ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵅⵚⴻⵔ ⵍⴻⵣⵣⴰⵢⴻⵔ ⵎⴳⴰⵍ ⴰⵏⴳⵓⵍⴰ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⴼⵓⵙ

ⵍⵇⴰⵀⵉⵔⴰ – ⵜⵜⵡⴰⵅⴻⵢⵢⴱⴻⵏ ⵢⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⵖⴻⴼ ⵍⴵⴰⵍ ⵏ ⵍⴻⵅⵚⴰⵔⴰ-ⵏⵙⴻⵏ ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵜⵜⴻⴼ ⴰⵢ ⵓⵔⴰⵔⴻⵏ ⵎⴳⴰⵍ ⴰⵏⴳⵓⵍⴰ (19-25), ⵢⴻⵔⵏⴰ ⵓⴳⵉⵏ ⴰⴷ ⵙⵙⵉⵡⵍⴻⵏ ⴷ ⵜⵖⴻⵎⵙⴰ ⵖⴻⴼ ⵡⴰⵢⴰ. ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ ⵉ ⵜⵓⴹⴹⴼⴰ ⵏ ⵓⵎⴽⴰⵏ ⵡⵉⵙ 3 ⴷⴻⴳ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⴼⵓⵙ ⵉ ⵍⵎⴻⵏⴷ ⵏ ⵓⵄⴻⴷⴷⵉ ⵖⴻⵔ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2017 ⴰⴷ ⴷ-ⵢⵉⵍⵉⵏ ⴷⴻⴳ ⴼⵕⴰⵏⵙⴰ.

ⵜⴰⵖⵍⴰⵎⵜ ⵏ ⵍⴻⵣⵣⴰⵢⴻⵔ ⵜⴻⵜⵜⵡⴰⵅⴻⵢⵢⴻⴱ ⵉⵎⵉ ⵓⵔ ⵜⴻⵙⵙⴰⵡⴻⴹ ⴰⴷ ⵜⴻⵔⴱⴻⵃ ⵜⴰⵇⴱⵓⵛⵜ ⵏ ⵜⴻⴼⵔⵉⵇⵜ, ⵢⴻⵔⵏⴰ ⵓⵔ ⵜⴻⵙⵙⴰⵡⴻⴹ ⴰⴷ ⵜⵄⴻⴷⴷⵉ ⵖⴻⵔ ⵜⴻⵇⴱⵓⵛⵜ ⵏ ⵓⵎⴰⴹⴰⵍ, ⵢⴻⵔⵏⴰ ⴷⴻⴼⴼⵉⵔ ⵍⴻⵅⵚⴰⵔⴰ-ⵏⵏⴻⵙ ⵎⴳⴰⵍ ⴰⵏⴳⵓⵍⴰ, ⴷⴷⴰⵏ ⵢⵉⵎⴰⵔⵉⵔⴻⵏ ⵉⴷⵣⴰⵢⵔⵉⵢⴻⵏ ⵙⵔⵉⴷ ⵖⴻⵔ ⵜⵣⴻⵖⵖⴰ ⵏ ⵓⴱⴻⴷⴷⴻⵍ, ⵡⴰⵔ ⵎⴰ ⵏⵏⴰⵏ-ⴷ ⵓⵍⴰ ⴷ ⵢⵉⵡⴻⵏ ⵏ ⵡⴰⵡⴰⵍ ⵉ ⵢⵉⵏⴻⵖⵎⴰⵙⴻⵏ/

ⴰⵣⴳⴻⵏ-ⴰⵍⴻⵎⵎⴰⵙ ⴰⴱⴷⴻⵍⴽⴰⴷⴻⵔ ⵔⴰⵀⵉⵎ ⴷ ⵏⴻⵜⵜⴰ ⴰⵢ ⴷ ⴰⵎⴰⵔⵉⵔ ⴰⵢ ⵜⵃⵓⵣⴰ ⴰⵟⴰⵙ ⴰⴽⴽ ⵍⴻⵅⵚⴰⵔⴰ-ⴰ ⵉⵎⵉ, ⵎⵉ ⴷ-ⵉⵚⴻⴼⴼⴻⵔ ⵓⵏⴻⴼⵔⴰⵢ (ⵃⴰⴽⴰⵎ) ⴰⴽⴽⴻⵏ ⴰⴷ ⵜⴼⴰⴽ ⵜⴻⵎⵍⵉⵍⵉⵜ, ⵢⴻⵖⵍⵉ ⵖⴻⵔ ⵍⵇⴰⵄⴰ, ⵢⴻⵜⵜⵔⵓ.

ⵉ ⵓⵙⵎⴻⴽⵜⵉ, ⵍⴻⵣⵣⴰⵢⴻⵔ ⵜⴻⵅⵚⴻⵔ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⵇⴰⵟⴰⵔ ⵏ 2015, ⵢⴻⵔⵏⴰ ⵜⴼⵓⴽ ⴷ ⵜⵉⵙ 24 ⴷⴻⴳ ⵓⵎⵙⵉⵣⵡⴻⵔ-ⴰ (ⴷ ⴰⵎⴽⴰⵏ ⴰⵏⴻⴳⴳⴰⵔⵓ), ⵢⴻⵔⵏⴰ ⵓⵔ ⵜⴻⵙⵙⴰⵡⴻⴹ ⴰⵔⴰ ⵖⴻⵔ ⵢⵉⵙⵡⵉ-ⵏⵏⴻⵙ, ⴷⴻⴳ ⵜⴻⵍⵖⵓⵖⴰ-ⴰ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ, ⴰⵢⴷⴻⴳ ⵜⴻⵙⵙⴰⵔⴻⵎ, ⵎⴻⵇⵇⴰⵔ, ⴰⴷ ⵜⵄⴻⴷⴷⵉ ⵖⴻⵔ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2017.