ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵙⵉⵣⵡⴻⵔ ⵏ ⵓⵙⵙⵉⴷⴻⴼ ⵏ ⵢⵉⵙⴻⵍⵎⴰⴷⴻⵏ ⵉⵎⴰⵢⵏⵓⵜⴻⵏ ⵢⴻⵔⵥⴻⵎ ⵉ ⵡⵉⴷ ⵢⴻⵖⵔⴰⵏ ⵜⴰⵖⵡⴰⵍⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵢⴻⵔⵥⴻⵎ ⵓⵎⵙⵉⵣⵡⴻⵔ ⵏ ⵓⵙⵙⵉⴷⴻⴼ ⵏ ⵢⵉⵙⴻⵍⵎⴰⴷⴻⵏ ⵉⵎⴰⵢⵏⵓⵜⴻⵏ ⵉ ⵡⵉⴷ ⴰⵢ ⵢⴻⵙⵄⴰⵏ ⵜⵓⵔⴰⴳⵜ (ⵍⵉⵙⴰⵏⵙ) ⴷⴻⴳ ⵜⵓⵙⵙⵏⵉⵡⵉⵏ ⵏ ⵓⵙⵙⴻⵍⵖⵓ (ⵉⵄⵍⴰⵎ) ⴷ ⵜⴻⵖⵡⴰⵍⵜ, ⵢⴻⵔⵏⴰ ⴰⴷ ⵙⵄⴻⴷⴷⵉⵏ ⴰⵎⵙⵉⵣⵡⴻⵔ-ⴰ ⴷⴻⴳ ⵜⴳⴰⵔⴰ ⵏ ⵡⴰⵢⵢⵓⵔ ⵏ ⴼⵓⵕⴰⵕ.
« ⴰⵙⵄⴻⴷⴷⵉ ⵏ ⵓⵎⵙⵉⵣⵡⴻⵔ-ⴰ ⵢⴻⵔⵥⴻⵎ ⵉ ⵜⵎⴻⵣⵣⵓⴳⵉⵏ (ⵉⵅⵜⵉⵚⴰⵚⴰⵜ) ⵏⵉⴹⴻⵏ ⴰⵎ ⵜⵉⵏ ⵏ ⵜⵓⵙⵙⵏⵉⵡⵉⵏ ⵏ ⵓⵙⵙⴻⵍⵖⵓ ⴷ ⵜⴻⵖⵡⴰⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⴷⴻⴳ ⵢⵉⵊⵉⴼⴻⵕ ⵏ ⵜⴻⵡⵡⵓⵔⴰ ⵉⵔⴻⵥⵎⴻⵏ ⵖⴻⴼ ⵓⴱⴷⴰⵄ ⴷⴻⴳ ⵓⵙⵙⴻⴳⵎⵉ ⴷⴻⴳ ⵢⵉⵏⵓⵔⴰⵔ ⵏ ⵜⵙⴻⵏⵙⴻⵍⴽⵉⵎⵜ (ⵉⵄⵍⴰⵎ ⴰⵍⵉ) ⴷ ⵜⴻⵙⵏⴰⵜⵡⵉⵍⵉⵏ ⵜⵉⵎⴰⵢⵏⵓⵜⵉⵏ.
ⵖⴻⴼ ⵍⴻⵃⵙⴰⴱ ⵏ ⵜⵏⴻⵖⵍⴰⴼ, ⴰⵖⵍⵉⴼ ⴰⵜⴰⵏ ⴽⴰⵏ ⵍⴰ ⵢⴻⵜⵜⵕⴰⵊⵓ ⵜⵉⵔⵉⵔⵉⵜ ⵙⵖⵓⵔ ⵜⵎⴻⵀⵍⴰ ⵏ ⵜⵡⵓⵔⵉ ⵜⴰⵏⴰⴳⴷⵓⴷⵜ (ⵡⴰⴹⵉⴼ ⵄⵓⵎⵓⵎⵉ) ⴷ ⵓⵖⵍⵉⴼ ⵏ ⵜⴻⴷⵔⵉⵎⵜ ⵉ ⵓⵙⵙⴻⴼⵔⵓ ⵏ « ⵜⵜⴼⴰⵚⵉⵍ » ⵖⴻⴼ ⵓⵎⴹⴰⵏ (ⵄⴰⴷⴰⴷ) ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ, ⵢⴻⵔⵏⴰ ⴰⵎⴹⴰⵏ ⵏ ⵓⵙⴻⴳⴳⴰⵙ-ⴰ ⴰⴷ ⵢⵉⵍⵉ ⵇⵔⵉⴱ ⴰⵏⴻⵛⵜ ⵏ ⵡⵉⵏ ⵏ ⵓⵙⴻⴳⴳⴰⵙ ⵢⴻⵣⵔⵉⵏ, ⴰⵏⴷⴰ ⴰⵢ ⴷ-ⵜⵜⵡⴰⵙⵙⴰⴷⴼⴻⵏ ⵢⵉⵙⴻⵍⵎⴰⴷⴻⵏ ⴷⴻⴳ 18 ⵜⵎⴻⵣⵣⵓⴳⵉⵏ.
ⵜⴻⵔⵏⴰ-ⴷ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⴷⴰⴽⴽⴻⵏ « ⴷⴻⴳ ⵓⵎⵙⵉⵣⵡⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⴷ ⴷ-ⵢⵉⵍⵉ ⵓⴽⴰⵢⴰⴷ ⵙ ⵡⴰⵡⴰⵍ ⴰⴽⴽⴻⵏ ⴰⴷ ⵙⵙⴻⵍⵀⵓⵏ ⴰⵎⵍⴰⵣⵎⴰⵔ (ⴰⴷⴰ’) ⵏ ⵢⵉⵙⴻⵍⵎⴰⴷⴻⵏ ⴰⴷ ⴷ-ⵢⴻⵙⴼⴰⵢⴷⴰⵢⴻⵏ ⵙⴻⴳ ⵓⵙⵙⵉⵍⴻⵖ ⴷⴻⴼⴼⵉⵔ ⵓⵙⵙⵉⴷⴻⴼ-ⵏⵙⴻⵏ ⵖⴻⵔ ⵓⵅⴻⴷⴷⵉⵎ », ⵢⴻⵔⵏⴰ ⵜⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⵖⴻⵔ ⵓⵖⵍⵉⴼ ⵏⴻⵜⵜⴰ ⴷ « ⴰⵣⵎⴰⵔ (ⴽⴰⴼⴰ’ⴰ) ⵢⴻⵔⵏⴰ ⴰⴷ ⴷ-ⵉⴱⴰⵏ ⵡⴰⵢⴰ ⵙ ⵓⴽⴰⵢⴰⴷ-ⵏⵏⵉ ⵢⵓⵔⴰⵏ ».
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵉⴷⴻⴼ ⵏ ⵢⵉⵙⴻⵍⵎⴰⴷⴻⵏ ⵏ ⵓⵖⴻⵔⴱⴰⵣ ⴰⵎⴻⵏⵣⵓ, « ⵢⴻⵙⵙⴻⴼⴽ ⴰⴷ ⴷ-ⵢⴻⵙⵙⴽⴻⵏ ⵓⵙⴻⵍⵎⴰⴷ ⴷⴰⴽⴽⴻⵏ ⵢⴻⵙⵙⴻⵏ ⴰⴽⴽ ⵜⵉⵏⴻⴳⵡⴰ (ⵎⴰⵡⴰⴷ), ⴰⵎⴰ ⴷ ⵜⵓⵙⵙⵏⴰⵏⵉⵏ ⵏⴻⵖ ⴷ ⵜⵉⵙⴻⴽⵍⴰⵏⵉⵏ, ⵢⴻⵔⵏⴰ ⴰⵢⴰ ⵢⴻⵎⴳⴻⵔⵔⴰⴷ ⵖⴻⴼ ⵢⵉⵙⴻⵍⵎⴰⴷⴻⵏ ⵏ ⵓⵙⵡⵉⵔ ⴰⵍⴻⵎⵎⴰⵙ ⴷ ⵓⵙⵏⴰⵡⴰⵏ ⴰⵢⴷⴻⴳ ⵡⵉⵏ ⵢⴻⵜⵜⴻⴽⴽⴰⵏ ⵢⴻⵙⵙⴻⴼⴽ ⴽⴰⵏ ⴰⴷ ⴷ-ⵢⴻⵙⵙⴽⴻⵏ ⴷⴰⴽⴽⴻⵏ ⵢⴻⵙⵙⴻⵏ ⵜⴰⵎⴻⵣⵣⵓⴳⵜ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵓⵏⴻⵖⵍⴰⴼ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵏⵏⴰ-ⴷ ⵜⵏⴻⵖⵍⴰⴼ ⴷⴰⴽⴽⴻⵏ « ⴰⵙⵙ ⵏ ⵙⵙⴻⴱⵜ ⵏ ⴰⵎⴻⵣⵡⴰⵔⵓ ⵏ ⵢⴰⵍ ⴰⵢⵢⵓⵔ ⵏ ⴼⵓⵕⴰⵕ ⴰⴷ ⴷ-ⵢⵉⵍⵉ ⴷ ⴰⵙⵙ ⵉ ⵓⴱⴷⴰⵄ » ⴷⴻⴳ ⵓⵙⵙⴻⴳⵎⵉ, ⵢⴻⵔⵏⴰ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵖⵍⵉⴼ ⴰⴷ ⵢⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵜⴻⴽⵜⴰ ⵏ ⵓⴱⴷⴰⵄ ⴷⴻⴳ ⵓⵙⵙⴻⵇⴷⴻⵛ ⵏ ⵜⴻⵙⵏⴰⵜⵡⵉⵍⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵓⵙⵙⴻⴳⵎⵉ, ⵢⴻⵔⵏⴰ ⴰⴷ ⵜⴻⵏⵜ-ⵉⵄⴰⵡⴻⵏ ⵍⴰⴷⵖⴰ ⵙ ⵜⴻⴷⵔⵉⵎⵜ.
