ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⴱⴷⴰ ⵍⴻⴱⵏⵉ ⵏ ⵓⵙⵓⴷⴷⵉⵙ ⵏ ⵡⵓⵣⵣⴰⵍ ⵏ ⴱⴻⵍⵍⴰⵕⴰ, ⴷⴻⴳ ⴵⵉⴵⴻⵍ

ⴵⵉⴵⴻⵍ – 600 ⵏ ⵜⴳⵓⵙⴰ ⴷ 27 ⵏ ⵜⴳⴻⵊⴷⴰ ⴰⵢ ⵢⴻⵔⵙⴻⵏ ⴷⴻⴳ ⵍⴻⴱⵏⵉ ⵏ ⵓⵙⵓⴷⴷⵉⵙ (ⵎⵓⵔⴰⴽⴽⴰⴱ) ⵏ ⵍⵍⵓⵣⵉⵏⴰⵜ ⵏ ⵡⵓⵣⵣⴰⵍ ⵏ ⴱⴻⵍⵍⴰⵕⴰ (ⴰⵏⵥⵓⵍ-ⴰⴳⵎⵓⴹⴰⵏ ⵏ ⴵⵉⴵⴻⵍ), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵜⵡⵉⵍⴰⵢⵜ ⵏ ⴵⵉⴵⴻⵍ.

ⵜⴰⵖⴻⵙⵙⴰ ⵏ ⵓⵙⵓⴷⴷⵉⵙ-ⴰ ⵜⴻⵃⵡⴰⴵ 1500 ⵏ ⵜⴳⵓⵙⴰ ⵢⴻⵔⵏⴰ ⴰⴷ ⴷ-ⵜⴻⵡⵊⴻⴷ ⴷⴻⴳ ⵛⵜⴻⵎⴱⴻⵕ ⵏ 2016, ⵎⴰ ⴷ ⴱⴻⴷⴷⵓ ⵏ ⵓⵅⴻⴷⴷⵉⵎ-ⵏⵏⴻⵙ ⴰⴷ ⴷ-ⵢⵉⵍⵉ ⴷⴻⴳ ⵜⴻⵣⵡⴰⵔⴰ ⵏ 2017, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵡⵉⵍⴰⵢⵜ. ⵏⵏⵉⴳ ⵡⴰⵢⴰ, ⴰⵕⴻⴽⴽⴻⴱ ⵏ ⵓⵙⴳⴰⵍⴻⴼ (ⵜⴰⴵⵀⵉⵣⴰⵜ) ⵏ ⵓⴼⴰⵔⴻⵙ ⵏ ⵡⵓⵣⵣⴰⵍ ⴰⴷ ⴷ-ⵢⴻⴱⴷⵓ ⴷⴻⴳ « ⵎⴰⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ ».

ⴰⵙⵓⴷⴷⵉⵙ-ⴰ ⵏ ⴱⴻⵍⵍⴰⵕⴰ ⴰⴷ ⴷ-ⵢⴻⵙⵏⵓⵍⴼⵓ 2000 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵓⵙⵔⵉⴷⴻⵏ, ⵢⴻⵔⵏⴰ, ⴷⴻⴳ ⵜⴰⵣⵡⴰⵔⴰ, ⴰⴷ ⴷ-ⵢⴻⵙⵙⵓⴼⴼⵓⵖ 2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵓⵏⴼⴻⴷ (ⵚⵓⵍⴱ) ⴰⵍⴻⴱⴱⴰⴹ ⴷ ⵓⵏⴼⴻⴷ ⵓⵣⵣⵉⴳ ⴰⴷ ⵢⴻⵜⵜⵡⴰⵇⵙⴻⴷⵛⴻⵏ ⵍⴰⴷⵖⴰ ⴷⴻⴳ ⵓⵅⴷⴰⵎ ⵏ ⵔⵔⴰⵢⴰⵜ ⵏ ⵜⵎⴰⵛⵉⵏⵜ ⴷⴻⴳ ⵍⴻⵣⵣⴰⵢⴻⵔ, ⵙⴰⴽⴽⵉⵏ, ⴰⴷ ⵢⵓⵖⴰⵍ ⵓⵙⵓⴷⴷⵉⵙ-ⴰ ⴰⴷ ⴷ-ⵉⵅⴻⴷⴷⴻⵎ 4 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵉ ⵓⵙⴻⴳⴳⴰⵙ.

ⴰⵙⵓⴷⴷⵉⵙ ⵏ ⴱⴻⵍⵎⴰⵕⴰ ⵢⵓⵙⴰ-ⴷ ⴷⴻⴳ ⵜⴷⴰⵢⵕⴰ ⵏ ⵍⵎⵉⵍⴻⵢⵢⴰ, ⵢⴻⵔⵏⴰ ⴷ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⴷ ⵓⵎⵜⵉⵍ-ⵏⵏⴻⵙ ⴰⵇⴰⵟⴰⵔⵉ ⴰⵢ ⵢⴻⴼⴽⴰⵏ ⵍⴰⵎⴻⵕ ⵉ ⴱⴻⴷⴷⵓ ⵏ ⵍⴻⴱⵏⵉ-ⵏⵏⴻⵙ ⴷⴻⴳ ⵎⴻⵖⵔⴻⵙ ⵏ 2015.

ⵜⴰⵕⵎⵉⵙⵜ (ⵛⴰⵔⵉⴽⴰ) ⵜⵓⵅⵍⵉⴹⵜ ⴰⴷ ⵢⴻⴱⵏⵓⵏ ⴰⵙⴻⵏⴼⴰⵔ-ⴰ ⵜⴻⵏⵏⵓⵍⴼⴰ-ⴷ ⴷⴻⴳ 20 ⵢⴻⵏⵏⴰⵢⴻⵔ 2014 ⴷⴻⴳ ⴵⵉⴵⴻⵍ.

ⵜⴰⵕⵎⵉⵙⵜ-ⴰ ⵉⵙⴻⵎ-ⵏⵏⴻⵙ ⴰⵍⴳⴻⵔⵉⴰⵏ ⵇⴰⵜⴰⵔ ⵙⵜⴻⴻⵍ (ⴰⵇⵙ) ⵢⴻⵔⵏⴰ ⴷ ⵏⴻⵜⵜⴰⵜ ⴰⴷ ⵢⴻⵙⴼⴻⵔⴽⴻⵏ ⴰⵙⵓⴷⴷⵉⵙ-ⴰ. ⵕⴰⵙⴻⵍⵎⴰⵍ-ⵏⵏⴻⵙ ⵜⴻⵜⵜⴻⴽⴽⴰ ⴷⴻⴳ-ⵙ ⵜⴻⴳⵔⴰⵡⵜ ⵜⴰⴷⵣⴰⵢⵔⵉⵜ ⵏ ⵙⵉⴷⴻⵔ ⵙ 51% ⴷ ⵜⴻⵕⵎⵉⵙⵜ ⵜⴰⵇⴰⵟⴰⵔⵉⵜ ⵏ ⵇⴰⵜⴰⵔ-ⵙⵜⴻⴻⵍ ⵙ 49%.