Asebter amenzawi
Aneẓruf Utrim: yessefk ad yettwasseḍlem ugellid n Meṛṛuk ɣef uqbar n ccɣel n Yiɣlanen Yeddukklen
WASHINGTON – Tenna-d tselwayt n US-Western Sahara Foundation, Suzzane Scholte, ass n laṛebɛa deg Washington dakken, a win yufan, d agellid n Meṛṛuk ad yettwasḍelmen ɣef uqbar n ukala (masar) n Yiɣlanen Yeddukklen i lmend n ugguccelman (taqrir maṣir) n Uneẓruf Utrim.
« Deg wakud aydeg akemmel n uḥras n Yiɣlanen Yeddukklen d ayen yesɛan azal, yessefk daɣ ad d-nejbed lwelha ɣef ugellid n Meṛṛuk yerna ad t-nesseḍlem ɣef uqbar n tifrat n temsalt taṣeḥrawit s ubrid n talwit, s uqader n lqanun agraɣlan », ɣef wakken ay d-tenna Massa Scholte deg yiwen n udiwenni ay tga d Tnegga n Yisalan n Ldzayer.
Nnig waya, tenna-d Massa Scholte dakken « llan sin kan n yibriden i ferru n wugur-a: assuddes n tsefrant n ugguccelman neɣ tiɣri akken ad tejbed Meṛṛuk iman-nnes seg Uneẓruf Utrim ».
Yuɣ lḥal, seg melmi kan ay tessuddes (naḍḍamat) Massa Scholte yiwet n terzi s wazal-nnes n yineṣṣaḥen n yimaslaḍen n Ucongress ɣef yigruren n yizrazaɣen (laǧi’in) iṣeḥrawiyen.
Tameɣnast-a tamarikanit d taselwayt n tuddsa tarnabaḍt (ɣayr ḥukumiyya) n Defense Forum Foundation, yerna tesmekti-d dakken tettunefk yiwet n tsekbabt i tmahelt n Meṛṛuk deg Washington aydeg tuddsa-a tger-d tiɣri i ugellid n Meṛṛuk akken ad yeḥbes argal-a ay yergel abrid i tsenfrant ɣef ugguccelman n Uneẓruf Utrim.
Taselwayt n tuddsa-a tarnabaḍt tamarikanit tettwassen s ubdad-nnes, acḥal n yiseggasen aya, ɣer yidis n yimenɣi aṣeḥrawi, yerna tenna-d dakken Iɣlanen Yeddukklen yessefk ad ḥeṛsen ugar Meṛṛuk akken ad tqader tineɣtusin-nsen (qararat).
« Seg melmi kan ay nuzen tiɣri i umaru amatu n Yiɣlanen Yeddukklen, Ban Ki-moon, yerna nessuter-as ad yeḥṛes Meṛṛuk akken ad d-tserreḥ i yimeḥbas isertanen iṣeḥrawiyen yerna ad yessuddes tasefrant » i ugguccelman n Uneẓruf Utrim.
Massa Scholte terfa imi MINURSO (tuɣdaḍt n Yiɣlanen Yeddukklen deg Uneẓruf Utrim) d nettat ay d tuɣdaḍt n tɛessast n talwit tawḥidt ur yesɛin ara izerfan akken ad tɛass aqader n yizerfan n umdan. « Aya d lɛaṛ mi ad nwali ɣer yiswan n Yiɣlanen Yeddukklen », ɣef wakken ay d-tenna.
