ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵏⵖⴰⵏ ⵢⵉⵙⵕⴰⵢⵉⵍⵉⵢⴻⵏ 172 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵙⴻⴳ ⵜⴻⵣⵡⴰⵔⴰ ⵏ ⵜⵓⴱⴻⵕ

ⵔⴰⵎⴰⵍⵍⴰⵀ – 172 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⴳⴰⵔ-ⴰⵙⴻⵏ 34 ⵏ ⵢⵉⴳⴻⵔⴷⴰⵏ, ⴰⵢ ⵢⴻⵜⵜⵡⴻⵏⵖⴻⵏ ⵢⴻⵔⵏⴰ ⵊⴻⵔⵃⴻⵏ 15.645 ⵏ ⵡⵉⵢⴰⴹ ⵙ ⵔⵔⵚⴰⵚ ⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵉⵙⵕⴰⵢⵉⵍⵉⵢⴻⵏ ⵙⴻⴳ ⵜⴻⵣⵡⴰⵔⴰ ⵏ ⵜⵓⴱⴻⵕ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵙⵙⴻⴱⵜ ⵜⵉⴷⴷⵓⴽⵍⴰ ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴼⴰⵍⴻⵙⵟⵉⵏⵉⵜ.

« ⵙ ⵓⵊⴻⵎⵎⴰⵍ, 172 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⵡⴻⵏⵖⴻⵏ ⵙⴻⴳ ⵜⴻⵣⵡⴰⵔⴰ ⵏ ⵜⵓⴱⴻⵕ ⵢⴻⵣⵔⵉⵏ, ⴳⴰⵔ-ⴰⵙⴻⵏ 27 ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⴱⴷⴰ ⵓⵙⴻⴳⴳⴰⵙ ⵏ 2016 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ (ⴱⴰⵢⴰⵏ) ⵏ ⵜⵉⴷⴷⵓⴽⵍⴰ-ⴰ.

ⴳⴰⵔ ⵢⵉⵎⴻⵖⵔⵓⵙⴻⵏ (ⵛⵓⵀⴰⴷⴰ’) ⴰⵢ ⵢⴻⵖⵍⵉⵏ, « 37 ⵙⴻⴳ-ⵙⴻⵏ ⵜⵜⵡⴻⵏⵖⴻⵏ ⴷⴻⴳ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ, 108 ⴷⴻⴳ ⵜⵏⴻⴱⴹⵉⵢⵉⵏ (ⵎⵓⵇⴰⵟⴰⵄⴰⵜ) ⵏ ⵓⴳⴻⵎⵎⴰⴹ ⵓⵜⵔⵉⵎ ⴷ 25 ⵏⵉⴹⴻⵏ ⴷⴻⴳ ⵜⴻⵙⴼⵉⴼⵜ ⵏ Ɣⴻⵣⵣⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.

ⴳⴰⵔ ⵡⵉⴷ ⵢⴻⵎⵎⵓⵜⴻⵏ, ⵍⵍⴰⵏ 34 ⵏ ⵢⵉⴳⴻⵔⴷⴰⵏ ⴷ 13 ⵏ ⵜⵙⴻⴷⵏⴰⵏ, ⴳⴰⵔ-ⴰⵙⴻⵏⵜ 6 ⵏ ⵜⴻⵇⵛⵉⵛⵉⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, 15.645 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⵡⴰⵊⴻⵔⵃⴻⵏ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ, ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ ⴷ ⵜⴻⵙⴼⵉⴼⵜ ⵏ Ɣⴻⵣⵣⴰ ⴷⴻⴳ ⵜⴰⵍⵍⵉⵜ-ⴰ, ⴳⴰⵔ-ⴰⵙⴻⵏ 1418 ⵜⵜⵡⴰⵊⴻⵔⵃⴻⵏ ⵙ ⵔⵔⵚⴰⵚ ⵏ ⵜⵉⴷⴻⵜ, 3153 ⵙ ⵔⵔⵚⴰⵚ ⵏ ⵓⴽⴰⵡⴰⵞⵓ, 10.608 ⵓⵖⴻⵏ-ⵜⴻⵏⵜ ⵙ ⵍⴱⵓⵎⴱⴰⵜ ⵏ ⵢⵉⵎⴻⵟⵟⴰⵡⴻⵏ, 464 ⵙⴻⴳ-ⵙⴻⵏ ⵓⵖⴻⵏ-ⵜⴻⵏⵜ ⵙⴻⴳ ⵜⵢⵉⵜⴰ ⴰⵢ ⵜⴻⵏ-ⵡⵜⴻⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⵏⴻⵖ ⵙⴻⴳ ⵓⴷⴻⵃⵃⴻⵙ ⵙ ⵜⴽⴻⵕⵕⵓⵙⵉⵏ.

ⵖⴻⴼ ⵍⴻⵃⵙⴰⴱ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, 170 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵏⵖⴰⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⴷⴻⴳ 2015, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⵊⴻⵔⵃⴻⵏ 15.000 ⴷⴻⴳ ⵜⴰⵍⵍⵉⵜ-ⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⴷⵓⴱⴰ ⵏ ⵜⵓⴹⴹⴼⴰ ⵙⴷⴻⵔⵎⴻⵏ 539 ⵏ ⵍⴱⴻⵏⵢⴰⵏⵜ ⵢⴻⵍⵍⴰⵏ ⴷ ⴰⵢⵍⴰ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⴷ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ ⴷⴻⴳ 2015, ⵢⴻⵔⵏⴰ ⴷ ⴰⵢⴰ ⴰⵢ ⵉⴽⴻⵎⵔⴻⵏ 742 ⵏ ⵢⵉⵎⴷⴰⵏⴻⵏ ⴰⴷ ⵜⵜⵉⵅⵔⴻⵏ ⵙⴻⴳ ⵢⵉⵎⵓⴽⴰⵏ ⴰⵢⴷⴻⴳ ⵍⵍⴰⵏ ⵣⴻⴷⵖⴻⵏ, ⵖⴻⴼ ⵍⴻⵃⵙⴰⴱ ⵏ ⵜⵏⴰⵔⵉⵜ (ⵎⴰⴽⵜⴰⴱ) ⵏ ⵓⵙⵙⴻⵎⵢⵓⴷⴷⴻⵙ ⵏ ⵜⵖⴰⵡⵙⵉⵡⵉⵏ ⵜⵉⵍⵙⴰⵏⵉⵏ (ⵉⵏⵙⴰⵏⵉⵢⵢⴰ) ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵧⵛⵀⴰ).

ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵢⴻⵙⵙⴻⵏⴼⴰⵍⵉ-ⴷ ⵓⵔⴼⴰⵏ-ⵏⵏⴻⵙ ⴰⵙⵙ ⵏ ⵍⵊⴻⵎⵄⴰ ⵉⵎⵉ ⵓⵔ ⴷ-ⵜⴻⵍⵍⵉ ⴰⵔⴰ ⵜⵉⴷⴷⵉⵜ ⵖⴻⵔ ⵙⴷⴰⵜ ⴷⴻⴳ ⴼⴻⵔⵔⵓ ⵏ ⵜⴰⵍⵓⴼⵜ ⵜⵉⵙⵕⴰⵢⵉⵍⵉⵜ-ⵜⴰⴼⴰⵍⴻⵙⵟⵉⵏⵉⵜ ⴷⴻⴳ ⵜⴰⵍⵍⵉⵜ ⵏ ⵍⴻⵡⵚⴰⵢⴰ-ⵏⵏⴻⵙ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵡⵓⵖⴰⵍ ⵖⴻⵔ ⵍⴻⵎⵛⴰⵡⵕⴰⵜ.