ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵜⵜⵡⴰⵟⵟⴻⴼ ⵢⵉⵡⴻⵏ ⵏ ⵓⵔⴻⴱⵔⴰⴱ ⴷⴻⴳ ⵉⵏ ⴰⵎⴻⵏⵏⴰⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵜⵜⵡⴰⵟⵟⴻⴼ, ⴰⵙⵙ ⵏ ⵙⵙⴻⴱⵜ ⴷⴻⴳ ⵉⵏ ⴰⵎⴻⵏⵏⴰⵙ, ⵢⵉⵡⴻⵏ ⵏ ⵓⵔⴻⴱⵔⴰⴱ ⴰⵢ ⴷ-ⵢⵓⵙⴰⵏ ⵙⴻⴳ ⵜⵍⵉⵙⴰ ⵏ ⵓⵏⵥⵓⵍ-ⴰⴳⵎⵓⴹⴰⵏ (ⴵⴰⵏⵓⴱ-ⵛⴰⵔⵇ) ⵏ ⵜⵎⵓⵔⵜ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ.

« ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵢⴻⵔⵏⴰ ⵙ ⵜⴰⴽⴰⵢⵜ ⵢⴻⵣⴳⴰⵏ ⵏ ⵢⵉⵖⴰⵍⵍⴻⵏ-ⵏⵏⴻⵖ ⵉⵎⵙⴻⵍⵍⵃⴻⵏ ⵢⴻⵜⵜⵡⴰⴼⴻⵔⵇⴻⵏ ⵖⴻⴼ ⵜⵍⵉⵙⴰ, ⵜⴻⴹⴹⴻⴼ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵢⵉⴳⴻⵏ (ⴵⴰⵢⵛ) ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ ⴰⵎⴻⵀⵍⴰⵏ ⵏ ⵉⵏ ⴰⵎⴻⵏⵏⴰⵙ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4) ⵢⵉⵡⴻⵏ ⵏ ⵓⵔⴻⴱⵔⴰⴱ, ⴰⵙⵙ-ⴰ ⵏ 6 ⴼⵓⵕⴰⵕ 2016 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

« ⴰⵔⴻⴱⵔⴰⴱ-ⴰ ⵢⴻⵍⵍⴰ ⵢⴻⵏⵀⴻⵕ-ⴷ ⴰⵎⵓⵟⵓ ⵙⴻⴳ ⵜⵍⵉⵙⴰ ⵏ ⵓⵏⵥⵓⵍ-ⴰⴳⵎⵓⴹⴰⵏ ⵏ ⵜⵎⵓⵔⵜ, ⵢⴻⵔⵏⴰ ⵢⴻⵡⵡⵉ-ⴷ ⵢⵉⴷ-ⵙ ⴰⴱⴻⵛⴽⵉⴹ ⵏ ⵚⵚⵢⴰⴷⴰ, ⵍⵄⵓⵍⴰ ⵏ ⵔⵔⵚⴰⵚ ⵏ ⵍⴻⵇⵢⵓⵙ ⵢⴻⵎⴳⴻⵔⵔⴰⴷⴻⵏ ⵉ ⵢⵉⴱⴻⵛⴽⵉⴹⴻⵏ-ⵉⵎⵉⵟⵔⴰⵢⵓⵜⴻⵏ, ⵜⴰⵙⵉⵜ ⵏ ⵓⵇⴻⵔⵔⴻⵙ ⵉⵙⴻⴷⴷⵉ, ⵜⴰⵢⵓⴳⴰ ⵏ ⵜⵙⴰⵜⵉⵏ, ⵜⴰⵣⵖⴰⵢⵜ ⴷ ⵡⴰⵟⴰⵙ ⵏ ⵢⵉⵙⴰⵡⴰⵍⴻⵏ ⵏ ⵓⴼⵓⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.