Asebter amenzawi

Lemcawṛat n Surya: amazun n Yiɣlanen Yeddukklen yesɛa assirem

GENEVE – Yenna-d umazun n Tuddsa n Yiɣlanen Yeddukklen i Surya, Staffan de Mistura, lezzayer yesɛa assirem yerna iɛewwel akken ad yesseddu lemcawṛat ɣer sdat i ufaki n tezɣint (azma) deg tmurt-a, deffir ma iga timlilit ur yellin d tunṣibt, ass n lḥedd deg Geneve, d tegrawt tagejdant n tenmegla (muɛaraḍa) tasurit.

« Ta d tagnit ad yadfen deg umezruy yerna ur yessefk ara ad tt-nezgel », ɣef wakken ay d-yenna Staffan de Mistura i tɣemsa, mi ifuk « tirzi n leḥdaqa » ay iga ɣef Useqqamu Unnig n Lemcawṛat (tanmegla tasurit) yellan deg yiwen n usensu (funduq) deg Geneve.

Uqbel waya, iɣef n tmagla (wafd) n unabaḍ (ḥukuma) asuri yetthem idis n tenmegla yerna yenna-d lezzayer maci s tidet ay tebɣa tenmegla lemcawṛat. Nnig waya, yenna-d lezzayer anabaḍ asuri ur iqebbel ara ccuruḍ akken ad bdunt lemcawṛat.

Lemcawṛat « yella yessefk ad bdunt ass n 25 Yennayer. Yewweḍ-d 31 Yennayer yerna ur nebdi ara deg wakud ɣef lǧal n uɛeḍḍel n tenmegla. » D aya ay d-yesskanayen lezzayer ur bɣin ara s tidet ad mciwṛen, ɣef wakken ay d-yenna, ass n ljemɛa deg Geneve, Bachar al-Jaafari, anmahal (safir) asuri deg Tuddsa n Yiɣlanen Yeddukklen yerna d iɣef n tmagla tasurit n lemcawṛat.

« Ur nqebbel ara akk kra n ccerḍ » i beddu n lemcawṛat, ɣef wakken ay d-yenna unmahal asuri, ay d-iwekkden, seg yidis niḍen, lezzayer tamurt-nnes tɛewwel ad teḥbes « tazzla n yidammen ».

Tuddsa n Yiɣlanen Yeddukklen la tɛerreḍ ad tesseqneɛ adabu d tenmehla n Surya akken ad ttekkin deg lemcawṛat tirusridin (ɣayr mubacira) akken ad d-ssuffɣen tamurt seg ṭṭrad ameqran aydeg mmuten ugar n 260.000 n yimdanen seg Meɣres n 2011.

Taneɣtust (qarar) n Yiɣlanen Yeddukklen ay sɛeddan deg Dujembeṛ yezrin tessefra-d akatar n lemcawṛat yerna tessefra ad d-sbedden adabu n tukkit deffir 6 n wayyuren n lemcawṛat, am wakken ad d-ilint tefranin deg tlemmast n 2017.