⴻⴳ ⵜⵖⴻⵔⴷⴰⵢⵜ ⵙ ⵓⵏⴻⴳⵔⴰⵡ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⴷⵀⴰⵍ ⵏ ⵓⵙⵙⴻⵎⵔⴻⵙ ⵏ ⵢⵉⵍⴻⵎⵥⵉⵢⴻⵏ (ⴰⵏⵙⴻⵊ), ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵙ ⵓⵙⵙⴻⴼⵜⵉ ⵏ 1,4 ⴷ ⴰⵎⴻⵍⵢⴰⵕ ⵏ ⵢⵉⴷⵉⵏⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⵢⵉⵎⴹⴻⴱⴱⵔⴻⵏ ⵏ ⵜⵏⴻⴳⴳⴰ-ⴰ ⴷⴻⴳ ⵜⵡⵉⵍⴰⵢⵜ-ⴰ.

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴻⵕⵎⵉⵙⵉⵏ-ⴰ ⵍⴰ ⵅⴻⴷⴷⵎⴻⵏⵜ ⴷⴻⴳ ⵓⵃⵔⵉⵛ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ), ⵉⵎⴻⵥⵍⴰ (ⵅⴰⴷⴰⵎⴰⵜ) ⴷ ⵜⴽⴻⵔⵔⴰⵣⵜ, ⵢⴻⵔⵏⴰ ⵃⵓⵣⴰⵏⵜ-ⴷ ⴰⴽⴽ ⵜⵉⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ, ⵙ ⵓⵎⴰⵜⴰ. ⵜⵉⵕⵎⵉⵙⵉⵏ-ⴰ ⵙⵏⵓⵍⴼⴰⵏⵜ-ⴷ ⴰⵣⴰⵍ ⵏ 642 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⵊⴰⵎⴻⵍ ⴱⴻⵏⵙⴻⴳⵀⵉⵔ, ⴰⵏⴻⵎⵀⴰⵍ ⵏ ⵜⵏⴻⴳⴳⴰ ⵏ ⵜⵖⴻⵔⴷⴰⵢⵜ.

ⴰⵣⴰⵍ ⵏ 40 ⵏ ⵜⴻⵕⵎⵉⵙⵉⵏ ⵜⵉⵎⴻⵥⵢⴰⵏⵉⵏ ⴰⵢ ⴷ-ⵙⵏⵓⵍⴼⴰⵏⵜ ⵜⵙⴻⴷⵏⴰⵏ, ⵢⴻⵔⵏⴰ ⵢⴻⵙⵏⵓⵍⴼⴰ-ⴷ ⵡⴰⵢⴰ 120 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⴷⴻⴳ ⵓⵃⵔⵉⵛ ⵏ ⵜⴻⵏⴹⵉ (ⵚⵉⵏⴰⵄⴰ ⵜⴰⵇⵍⵉⴷⵉⵢⵢⴰ), ⵖⴻⴼ ⵍⴻⵃⵙⴰⴱ ⵏ ⵓⵏⴻⵎⵀⴰⵍ-ⴰ.

ⵢⴻⵏⵇⴻⵙ « ⵎⵍⵉⵃ » ⵓⵎⴹⴰⵏ (ⵄⴰⴷⴰⴷ) ⵏ ⵢⵉⵙⴻⵏⴼⴰⵔⴻⵏ ⵏ ⵢⵉⵍⴻⵎⵥⵉⵢⴻⵏ ⵓⵎⵉ ⵜⴻⴼⴽⴰ ⵜⵏⴻⴳⴳⴰ-ⴰ ⵉⴷⵔⵉⵎⴻⵏ ⴷⴻⴳ 2015, ⵎⴰ ⵏⵇⵓⵔⴻⵏ-ⵉⵜ ⵖⴻⵔ 2014, ⴰⵢⴷⴻⴳ ⴷ-ⵏⵏⵓⵍⴼⴰⵏⵜ 443 ⵏ ⵜⴻⵕⵎⵉⵙⵉⵏ. ⵢⴻⵍⵍⴰ-ⴷ ⵡⴰⵢⴰ ⵉⵎⵉ ⵜⴰⵏⴻⴳⴳⴰ ⵏ ⵓⴷⵀⴰⵍ ⵏ ⵓⵙⵙⴻⵎⵔⴻⵙ ⵏ ⵢⵉⵍⴻⵎⵥⵉⵢⴻⵏ ⵜⴻⵙⵙⵓⵜⵓⵔ-ⴷ ⵉ ⵢⵉⵍⴻⵎⵥⵉⵢⴻⵏ ⴰⵢ ⴷ-ⵢⴻⵙⵙⵓⵜⵓⵔⴻⵏ ⵍⴻⵎⵄⴰⵡⵏⴰ ⴰⴷ ⵙⵄⵓⵏ ⴰⴳⴻⵔⴷⴰⵙ (ⵛⴰⵀⴰⴷⴰ) ⴷⴻⴳ ⵓⵏⵔⴰⵔ-ⵏⵏⵉ ⴰⵢⴷⴻⴳ ⴱⵖⴰⵏ ⴰⴷ ⵅⴻⴷⵎⴻⵏ. ⵢⴻⵍⵍⴰ-ⴷ ⵡⴰⵢⴰ ⵉ ⵓⵙⵙⴻⵏⵇⴻⵙ ⵏ ⵍⴻⵅⵚⴰⵔⴰ ⵏ ⵜⴻⵕⵎⵉⵙⵉⵏ-ⵏⵏⵉ ⴰⵢ ⵍⴰ ⴷ-ⵢⴻⵜⵜⵏⵓⵍⴼⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⵙⴻⴳⵀⵉⵔ.

ⴰⴽⴽⴻⵏ ⴰⴷ ⵣⴻⵎⵔⴻⵏ ⵢⵉⵕⴻⵎⵎⴰⵙⴻⵏ ⵉⵍⴻⵎⵥⵉⵢⴻⵏ ⴰⴷ ⵙⵔⴻⴱⵃⴻⵏ ⵉⵙⴻⵏⴼⴰⵔⴻⵏ-ⵏⵙⴻⵏ, ⵜⴰⵏⴻⴳⴳⴰ ⵏ ⵜⵖⴻⵔⴷⴰⵢⵜ ⵜⴻⴱⴷⴰ ⵜⴻⵜⵜⴻⴳ-ⴰⵙⴻⵏ ⴰⵙⵙⵉⵍⴻⵖ (ⵜⴰⴽⵡⵉⵏ) ⴰⴽⴽⴻⵏ ⴰⴷ ⵙⵙⵏⴻⵏ ⵕⵕⵓⵃ ⵏ ⵓⵕⵎⴰⵙ ⴷ ⵜⵎⵓⵙⵙⵏⵉ ⵏ ⵡⴰⵎⴻⴽ ⴰⴷ ⴷ-ⵙⵙⵉⴷⴼⴻⵏ ⵉⵍⴻⵎⵥⵉⵢⴻⵏ ⴰⵢ ⵉⵡⴰⵜⴰⵏ ⵉ ⵓⵅⴻⴷⴷⵉⵎ ⴷⴻⴳ ⵓⵏⵔⴰⵔ-ⵏⵙⴻⵏ.

ⴷ ⵜⵉⵡⵉⵏⴰⵙ (ⵎⵉ’ⴰⵜ) ⵏ ⵢⵉⵕⴻⵎⵎⴰⵙⴻⵏ ⵉⵍⴻⵎⵥⵉⵢⴻⵏ, ⵙⴻⴳ ⵜⵖⵉⵡⴰⵏⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵡⵉⵍⴰⵢⵜ-ⴰ, ⴰⵢ ⴷ-ⵢⴻⵜⵜⵡⴰⵙⵙⵉⵍⵖⴻⵏ ⵙ ⵡⴰⵀⵉⵍ-ⴰ ⴰⵡⴻⵣⵍⴰⵏ ⴰⵢ ⴷ-ⵢⴻⵍⵍⴰⵏ ⵙ ⵓⵇⴰⴷⴻⵔ ⵏ ⵜⴻⴳⵏⴰ (ⵎⴰⵄⴰⵢⵉⵔ) ⵏ ⵜⵏⴰⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵎⴰⵀⵉⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⵙⴻⴳⵀⵉⵔ