ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵎⵛⴰⵡⵕⴰⵜ ⵏ ⵙⵓⵔⵢⴰ: ⴰⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵙⵄⴰ ⴰⵙⵙⵉⵔⴻⵎ

ⴳⴻⵏⴻⵠⴻ – ⵢⴻⵏⵏⴰ-ⴷ ⵓⵎⴰⵣⵓⵏ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵙⵓⵔⵢⴰ, ⵙⵜⴰⴼⴼⴰⵏ ⴷⴻ ⵎⵉⵙⵜⵓⵔⴰ, ⵍⴻⵣⵣⴰⵢⴻⵔ ⵢⴻⵙⵄⴰ ⴰⵙⵙⵉⵔⴻⵎ ⵢⴻⵔⵏⴰ ⵉⵄⴻⵡⵡⴻⵍ ⴰⴽⴽⴻⵏ ⴰⴷ ⵢⴻⵙⵙⴻⴷⴷⵓ ⵍⴻⵎⵛⴰⵡⵕⴰⵜ ⵖⴻⵔ ⵙⴷⴰⵜ ⵉ ⵓⴼⴰⴽⵉ ⵏ ⵜⴻⵣⵖⵉⵏⵜ (ⴰⵣⵎⴰ) ⴷⴻⴳ ⵜⵎⵓⵔⵜ-ⴰ, ⴷⴻⴼⴼⵉⵔ ⵎⴰ ⵉⴳⴰ ⵜⵉⵎⵍⵉⵍⵉⵜ ⵓⵔ ⵢⴻⵍⵍⵉⵏ ⴷ ⵜⵓⵏⵚⵉⴱⵜ, ⴰⵙⵙ ⵏ ⵍⵃⴻⴷⴷ ⴷⴻⴳ ⴳⴻⵏⴻⵠⴻ, ⴷ ⵜⴻⴳⵔⴰⵡⵜ ⵜⴰⴳⴻⵊⴷⴰⵏⵜ ⵏ ⵜⴻⵏⵎⴻⴳⵍⴰ (ⵎⵓⵄⴰⵔⴰⴹⴰ) ⵜⴰⵙⵓⵔⵉⵜ.

« ⵜⴰ ⴷ ⵜⴰⴳⵏⵉⵜ ⴰⴷ ⵢⴰⴷⴼⴻⵏ ⴷⴻⴳ ⵓⵎⴻⵣⵔⵓⵢ ⵢⴻⵔⵏⴰ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵜⵜ-ⵏⴻⵣⴳⴻⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⵜⴰⴼⴼⴰⵏ ⴷⴻ ⵎⵉⵙⵜⵓⵔⴰ ⵉ ⵜⵖⴻⵎⵙⴰ, ⵎⵉ ⵉⴼⵓⴽ « ⵜⵉⵔⵣⵉ ⵏ ⵍⴻⵃⴷⴰⵇⴰ » ⴰⵢ ⵉⴳⴰ ⵖⴻⴼ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵍⴻⵎⵛⴰⵡⵕⴰⵜ (ⵜⴰⵏⵎⴻⴳⵍⴰ ⵜⴰⵙⵓⵔⵉⵜ) ⵢⴻⵍⵍⴰⵏ ⴷⴻⴳ ⵢⵉⵡⴻⵏ ⵏ ⵓⵙⴻⵏⵙⵓ (ⴼⵓⵏⴷⵓⵇ) ⴷⴻⴳ ⴳⴻⵏⴻⵠⴻ.

ⵓⵇⴱⴻⵍ ⵡⴰⵢⴰ, ⵉⵖⴻⴼ ⵏ ⵜⵎⴰⴳⵍⴰ (ⵡⴰⴼⴷ) ⵏ ⵓⵏⴰⴱⴰⴹ (ⵃⵓⴽⵓⵎⴰ) ⴰⵙⵓⵔⵉ ⵢⴻⵜⵜⵀⴻⵎ ⵉⴷⵉⵙ ⵏ ⵜⴻⵏⵎⴻⴳⵍⴰ ⵢⴻⵔⵏⴰ ⵢⴻⵏⵏⴰ-ⴷ ⵍⴻⵣⵣⴰⵢⴻⵔ ⵎⴰⵛⵉ ⵙ ⵜⵉⴷⴻⵜ ⴰⵢ ⵜⴻⴱⵖⴰ ⵜⴻⵏⵎⴻⴳⵍⴰ ⵍⴻⵎⵛⴰⵡⵕⴰⵜ. ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵍⴻⵣⵣⴰⵢⴻⵔ ⴰⵏⴰⴱⴰⴹ ⴰⵙⵓⵔⵉ ⵓⵔ ⵉⵇⴻⴱⴱⴻⵍ ⴰⵔⴰ ⵛⵛⵓⵔⵓⴹ ⴰⴽⴽⴻⵏ ⴰⴷ ⴱⴷⵓⵏⵜ ⵍⴻⵎⵛⴰⵡⵕⴰⵜ.

ⵍⴻⵎⵛⴰⵡⵕⴰⵜ « ⵢⴻⵍⵍⴰ ⵢⴻⵙⵙⴻⴼⴽ ⴰⴷ ⴱⴷⵓⵏⵜ ⴰⵙⵙ ⵏ 25 ⵢⴻⵏⵏⴰⵢⴻⵔ. ⵢⴻⵡⵡⴻⴹ-ⴷ 31 ⵢⴻⵏⵏⴰⵢⴻⵔ ⵢⴻⵔⵏⴰ ⵓⵔ ⵏⴻⴱⴷⵉ ⴰⵔⴰ ⴷⴻⴳ ⵡⴰⴽⵓⴷ ⵖⴻⴼ ⵍⴵⴰⵍ ⵏ ⵓⵄⴻⴹⴹⴻⵍ ⵏ ⵜⴻⵏⵎⴻⴳⵍⴰ. » ⴷ ⴰⵢⴰ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵍⴻⵣⵣⴰⵢⴻⵔ ⵓⵔ ⴱⵖⵉⵏ ⴰⵔⴰ ⵙ ⵜⵉⴷⴻⵜ ⴰⴷ ⵎⵛⵉⵡⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⵊⴻⵎⵄⴰ ⴷⴻⴳ ⴳⴻⵏⴻⵠⴻ, ⴱⴰⵛⵀⴰⵔ ⴰⵍ-ⵊⴰⴰⴼⴰⵔⵉ, ⴰⵏⵎⴰⵀⴰⵍ (ⵙⴰⴼⵉⵔ) ⴰⵙⵓⵔⵉ ⴷⴻⴳ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵔⵏⴰ ⴷ ⵉⵖⴻⴼ ⵏ ⵜⵎⴰⴳⵍⴰ ⵜⴰⵙⵓⵔⵉⵜ ⵏ ⵍⴻⵎⵛⴰⵡⵕⴰⵜ.

« ⵓⵔ ⵏⵇⴻⴱⴱⴻⵍ ⴰⵔⴰ ⴰⴽⴽ ⴽⵔⴰ ⵏ ⵛⵛⴻⵔⴹ » ⵉ ⴱⴻⴷⴷⵓ ⵏ ⵍⴻⵎⵛⴰⵡⵕⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⵎⴰⵀⴰⵍ ⴰⵙⵓⵔⵉ, ⴰⵢ ⴷ-ⵉⵡⴻⴽⴽⴷⴻⵏ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⵍⴻⵣⵣⴰⵢⴻⵔ ⵜⴰⵎⵓⵔⵜ-ⵏⵏⴻⵙ ⵜⵄⴻⵡⵡⴻⵍ ⴰⴷ ⵜⴻⵃⴱⴻⵙ « ⵜⴰⵣⵣⵍⴰ ⵏ ⵢⵉⴷⴰⵎⵎⴻⵏ ».

ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵍⴰ ⵜⵄⴻⵔⵔⴻⴹ ⴰⴷ ⵜⴻⵙⵙⴻⵇⵏⴻⵄ ⴰⴷⴰⴱⵓ ⴷ ⵜⴻⵏⵎⴻⵀⵍⴰ ⵏ ⵙⵓⵔⵢⴰ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵍⴻⵎⵛⴰⵡⵕⴰⵜ ⵜⵉⵔⵓⵙⵔⵉⴷⵉⵏ (ⵖⴰⵢⵔ ⵎⵓⴱⴰⵛⵉⵔⴰ) ⴰⴽⴽⴻⵏ ⴰⴷ ⴷ-ⵙⵙⵓⴼⴼⵖⴻⵏ ⵜⴰⵎⵓⵔⵜ ⵙⴻⴳ ⵟⵟⵔⴰⴷ ⴰⵎⴻⵇⵔⴰⵏ ⴰⵢⴷⴻⴳ ⵎⵎⵓⵜⴻⵏ ⵓⴳⴰⵔ ⵏ 260.000 ⵏ ⵢⵉⵎⴷⴰⵏⴻⵏ ⵙⴻⴳ ⵎⴻⵖⵔⴻⵙ ⵏ 2011.

ⵜⴰⵏⴻⵖⵜⵓⵙⵜ (ⵇⴰⵔⴰⵔ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵙⵄⴻⴷⴷⴰⵏ ⴷⴻⴳ ⴷⵓⵊⴻⵎⴱⴻⵕ ⵢⴻⵣⵔⵉⵏ ⵜⴻⵙⵙⴻⴼⵔⴰ-ⴷ ⴰⴽⴰⵜⴰⵔ ⵏ ⵍⴻⵎⵛⴰⵡⵕⴰⵜ ⵢⴻⵔⵏⴰ ⵜⴻⵙⵙⴻⴼⵔⴰ ⴰⴷ ⴷ-ⵙⴱⴻⴷⴷⴻⵏ ⴰⴷⴰⴱⵓ ⵏ ⵜⵓⴽⴽⵉⵜ ⴷⴻⴼⴼⵉⵔ 6 ⵏ ⵡⴰⵢⵢⵓⵔⴻⵏ ⵏ ⵍⴻⵎⵛⴰⵡⵕⴰⵜ, ⴰⵎ ⵡⴰⴽⴽⴻⵏ ⴰⴷ ⴷ-ⵉⵍⵉⵏⵜ ⵜⴻⴼⵔⴰⵏⵉⵏ ⴷⴻⴳ ⵜⵍⴻⵎⵎⴰⵙⵜ ⵏ 2017.