ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⴳⵔⴰⵖⵍⴰⵏⵜ ⵏ ⵜⵉⵖⵉⵍⵜ ⵏ ⴷⴰⵏ-ⴽⵧⵍⵧⵠ: ⵍⴻⵣⵣⴰⵢⴻⵔ ⵜⴻⵔⴱⴻⵃ-ⴷ ⵜⴰⵣⴰⵍⵖⵉ ⵏ ⵓⵥⵔⴻⴼ

ⵙⵧⴼⵉⴰ – ⵢⴻⵔⴱⴻⵃ-ⴷ ⵓⵎⵙⵉⵖⵉⵍ ⴰⵣⴰⵢⵔⵓ ⴰⴽⵔⴰⵎ ⴱⵧⵓⴷⵊⴻⵎⵍⵉⵏⴻ (71 ⵏ ⵢⵉⴽⵉⵍⵓⴳⵕⴰⵎⴻⵏ) ⵜⴰⵣⴰⵍⵖⵉ ⵏ ⵓⵥⵔⴻⴼ (ⴼⵉⴹⴹⴰ) ⴷⴻⴳ ⵜⴻⵍⵖⵓⵖⴰ ⵏ ⵜⴰⴳⵔⴰⵖⵍⴰⵏⵜ ⵏ ⴷⴰⵏ-ⴽⵧⵍⵧⵠ ⴷ ⵏⵉⵛⵧⵍⴰ-ⵒⴻⵜⵔⵧⵠ, ⴰⵙⵙ ⵏ ⵙⵙⴻⴱⵜ, ⴷⴻⴳ ⵙⵧⴼⵉⴰ (ⴱⵓⵍⴳⴰⵕⵢⴰ). ⴱⵧⵓⴷⵊⴻⵎⵍⵉⵏⴻ ⵢⴻⵔⴱⴻⵃ-ⴷ ⵜⴰⵣⴰⵍⵖⵉ-ⵏⵏⴻⵙ ⴷⴻⴳ ⵜⵉⵖⵉⵍⵜ ⵜⴰⴳⵔⵉⴳⵉⵜ-ⵜⴰⵕⵓⵎⴰⵏⵉⵜ.

ⴰⵙⵙ ⵏ ⵙⵙⴻⴱⵜ, ⵢⴻⵔⴱⴻⵃ-ⴷ ⴷⴰⵖ ⴷⴻⴳ-ⵙ ⵓⵎⵙⵉⵖⵉⵍ ⴰⴷⵣⴰⵢⵔⵉ ⴱⵧⵓⵣⵉⴷ ⵍⵧⵓⴰⵏⴻⵙ ⵜⴰⵣⴰⵍⵖⵉ ⵏ ⵓⴱⵕⵓⵏⵣ ⴷⴻⴳ ⵜⴻⵍⵖⵓⵖⴰ ⵏ ⵜⵉⵖⵉⵍⵜ ⵜⵉⵍⴻⵍⵍⵉⵜ (97 ⵏ ⵢⵉⴽⵉⵍⵓⴳⵕⴰⵎⴻⵏ).

ⴰⵙⵙ ⵏ ⵍⵊⴻⵎⵄⴰ, ⴷ ⵜⴰⴷⵣⴰⵢⵔⵉⵜ ⵔⴰⴱⴻⴰ ⵍⴰⵎⴰⵍⵙⴰ (61 ⵏ ⵢⵉⴽⵉⵍⵓⴳⵕⴰⵎⴻⵏ) ⴰⵢ ⴷ-ⵉⵔⴻⴱⵃⴻⵏ ⵜⴰⵣⴰⵍⵖⵉ ⵏ ⵓⴱⵕⵓⵏⵣ ⴷⴻⴳ ⵜⵉⵖⵉⵍⵜ ⵏ ⵜⵙⴻⴷⵏⴰⵏ.

ⵜⴰⵍⵖⵓⵖⴰ-ⴰ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵙ ⵡⴰⵣⴰⵍ-ⵏⵏⴻⵙ ⵉ ⵢⵉⵎⵙⵉⵍⵉⵖⴻⵏ ⵉⴷⵣⴰⵢⵔⵉⵢⴻⵏ ⴰⴽⴽⴻⵏ ⴰⴷ ⵇⵉⵙⵙⴻⵏ ⵜⵉⵣⴻⵎⵎⴰⵔ-ⵏⵙⴻⵏ ⵉ ⵍⵎⴻⵏⴷ ⵏ ⵓⵜⵜⴻⴽⴽⵉ ⴷⴻⴳ ⵜⵜⵉⵄⴰⴷⴰⵜ ⵉⴳⵔⴰⵖⵍⴰⵏⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ ⴰⵎ ⵜⴻⵍⵖⵓⵖⴰ ⵏ « ⵜⴻⴼⵔⵉⵇⵜ-ⵜⵓⴽⵢⴰⵏⵓⵙⵜ » ⴰⴷ ⴷ-ⵢⵉⵍⵉⵏ ⴳⴰⵔ 1 ⴷ 3 ⵢⴻⴱⵔⵉⵔ ⴷⴻⴳ ⵜⵇⵓⴱⴱⴻⵜ ⵏ ⵓⵙⵓⴷⴷⵉⵙ (ⵎⵓⵔⴰⴽⴽⴰⴱ) ⵓⵍⵉⵎⵒⵉ ⵏ ⵎⵧⵀⴰⵎⴻⴷ-ⴱⵧⵓⴷⵉⴰⴼ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ), ⵢⴻⵔⵏⴰ ⴷ ⵡⵉⵏ ⴰⵢⴷⴻⴳ ⵡⵉⴷ ⴰⴷ ⵉⵔⴻⴱⵃⴻⵏ ⴰⴷ ⵄⴻⴷⴷⵉⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016.