Asebter amenzawi

Asɛeddi n sin isura izzayriyen deg Tfaska n Ssinima umeskar n Ṛibaṭ

Ṛibaṭ- Ad d-yili usɛeddi d ussenẓer n Usaru azzayri aɣezfan "La preuve" n bab-is Ammor Hakkar , akked ufetraw (Ccaṛiṭ) "Derniers mots" n Mohamed Zaoui , deg teẓrigt tis 21 n Tfaska n Ssinima n Umeskar di temdint n Ṛibaṭ (Merruk) . Tadyant tadelsant ara yeqqimen alamma d 5 Furar i d-iteddun, ɣef akken i d-yenna wadeg n Internet n tfaska-ayi.

Isura-a deg sin, ad yili usɛeddi-nsen berra n temsizzelt “Ssinima n Umaḍal”, yiwet seg tgezmiwin n tfaska.

Seg tama nniḍen, llan 14 n yisura iɣezfanen i d-yekkan seg 11 n tmura timtekkiyin deg temsizzelt tunṣibt n tedyant-a. Tadyant ideg ara d-yili daɣ ufran n yisura d yifetrawen imerrukiyen, akken ara yili wahil yemmuzgen deg Ssinima taṭalyanit, ilmend n tfaska tis 21 ayi n ssinima umeskar di Ṛribaṭ.

Tafaska-ayi i d-yennulfan deg useggas n 1994, telha-d s usnefli d usmal n ssinima n umeskar, i tt-walin imsudsen-ines dakken “D taẓuri n tidet yesɛan azal-ines, d wayen i tt-yerzan i yiman-is, akken daɣ i s- tlaq tebɣest d beqqu am tẓuṛiyin nniḍen”.

Taẓrigt tis 21 n tfaska-ayi ; tella naqal ad d-tili deg wayyur n Tuber 2015 , uqbel ad t-ttwasegger ar tura imi d-mmugeren imsudsen imir-nni kra n wuguren adrimanen, ɣef akken i d-twekked tɣamsa tamerrukit.