ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵕⵎⵉⵙⵜ ⵜⴰⵏⴰⴳⴷⵓⴷⵜ ⵏ ⵢⵉⴼⴻⵔⴽⵉ ⵏ ⴵⵉⴵⴻⵍ ⴰⴷ ⵜⴻⵙⵏⴻⵔⵏⵉ ⴰⵙⵙⵉⴵⴻⵡ ⵖⴻⵔ ⵜⵎⵓⵔⴰ ⵏⵉⴹⴻⵏ

ⴵⵉⴵⴻⵍ – ⵜⴻⵙⵙⴻⵍⵀⴰ ⵜⴻⵕⵎⵉⵙⵜ ⵜⴰⵏⴰⴳⴷⵓⴷⵜ (ⵄⵓⵎⵓⵎⵉⵢⵢⴰ) ⵏ « ⵊⵉⵊⴻⵍ ⵍⵉⴻⴳⴻ ⴻⵜⴰⵏⵛⵀⴻⵉⵜⴻ » ⵉⴳⵎⴰⴹ-ⵏⵏⴻⵙ ⴷⴻⴳ ⵓⵙⵙⵉⴵⴻⵡ ⵏ ⵢⵉⴼⴻⵔⴽⵉ ⴷⴻⴳ 2015, ⵢⴻⵔⵏⴰ ⵜⴻⵙⵙⴰⵡⴻⴹ ⴰⴷ ⵜⴻⵙⵙⵉⴵⴻⵡ 13 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵏ ⵢⵉⴼⴻⵔⴽⵉ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴷⴻⴳ 2014, ⵜⴻⵙⵙⴰⴵⴻⵡ ⴰⵍⴰ 2,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴻⵕⵎⵉⵙⵜ-ⴰ, ⵎⵧⵀⴰⵎⴻⴷ ⴽⵧⴱⴱⵉ, ⴰⵙⵙ ⵏ ⵍⴰⵕⴻⴱⵄⴰ.

ⵉⵎⴻⵛⵜⵓⵔⴰ ⵉⵎⴻⵇⵔⴰⵏⴻⵏ ⵏ ⵜⴻⵕⵎⵉⵙⵜ-ⴰ ⴷ ⵟⵟⴰⵍⵢⴰⵏ, ⵙⵒⴻⵏⵢⵓⵍ ⴷ ⴼⵕⴰⵏⵙⴰ, ⵢⴻⵔⵏⴰ ⵓⵖⴻⵏ ⴰⵊⴻⵎⵎⴰⵍ ⵏ 394 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3) ⵏ ⵢⵉⴼⴻⵔⴽⵉ ⴰⴱⴻⵔⴽⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵎⴰⵙⵙ ⴽⵧⴱⴱⵉ.

ⵜⵉⵎⴻⵔⵏⵉⵡⵜ-ⴰ ⴷⴻⴳ ⵓⵙⵙⵉⴵⴻⵡ ⵜⴻⵍⵍⴰ-ⴷ ⴷⴰⵖ ⵙ ⵜⵎⴻⵔⵏⵉⵡⵜ « ⵜⴰⵎⴻⵇⵔⴰⵏⵜ » ⴷⴻⴳ ⵓⵣⵡⵉⵍ ⵏ ⵢⵉⵡⴻⵥⵍⴰ (ⵔⴰⵇⵎ ⴰⵄⵎⴰⵍ). ⴷⴻⴳ 2015, ⵢⴻⵡⵡⴻⴹ ⵓⵣⵡⵉⵍ-ⴰ ⵖⴻⵔ 190 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵢⵉⵍⵉ ⴷⴻⴳ 2014, ⴰⵣⵡⵉⵍ ⵏ ⵢⵉⵡⴻⵥⵍⴰ ⵏ ⵜⴻⵕⵎⵉⵙⵜ-ⴰ ⵢⴻⵡⵡⴻⴹ ⵖⴻⵔ 50 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ. ⵜⵉⵎⴻⵔⵏⵉⵡⵜ-ⴰ ⵜⴻⵍⵍⴰ-ⴷ ⵙ ⵓⵙⵙⵉⴷⴻⴼ ⵏ ⵢⵉⵔⵎⵓⴷⴻⵏ (ⵏⴰⵛⴰⵟⴰⵜ) ⵢⵉⵎⴰⵢⵏⵓⵜⴻⵏ ⴰⵎ ⵓⵙⵙⴻⵔⵙⵉ ⵏ ⵢⵉⴼⴻⵔⴽⵉ ⴷⴻⴳ ⵍⴱⴻⵏⵢⴰⵏⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⵧⴱⴱⵉ.

ⵉⵡⴻⴽⴽⴻⴷ-ⴷ ⴷⴰⵖ ⵎⴰⵙⵙ ⴽⵧⴱⴱⵉ ⴷⴰⴽⴽⴻⵏ ⵜⴰⵕⵎⵉⵙⵜ ⵏ ⵢⵉⴼⴻⵔⴽⵉ ⵏ ⴵⵉⴵⴻⵍ ⵜⵄⴰⵡⴻⵏ-ⵜⵜ ⵜⴻⴳⵔⴰⵡⵜ ⵜⴰⴷⵣⴰⵢⵔⵉⵜ ⵏ ⵜⴻⵙⵎⴻⴷⵏⴰ ⵏ ⵓⴳⴰⵎⴰ (ⴻⴰⴳⵔ) ⵡⵓⵖⵓⵔ ⵜⴻⵇⵇⴻⵏ ⵜⴻⵕⵎⵉⵙⵜ-ⴰ, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵜⴰⵏⴻⴳⴳⴰⵔⵓⵜ-ⴰ ⴰⴷ ⵜⴻⵙⵙⵉⵡⴻⴹ ⵖⴻⵔ « ⵢⵉⴳⵎⴰⴹ ⴷ ⵉⵙⴻⴱⵖⴰⵙⴻⵏ (ⵎⵓⵛⴰⴵⴵⵉⵄⴰ) ».

ⵏⵏⵉⴳ ⵡⴰⵢⴰ, ⵜⴰⵕⵎⵉⵙⵜ ⵏ ⵢⵉⴼⴻⵔⴽⵉ ⵏ ⴵⵉⴵⴻⵍ ⵜⴻⵙⵙⴻⴱⴷⴻⴷ-ⴷ ⵜⴰⵙⴻⵔⵜⵉⵜ ⵜⴰⵎⵙⴻⵏⵣⵉⵜ (ⵜⵉⴵⴰⵔⵉⵢⵢⴰ) ⴰⵢⴷⴻⴳ ⵍⴰ ⵜⵄⴻⵔⵔⴻⴹ ⴰⴷ ⵜⵇⴻⵔⵔⴻⴱ ⵖⴻⵔ ⵢⵉⵎⴻⵛⵜⵓⵔⴰ, ⵢⴻⵔⵏⴰ ⵜⴻⵔⵥⴻⵎ ⵙⵏⴰⵜ ⵏ ⵜⴻⵏⵇⵉⴹⵉⵏ ⵏ ⵓⵙⵙⴻⵏⵣⵉ, ⵢⵉⵡⴻⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵎⴰ ⴷ ⵜⴰⵢⴻⴹ, ⴷⴻⴳ ⵡⴻⵀⵕⴰⵏ.

ⵜⴰⵕⵎⵉⵙⵜ ⵏ ⵢⵉⴼⴻⵔⴽⵉ ⵏ ⴵⵉⴵⴻⵍ (ⵢⴻⵜⵜⵡⴰⵙⵙⵏⴻⵏ ⵣⵉⴽ ⵙ ⵢⵉⵙⴻⵎ ⵏ ⴻⵏⵍ, ⵏⴻⵖ ⵜⴰⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵢⵉⴼⴻⵔⴽⵉⵢⴻⵏ), ⵜⴻⴱⴷⴰ ⴰⵅⴻⴷⴷⵉⵎ ⴷⴻⴳ 1978. ⴰⵙⴻⴳⴳⴰⵙ-ⴰ, ⵍⴰ ⵜⴻⵙⵙⴻⴼⵔⴰⵢ ⴰⴷ ⵜⴻⵙⵙⴻⴼⵜⵉ ⴰⵣⴰⵍ ⵏ 20 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵓⵙⵙⴻⵔⵙⵉ ⵏ ⵜⵎⴰⵛⵉⵏⵉⵏ ⵜⵉⵎⴰⵢⵏⵓⵜⵉⵏ ⵉ « ⵓⵙⵙⵉⵔⴻⴷ ⵏ ⵡⴰⵡⵡⵓ », ⴰⴽⴽⴻⵏ ⴰⴷ ⵜⴻⵙⵙⴻⵏⵇⴻⵙ ⴰⵡⵡⵓ-ⵏⵏⵉ ⴰⵢ ⴷ-ⵢⴻⵜⵜⴻⴼⴼⵖⴻⵏ ⵙⴻⴳ ⵜⴻⵙⴼⵉⵖⵉⵏ-ⵏⵏⴻⵙ (ⵎⴰⴷⴰⵅⵉⵏ), ⵍⴰⴷⵖⴰ ⵉⵎⵉ ⵉⵎⴻⵣⴷⴰⵖⴻⵏ ⴰⵢ ⵉⵇⴻⵔⴱⴻⵏ ⵖⴻⵔ ⵍⵍⵓⵣⵉⵏ-ⵏⵏⴻⵙ ⵜⵜⵛⴻⵜⴽⵉⵏ-ⴷ ⵖⴻⴼ ⵡⴰⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⵧⴱⴱⵉ.