ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵡⴻⵏⵏⴰⴹⵜ: ⵜⵉⵕⵎⵉⵙⵉⵏ ⴱⵖⴰⵏⵜ ⴰⴷ ⴷ-ⵙⵙⴻⴽⵏⴻⵏⵜ ⵜⵉⵣⴻⵎⵎⴰⵔ-ⵏⵙⴻⵏⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵎⴻⵙⵔⵉⵜ (ⵚⴰⵍⵓⵏ) ⵜⴰⴳⵔⴰⵖⵍⴰⵏⵜ ⵜⵉⵙ 12 ⵏ ⵓⵙⴳⴰⵍⴻⴼ (ⵄⴰⵜⴰⴷ) ⵏ ⵡⴰⵎⴰⵏ ⴷ ⵜⵡⴻⵏⴰⴹⵜ (ⵙⵉⴻⴻ-ⵒⵧⵍⵍⵓⵜⴻⵛ), ⴰⵢ ⴷ-ⵢⴻⵍⵍⴰⵏ ⴳⴰⵔ 1 ⴷ 4 ⴼⵓⵕⴰⵕ, ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵡⴰⵟⴰⵙ ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⵖⴻⵍⵏⴰⵡⵉⵏ ⴰⴽⴽⴻⵏ ⴰⴷ ⵙⵙⵓⵜⵔⴻⵏⵜ ⴰⴷ ⵜⵜⴻⴽⴽⵉⵏⵜ ⴷⴻⴳ ⵓⵎⵙⵉⵣⵡⴻⵔ ⴷⴻⴳ ⵜⴻⵕⵎⵉⵙⵉⵏ ⵜⵉⴱⴻⵕⵕⴰⵏⵉⵢⵉⵏ ⴷⴻⴳ ⴽⵔⴰ ⵏ ⵢⵉⵙⴻⵏⴼⴰⵔⴻⵏ.

ⴷⴻⴳ 4-ⵏⵏⵉ ⵏ ⵡⵓⵙⵙⴰⵏ ⴰⵢ ⵜⴻⴹⴹⴻⴼ ⵜⴻⴷⵢⴰⵏⵜ-ⴰ, ⴰⵟⴰⵙ ⵏ ⵢⵉⵎⵣⵉⴽⴽⵏⴻⵏ ⵢⴻⵎⵎⵓⵣⵣⴳⴻⵏ (ⵎⵓⵅⵜⴰⵚⵚⵉⵏ) ⴷⴻⴳ ⵡⴰⵎⴰⵏ, ⵜⵉⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ ⴷ ⵓⵙⵙⴻⵇⴷⴻⵛ ⵏ ⵜⵓⵔⵙⴰⴹ, ⴰⵢ ⴷ-ⵢⴻⵙⵙⴻⴽⵏⴻⵏ ⵜⵉⵎⵓⵙⵙⵏⵉⵡⵉⵏ-ⵏⵙⴻⵏⵜ.

« ⵓⵔ ⵏⴻⴱⵖⵉ ⴰⵔⴰ ⵜⴰⴷⵔⵉⵎⵜ ⵙⵖⵓⵔ ⵓⵡⴰⵏⴰⴽ (ⴷⴰⵡⵍⴰ), ⵏⴻⴱⵖⴰ ⴰⴷ ⴱⴻⴷⴷⵍⴻⵏⵜ ⵍⵄⴻⵇⵍⴻⵢⵢⴰⵜ ⵢⴻⵔⵏⴰ ⵏⴻⵜⵜⴰⵎⴻⵏ ⵙ ⵢⵉⵣⵎⴰⵔⴻⵏ-ⵏⵏⴻⵖ (ⴽⴰⴼⴰ’ⴰⵜ) », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵓⵙⴻⵏⴼⴰⵔ ⵏ ⵢⵉⵡⴻⵜ ⵏ ⵜⴻⵕⵎⵉⵙⵜ ⵢⴻⵎⵎⵓⵣⵣⴳⴻⵏ ⴷⴻⴳ ⵓⵄⴰⵡⴻⴷ ⵏ ⵓⵙⵙⴻⵇⴷⴻⵛ ⴷ ⵓⵙⵙⴻⵔⵇⵉ ⵏ ⵢⵉⴳⴰⵍⵉⵙⴻⵏ ⵉⴼⴰⴱⵓⵍⵟⴰⵢⴻⵏ », ⵎⴰⵙⵙ ⴰⵀⵎⴻⴷ ⵀⴰⴷⴻⴼ.

ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴷⴻⴳ ⵍⴻⵣⵣⴰⵢⴻⵔ, « ⵜⵉⵙⴷⴰⵡⵉⵢⵉⵏ ⵍⴰ ⴷ-ⵙⵙⵉⵍⵉⵖⴻⵏⵜ ⵉⵎⴷⴰⵏⴻⵏ ⵢⴻⵙⵙⵏⴻⵏ ⴰⴷ ⵅⴻⴷⵎⴻⵏ, ⵢⴻⵔⵏⴰ ⵏⴻⴽⴽⵏⵉ ⵏⴻⵃⵡⴰⴵ-ⵉⵜⴻⵏⵜ, ⴷⵖⴰ ⵢⴻⵙⵙⴻⴼⴽ ⴰⴷ ⵜⴻⵏ-ⵏⵡⴻⵀⵀⵉ ⵖⴻⵔ ⵜⴻⵕⵎⵉⵙⵉⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵢⵉⵏⵓⵔⴰⵔ ⵏ ⵜⵡⴻⵏⵏⴰⴹⵜ ».

ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⵀⴰⴷⴻⴼ, ⵜⵉⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵏ ⵜⵓⵔⵙⴰⴹ ⴷⴷⴰⵏⵜ ⴰⵟⴰⵙ ⵖⴻⵔ ⵙⴷⴰⵜ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ.

ⵎⴰ ⴷ ⴰⴱⴷⴻⵍⵎⵧⵓⵎⴻⵏⴻ ⴱⴻⵏⵎⴻⵙⴱⴰⵀ, ⵢⴻⵍⵍⴰⵏ ⴷ ⴰⵏⴻⵎⵀⴰⵍ ⵏ ⵢⵉⵡⴻⵜ ⵏ ⵜⴻⵕⵎⵉⵙⵜ ⵢⴻⵎⵎⵓⵣⵣⴳⴻⵏ ⴷⴻⴳ ⵜⵍⵉⴽⵜⵕⵓⵏⴰⵏⵜ, ⵢⴻⵙⵙⴻⴱⴷⴻⴷ-ⴷ ⵢⵉⵡⴻⵏ ⵏ ⵓⵏⴻⴳⵔⴰⵡ ⴰⵍⵉⴽⵜⵕⵓⵏⴰⵏ ⵏ ⵓⵙⵙⴻⴼⵔⴻⴽ ⵏ ⵜⴻⵖⵙⴰⵔ (ⵎⴰⵃⴰⵟⵟⴰⵜ) ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ, ⵢⴻⵔⵏⴰ ⵢⴻⴱⴷⴻⵔ-ⴷ ⵉⵄⴻⵡⵡⵉⵇⴻⵏ ⴰⵢ ⴷ-ⵜⵜⵎⴰⴳⴰⵔⴻⵏ.

« ⴰⵏⴻⴳⵔⴰⵡ-ⵏⵏⴻⵖ ⴷ ⴰⴷⵣⴰⵢⵔⵉ 100%. ⵢⴻⵙⵄⴰ ⵜⴰⴽⴰⵔⴹⴰ ⵜⴰⵍⵉⴽⵜⵕⵓⵏⴰⵏⵜ ⵏ ⵓⵃⴽⴰⵎ ⴷ ⵢⵉⵙⴻⵖⵥⴰⵏⴻⵏ (ⴱⴰⵔⴰⵎⵉⴵ) ⴰⵢ ⴷ-ⴳⴰⵏ ⵢⵉⵊⴻⵏⵢⵓⵕⴻⵏ-ⵏⵏⴻⵖ. ⴰⵏⴻⴳⵔⴰⵡ-ⴰ ⵢⴻⵙⵙⴰⴳⴰⵔ-ⴷ ⴰⵟⴰⵙ ⵏ ⵢⵉⴷⵔⵉⵎⴻⵏ ⵖⴻⴼ ⵍⴻⵃⵙⴰⴱ ⵏ ⵢⵉⵏⴻⴳⵔⴰⵡⴻⵏ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵙⴻⴳ ⵓⵣⵖⴰⵔ ⵢⴻⵔⵏⴰ ⴰⵏⴻⵄⵔⵓⴹ-ⵏⵏⴻⵙ ⴷ ⵓⵔⴱⵉⵃ. ⴷ ⴰⵛⵓ ⴽⴰⵏ, ⵏⴻⵙⵃⵉⵙⵙⵉⴼ ⵉⵎⵉ ⵓⵔ ⵏⴻⵙⵙⴰⵡⴻⴹ ⴰⵔⴰ ⴰⴷ ⴷ-ⵏⴰⴼ ⵉⵎⴻⵛⵜⵓⵔⴰ. ⵢⴻⵜⵜⴱⴰⵏ-ⴷ ⴷ ⴰⴽⴽⴻⵏ ⵢⵉⵡⴻⵏ ⵓⵔ ⵢⵓⵎⵉⵏ ⴷ ⴰⴽⴽⴻⵏ ⵍⵍⴰⵏⵜ ⴷⴻⴳ ⵍⴻⵣⵣⴰⵢⴻⵔ ⵜⴻⵕⵎⵉⵙⵉⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵙⵏⵓⵍⴼⵓⵏⵜ ⴰⵏⴻⴳⵔⴰⵡ ⵏ ⵚⵚⴻⵏⴼ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙ ⵓⵙⵃⵉⵙⵙⴻⴼ.

ⵎⴰ ⴷ ⵎⴰⵙⵙ ⵎⵧⵀⴰⵎⴻⴷ ⵧⵓⴰⵀⴰⴱⵉ, ⵢⴻⵍⵍⴰⵏ ⴷ ⵉⵖⴻⴼ ⵏ ⵢⵉⵡⴻⵜ ⵏ ⵜⴻⵕⵎⵉⵙⵜ ⵢⴻⵎⵎⵓⵣⵣⴳⴻⵏ ⴷⴻⴳ ⵍⴻⴱⵏⵉ ⵏ ⵜⴻⵖⵙⴰⵔ ⵏ ⵓⵙⴻⴽⴽⴻⵔ (ⵎⵓⵄⴰⵍⴰⴵⴰ) ⵏ ⵡⴰⵎⴰⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵕⵎⵉⵙⵉⵏ ⵜⵓⵙⵍⵉⴳⵉⵏ ⵜⵉⴷⵣⴰⵢⵔⵉⵢⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵏⵔⴰⵔ-ⴰ ⵜⵜⵎⴰⴳⴰⵔⴻⵏⵜ-ⴷ ⵓⴳⵓⵔⴻⵏ ⴷ ⵉⵎⴻⵇⵔⴰⵏⴻⵏ ⴰⴽⴽⴻⵏ ⴰⴷ ⴷ-ⴰⴼⴻⵏⵜ ⵍⴻⵙⵡⴰⵇ.