ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴽⴻⴼⴼⴰⵢ: ⵜⵉⵎⴻⵔⵏⵉⵡⵜ ⵏ ⵍⴼⴰⵢⴷⴰ ⵏ ⵢⵉⴼⴻⵔⵔⴰⵇⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴰⵖ-ⴷ ⵢⵉⵡⴻⵏ ⵏ ⵓⵎⴰⵙⴰⵢ (ⵎⴰⵙ’ⵓⵍ) ⴷⴻⴳ ⵓⵖⵍⵉⴼ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) ⴷⴰⴽⴽⴻⵏ ⵍⴼⴰⵢⴷⴰ ⵏ ⵢⵉⴼⴻⵔⵔⴰⵇⴻⵏ ⵏ ⵓⴽⴻⴼⴼⴰⵢ ⵏ ⵜⵛⵓⵍⵍⵉⴹⵜ ⴰⴷ ⵢⴻⵔⵏⵓ ⵙⴻⴳ 0,75 ⵏ ⵢⵉⴷⵉⵏⴰⵕⴻⵏ ⵏ ⵍⵍⵉⵜⵔⴰ ⵖⴻⵔ 0,90 ⵏ ⵢⵉⴷⵉⵏⴰⵕⴻⵏ ⵉ ⵍⵍⵉⵜⵔⴰ, ⵎⴰⵛⴰ ⴰⵢⴰ ⵓⵔ ⴷ-ⵉⴳⴻⵍⵍⵓ ⴰⵔⴰ ⵙ ⵜⵎⴻⵔⵏⵉⵡⵜ ⴷⴻⴳ ⵙⵙⵓⵎⴰ ⵏ ⵓⴽⴻⴼⴼⴰⵢ ⵙ ⵜⵉⵎⵎⴰⴷ-ⵏⵏⴻⵙ ⴷⴻⴳ ⵙⵙⵓⵇ.

ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵓⵃⴻⵣⵣⵉⴱ-ⴰ, ⴰⵏⴰⴱⴰⴹ ⵍⴰ ⴷ-ⵢⴻⵙⵙⵓⴽⴽⵓⵢ ⵜⵉⵟ, ⵓⵙⵙⴰⵏ-ⴰ, ⵖⴻⴼ ⵢⵉⵡⴻⵏ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⴰⴷ ⵉⴱⴻⴷⴷⵍⴻⵏ ⵡⵉⵏ ⵏ ⴼⵓⵕⴰⵕ ⵏ 2001 ⵉ ⵍⵎⴻⵏⴷ ⵏ ⵓⵙⵙⴻⴼⵔⵓ ⵏ ⵙⵙⵓⵎⴰ ⵏ ⵓⴽⴻⴼⴼⴰⵢ ⵏ ⵜⵛⵓⵍⵍⵉⴹⵜ ⵖⴻⵔ ⵓⴼⴰⵔⴻⵙ (ⵉⵏⵜⴰⴵ) ⴷ ⵜⴻⴳⵏⴰⵜⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵓⴼⵔⴰⵇ-ⵏⵏⴻⵙ.

ⴰⴱⴻⴷⴷⴻⵍ-ⴰ ⵏ ⵍⴼⴰⵢⴷⴰ ⴰⵢ ⵜⴻⵜⵜⵅⴻⵍⵍⵉⵚ ⵜⴻⴳⵔⴰⵡⵜ ⵜⴰⵎⴳⵓⵔⴰⵏⵜ ⵏ ⵢⵉⴼⴰⵔⵙⴻⵏ ⵏ ⵓⴽⴻⴼⴼⴰⵢ (ⴳⵉⵒⵍⴰⵉⵜ) ⴰⴷ ⵢⴻⵜⵜⵡⴰⵙⵙⴻⴼⵄⴻⵍ ⵙⴻⴳ 1ⵓⵜ ⵏ ⴼⵓⵕⴰⵕ ⵏ 2016.

ⵉ ⵓⵙⵎⴻⴽⵜⵉ, ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⴻⵏⵏⴰⵢⴻⵔ ⵢⴻⵣⵔⵉⵏ ⴷ ⵓⵖⵍⵉⴼ ⵏ ⵜⵏⴻⵣⵣⵓⵜ, ⴱⴰⴽⵀⵜⵉ ⴱⴻⵍⴰⵉⴱ, ⵙⵙⴰⵡⵍⴻⵏ-ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵢⵉⴼⴻⵔⵔⴰⵇⴻⵏ ⵏ ⵓⴽⴻⴼⴼⴰⵢ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵖⴻⴼ ⵡⵓⴳⵓⵔⴻⵏ-ⵏⵙⴻⵏ ⵢⴻⵎⴳⴻⵔⵔⴰⴷⴻⵏ, ⵢⴻⵔⵏⴰ ⵢⴻⵍⵍⴰ-ⴷ ⴳⴰⵔ-ⴰⵙⴻⵏ ⵍⴻⵅⵚⴰⵚ ⵏ ⵍⴼⴰⵢⴷⴰ-ⵏⵙⴻⵏ, ⴰⵣⵎⴰⵎ ⵏ ⵜⵏⴻⵣⵣⵓⵜ ⵓⵔ ⵉⵡⴰⵜⴰⵏ ⴰⵔⴰ ⴰⵅⴻⴷⴷⵉⵎ-ⵏⵙⴻⵏ, ⵍⴻⵖⵔⴰⵎⴰ ⵖⵍⴰⵢⴻⵏ ⵖⴻⴼ ⵍⴻⵃⵙⴰⴱ ⵏ ⵓⵎⴻⴷⵅⵓⵍ-ⵏⵙⴻⵏ ⴷ ⵢⵉⴽⴰⵎⵢⵓⵏⴻⵏ-ⵏⵙⴻⵏ ⵉⵇⴱⵓⵔⴻⵏ.