ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵇⴰⵛⵓⵛⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ: ⵍⴻⵣⵣⴰⵢⴻⵔ ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴰⴷⴷⵓⴷⴻⵏ-ⵏⵏⴻⵙ ⵉⴷⵓⵒⵍⵓⵎⴰⵜⵉⵢⴻⵏ
ⴰⴷⴷⵉⵙ-ⴰⴱⴻⴱⴰ- ⵜⴰⵇⴰⵛⵓⵛⵜ ⵜⵉⵙ 26 ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⵢ ⵉⴼⵓⴽⴻⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⴰⴷⴷⵉⵙ-ⴰⴱⴻⴱⴰ, ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⵄⴰⵡⴻⴷ ⴰⴷ ⴷ-ⵜⵡⴻⴽⴽⴻⴷ, ⵜⵉⴽⴽⴻⵍⵜ ⵏⵉⴹⴻⵏ, ⵉⵎⴻⵏⵣⴰⵢⴻⵏ (ⵎⴰⴱⴰⴷ’ⵉ) ⵉⴳⴻⵊⴷⴰⵏⴻⵏ ⵏ ⵜⴷⵉⵒⵍⵓⵎⴰⵜⵉⵜ ⵜⴰⴷⵣⴰⵢⵔⵉⵜ ⵙⴻⴳ ⵡⴰⵙⵎⵉ ⴰⵢ ⵜⴻⵡⵡⵉ ⴰⵣⴰⵔⵓⴳ (ⵉⵙⵜⵉⵇⵍⴰⵍ).
ⵜⴰⴷⵉⵒⵍⵓⵎⴰⵜⵉⵜ ⵜⴰⴷⵣⴰⵢⵔⵉⵜ ⵜⴻⵍⵀⴰ-ⴷ ⵙ ⵡⴰⴽⴽ ⵜⵉⵎⵙⴰⵍ ⵏ ⵛⵛⵡⴰⵍ ⵢⴻⵔⵣⴰⵏ ⵜⴰⴼⵔⵉⵇⵜ ⴷⴻⴳ ⵜⵇⴰⵛⵓⵛⵜ ⵏ ⴰⴷⴷⵉⵙ-ⴰⴱⴻⴱⴰ, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵍⴻⵣⵣⴰⵢⴻⵔ ⴰⴷ ⴷ-ⵜⴻⵙⴱⴰⵏ ⴰⴷⴷⵓⴷⴻⵏ ⴰⵢⵖⴻⴼ ⴷⵉⵎⴰ ⵜⴻⵏⵏⵓⵖ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ (ⴰⵎⵏ), ⵜⴰⵏⵏⴻⴼⵍⵉⵜ (ⵜⴰⵏⵎⵉⵢⴰ) ⴷ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵣⵖⵉⵏⵉⵏ (ⴰⵣⴰⵎⴰⵜ) ⴷ ⵍⵅⵉⵍⴰⴼⴰⵜ ⵢⴻⵍⵍⴰⵏ ⴳⴰⵔ ⵜⵎⵓⵔⴰ ⵏ ⵜⴻⴼⵔⵉⵇⵜ, ⵍⴻⵣⵣⴰⵢⴻⵔ ⵙⴻⴳ ⵣⵉⴽ ⴰⵢ ⵜⵓⴳⵉ ⵜⴰⴳⴻⵔⵎⴰⵏⵜ (ⵜⴰⴷⴰⵅⵅⵓⵍ) ⵜⴰⵙⴻⵔⴷⴰⵙⴰⵏⵜ ⵢⴻⵔⵏⴰ ⵜⴻⵙⵎⴻⵏⵢⴰⴼ ⵜⵉⴼⵔⴰⵜ ⵙ ⵜⴰⵍⵡⵉⵜ ⴷ ⵜⵙⴻⵔⵜⵉⵜ ⵙ ⵓⴷⵉⵡⴻⵏⵏⵉ ⴷ ⵓⵎⵛⵉⵡⴻⵕ, ⴰⵎ ⵡⴰⴽⴽⴻⵏ ⴰⵢ ⵜⴼⵓⵕⴻⵙ ⴰⴷ ⵜⴻⵙⵙⵉⵡⴻⴹ ⵜⴰⵖⴻⵛⵜ-ⵏⵏⴻⵙ ⵉ ⵢⵉⵎⴹⴻⴱⴱⵔⴻⵏ ⵉⴼⵔⵉⵇⵉⵢⴻⵏ ⵓⵎⵉ ⴷ-ⵜⵡⴻⴽⴽⴻⴷ ⴷ ⴰⴽⴽⴻⵏ ⴰⴽⴽ ⵍⵅⵉⵍⴰⴼⴰⵜ ⵣⴻⵎⵔⴻⵏ ⴰⴷ ⴼⵔⴻⵏ ⵙ ⵍⴻⵎⵛⴰⵡⵕⴰⵜ ⵢⴻⵔⵏⴰ ⴱⴻⵕⵕⴰ ⵉ ⵟⵟⵔⴰⴷⴰⵜ ⴰⵢ ⵢⴻⵙⵙⴻⴷⵔⴰⵎⴻⵏ ⵜⵉⵎⵓⵔⴰ.
ⴷⵖⴰ ⴰⴽⴽⴰ ⴰⵢ ⵢⴻⵍⵍⴰ ⵍⵃⴰⵍ ⴷ ⵜⴻⵎⵙⴰⵍⵜ ⵏ ⵍⵉⴱⵢⴰ ⴰⵢⴷⴻⴳ ⵍⴻⵣⵣⴰⵢⴻⵔ ⵜⴻⵅⴷⴻⵎ, ⵙⴻⴳ ⵡⴰⵙⵎⵉ ⴰⵢ ⵜⴻⴱⴷⴰ ⵜⴻⵣⵖⵉⵏⵜ ⵏ ⵜⵎⵓⵔⵜ-ⴰ, ⴰⴽⴽⴻⵏ ⴰⴷ ⴷ-ⵜⴻⵙⵙⴻⴳⵔⴻⵡ ⵜⵉⴳⵔⴰⵡⵉⵏ ⵢⴻⵎⵅⴰⵚⴰⵎⴻⵏ ⴰⴽⴽⴻⵏ ⴰⴷ ⵎⵛⵉⵡⵕⴻⵏⵜ, ⵢⴻⵔⵏⴰ ⵜⵓⵎⴰⵔ (ⵜⴻⴼⵕⴻⵃ) ⵍⴻⵣⵣⴰⵢⴻⵔ ⵙ ⵓⵙⵜⴻⵏⵢⵉ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⴰⵙⴻⵔⵜⵉ ⴰⵢ ⵢⴻⴵⴵⴰⵏ ⵍⵉⴱⵢⴰ ⴰⴷ ⴷ-ⵜⴻⵙⵙⴻⴱⴷⴻⴷ ⴰⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷ ⵜⵙⵓⴷⴰ ⵜⵉⵎⴻⴳⴷⴰⵢⵉⵏ ⴰⴷ ⵉⴷⵓⵎⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷ ⴰⴽⴽⴻⵏ ⴰⵎⵜⴰⵡⴰ-ⴰ ⴷ ⵏⴻⵜⵜⴰ ⴰⵢ ⴷ ⴰⴱⵔⵉⴷ ⴰⵡⵃⵉⴷ ⴰⴷ ⵢⴻⴼⵔⵓⵏ ⵜⴰⵣⵖⵉⵏⵜ ⵜⴰⵍⵉⴱⵉⵜ.
ⵍⴻⵣⵣⴰⵢⴻⵔ ⵜⴻⴱⴷⴻⴷ ⴷⴰⵖ ⵙ ⵍⴵⴻⵀⴷ ⵖⴻⵔ ⵢⵉⴷⵉⵙ ⵏ ⵍⴻⴱⵖⵉ ⴰⵙⴻⵔⵜⵉ ⵏ ⵢⵉⵎⴹⴻⴱⴱⵔⴻⵏ ⵉⴼⵔⵉⵇⵉⵢⴻⵏ ⴰⴽⴽⴻⵏ ⴰⴷ ⵏⵏⴰⵖⴻⵏ ⵎⴳⴰⵍ ⵔⵔⴻⴱⵔⴰⴱ, ⵢⴻⵔⵏⴰ ⵜⴻⵛⵔⴻⴽ ⵍⴻⵣⵣⴰⵢⴻⵔ ⵜⵜⴻⵊⵕⵉⴱⴰ-ⵏⵏⴻⵙ ⴷ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵎⴳⴰⵍ ⵓⵅⴻⵚⵚⴰⵔ-ⴰ ⵢⴻⵅⴹⴰⵏ ⴰⵣⴰⵍⴻⵏ ⵏ ⵍⵉⵙⵍⴰⵎ.
