Asebter amenzawi

Bdan Wuraren Aɛṛaben n Teɣlamin n Tsednan n 2016 deg Sharjah

SHARJAH (Limaṛat Taɛṛabin Yeddukklen) – Tebda teẓrigt tis 3 n Wuraren Aɛṛaben n Teɣlamin n Tsednan (gar sin d 12 Fuṛaṛ 2016) ass n ttlata tameddit deg Sharjah (Limaṛat Taɛṛabin Yeddukklen), yerna ad ttekkint deg-sen 55 n teɣlamin seg 17 n tmura, gar-asent Ldzayer.

8 n waddalen ay yettwammeṛkan deg wuraren-a: tacirt tamafagt, tacirt n uqecwal, tatlitit, imenɣi n ugestur, aqerres anaddal, atinis, aqerres s ukmir d tnaka (aneggez i wunjugen).

Ldzayer ad tettekki deg wuraren-a s teɣlamt n OC Ldzayer n tcirt n uqecwal d teɣlamt n Laṛebɛa n utinis n tdabut.

Amsizwer-a n tsednan yebda-d deg 2012, yerna ad d-yili aseggas-a s uberriḥ n « Asarir: d amaḍal-nnek, ad ncerket tiswiɛin n rrbeḥ ».