Asebter amenzawi

Ldzayer twet-d deg ukemmel n rrebrab n Boko Haram deg Nijirya d Čad

LDZAYER TAMANEɣT – Twet-d Ldzayer deg unnerni n rrebrab n Boko Haram deg Nijirya d Čad, ɣef wakken ay d-yenna, ass n lḥedd deg Ldzayer Tamaneɣt, umutlay (naṭiq) n uɣlif n tɣawsiwin n uzɣar, Abdelaziz Benali Cherif.

« Inṭagen (hugumat) irebraben n Boko Haram uɣalen ttilin-d qrib yal ass yerna la ttḥakaṛen, ladɣa, igerdan, iɣarimen (madaniyyin) d wayt tuddar ur yezmiren ad ḥudden iman-nsen », ɣef wakken ay d-yenna Mass Benali Cherif deg yiwet n tseɣrut ay d-iga i Tnegga n Yisalan n Ldzayer deffir ma tessugget Boko Haram inṭagen-nnes irebraben deg Nijirya d tmura niḍen n temnaḍt-a.

Inṭagen ay d-yellan ass n ssebt ḥuzan aṭas n tuddar ay d-yusan sdat temdint n Maiduguri, deg Nijirya, ma d wid n wass n lḥedd llan-d deg temdint n Guie d taddart n Miterine deg Čad.

« Nessaẓer (nunaddidu) s lǧehd tixazzabiyin-a yerna nettwali dakken assugget n yixeddimen-a ijrimanen (iǧramiyya) yessefk ad yettwaqabel s ccɣel d uǧhid ad d-yilin s umɛawen gar akk timura n temnaḍt-a, ladɣa deg ukatar n Tdusi Tagraɣlant Tuxliḍt, d ussebges n wakk ttawilat ay izemren ad sǧehden tizemmar n uqabel n tuggza tarebrabt », ɣef wakken ay d-yenna umutlay n uɣlif n tɣawisin n uzɣar.

« Yessefl ad d-tili temsetlelt (taḍamun) ama gar tmura tifriqiyin, ama gar umɣiwan (muǧtamaɛ) agraɣlan akken ad naweḍ ɣer yiswi-a », ɣef wakken ay d-yerna Mass Benali Cherif.

« Nekkni, ay d-yerran dima lwelha-nneɣ ɣer s kra n wayen yeqqnen ɣer talwit, taɣellist (amn) d urkad deg umenẓaw-nneɣ afriqi, nessenfalay-d tamsetlelt-nneɣ d tmura-a yerna nettɛezzi tiwaculin n teɣtas (ḍaḥaya) d yinabaḍen n Nijirya d Čad », ɣef wakken ay tt-id-yextem Mass Cherif Benali.