Asebter amenzawi

Ban Ki-moon yesnemmer aselway Bouteflika ɣef dduṛ ‘’agejdan’’ n Lezzayer deg umennuɣ mgal ibeddilen inezwanen

LEZZAYER – Amaray amatu n Tuddsa n Yiɣlanen Yedduklen (ONU), Ban Ki-moon yenna-d seg ‘’wul’’ isnemmar-is i uselway n Tegduda, Abdelaziz Bouteflika ɣef temlilt n ‘’umseddu’’ n Lezzayer deg umennuɣ mgal ibeddilen inezwanen

‘’Riɣ ad ak-in-iniɣ, ad iniɣ daɣen i unabaḍ-ik, asnemmer-iw seg wul ɣef temlilt n umseddu i tgam deg umennuɣ mgal ibeddilen inezwanen. Yes-wen, daɣen, i tessaweḍ tɣimit tis 21 n Usarag n Yiḥricen deg Umsisi-Akatar n Yiɣlanen Yedduklen ɣef yibeddilen inezwanen i yewḍen s aqbal n Umtawa n Paris, ass n 12 duǧember 2015’’, i yura Mass Ban deg yizen-is i d-yuzen i uɣella n Uwanek.

ɣef leḥsab n umaray amatu n ONU, aqbal n umtawa ‘’tusa-d akken ad yekfu yiwen n useggas igerzen, ideg d-llan aṭas isurrifen ɣer sdat i d-yekkan seg umahil ucrik ara yilin deg lfayda n umtiweg akked talsa akken ma tella.