Asebter amenzawi

Talɣuɣa tagraɣlant n tiɣilt n Dan-Kolov: Lezzayer terbeḥ-d tazalɣi n uẓref

SOFIA – Yerbeḥ-d umsiɣil azayru Akram Boudjemline (71 n yikilugṛamen) tazalɣi n uẓref (fiḍḍa) deg telɣuɣa n tagraɣlant n Dan-Kolov d Nicola-Petrov, ass n ssebt, deg Sofia (Bulgaṛya). Boudjemline yerbeḥ-d tazalɣi-nnes deg tiɣilt tagrigit-taṛumanit.

Ass n ssebt, yerbeḥ-d daɣ deg-s umsiɣil adzayri Bouzid Louanes tazalɣi n ubṛunz deg telɣuɣa n tiɣilt tilellit (97 n yikilugṛamen).

Ass n ljemɛa, d Tadzayrit Rabea Lamalsa (61 n yikilugṛamen) ay d-irebḥen tazalɣi n ubṛunz deg tiɣilt n tsednan.

Talɣuɣa-a tella-d d tagnit s wazal-nnes i yimsiliɣen idzayriyen akken ad qissen tizemmar-nsen i lmend n uttekki deg ttiɛadat igraɣlanen ay d-yetteddun am telɣuɣa n « Tefriqt-Tukyanust » ad d-yilin gar 1 d 3 Yebrir deg tqubbet n usuddis (murakkab) ulimpi n Mohamed-Boudiaf (Lezzayer Tamaneɣt), yerna d win aydeg wid ad irebḥen ad ɛeddin ɣer Wuraren Ulimpiyen n 2016.