Asebter amenzawi

Texṣer Lezzayer mgal Angula deg Telɣuɣa n Tefriqt n Tcirt n Ufus

LQAHIRA – Ttwaxeyyben yimariren n teɣlamt taɣelnawt tadzayrit n tcirt n uḍar ɣef lǧal n lexṣara-nsen deg temlilit n usettef ay uraren mgal Angula (19-25), yerna ugin ad ssiwlen d tɣemsa ɣef waya. Timlilit-a tella-d i tuḍḍfa n umkan wis 3 deg Teqbuct n Tefriqt n Tcirt n Ufus i lmend n uɛeddi ɣer Teqbuct n Umaḍal n 2017 ad d-yilin deg Fṛansa.

Taɣlamt n Lezzayer tettwaxeyyeb imi ur tessaweḍ ad terbeḥ taqbuct n Tefriqt, yerna ur tessaweḍ ad tɛeddi ɣer Teqbuct n Umaḍal, yerna deffir lexṣara-nnes mgal Angula, ddan yimariren idzayriyen srid ɣer tzeɣɣa n ubeddel, war ma nnan-d ula d yiwen n wawal i yineɣmasen/

Azgen-alemmas Abdelkader Rahim d netta ay d amarir ay tḥuza aṭas akk lexṣara-a imi, mi d-iṣeffer unefray (ḥakam) akken ad tfak temlilit, yeɣli ɣer lqaɛa, yettru.

I usmekti, Lezzayer texṣer deg teqbuct n umaḍal n Qaṭar n 2015, yerna tfuk d tis 24 deg umsizwer-a (d amkan aneggaru), yerna ur tessaweḍ ara ɣer yiswi-nnes, deg telɣuɣa-a n Tefriqt n Yiɣlanen, aydeg tessarem, meqqar, ad tɛeddi ɣer Teqbuct n Umaḍal n 2017.