ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⴼⴽⴰ-ⵢⴰⵙ ⵉ ⵓⵙⴻⵏⴼⴰⵔ ⵓⵄⵉⵡⴻⴷ ⵏ ⵜⵎⴻⵏⴷⴰⵡⵜ "ⵓⴷⴻⵎ ⴰⵎⵜⴰⵡⴰⵏ" (ⵙⴻⵍⵍⴰⵍ)
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ : ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵅⵜⴰⵕ ⴰⴽⴽⴻⵏ ⴰⴷ ⵢⴻⴼⴽ ⵉ ⵓⵙⴻⵏⴼⴰⵔ ⵓⵄⵉⵡⴻⴷ ⵏ ⵜⵎⴻⵏⴷⴰⵡⵜ "ⵓⴷⴻⵎ ⴰⵎⵜⴰⵡⴰⵏ" ⴰⴽⴽ ⴷ "ⵜⵎⵓⵖⵍⵉ ⵉⴽⴻⵎⵎⵍⴻⵏ" ⴰⵢⴰⴳⵉ ⵙ "ⵓⵎⵛⴰⵡⴻⵕ ⴷ ⵢⴰⴽ ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ ⵎⴻⴱⵍⴰ ⵎⴰ ⵏⴻⵙⵜⵉⵅⵅⴻⵕ ⵢⵉⵡⴻⵏ", ⵉⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ.
"ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⵅⵜⴰⵕ ⴰⴽⴽⴻⵏ ⴰⴷ ⵢⴻⴼⴽ ⵉ ⵓⵙⴻⵏⴼⴰⵔ ⵓⵄⵉⵡⴻⴷ ⵏ ⵜⵎⴻⵏⴷⴰⵡⵜ ⵓⴷⴻⵎ ⴰⵎⵜⴰⵡⴰⵏ ⴰⴽⴽ ⴷ ⵜⵎⵓⵖⵍⵉ ⵉⴽⴻⵎⵎⵍⴻⵏ ⵎⴻⴱⵍⴰ ⵎⴰ ⵢⴻⵙⵜⴰⵅⵅⴻⵕ ⵏⴻⵖ ⵢⴻⵣⴳⴻⵍ ⵓⵍⴰ ⴷ ⵢⵉⵡⴻⵏ ⵙ ⵓⵜⴻⴽⴽⵉ ⵏ ⵢⴰⴽⴽ ⵉⵙⴻⵔⵜⵉⵢⴻⵏ ⴰⴽⴽ ⴷ ⵢⵉⵏⵎⴻⵜⵜⴰⵏⴻⵏ", ⵉⴷ-ⵢⴻⵏⵏⴰ ⵎⴰⵙ ⵙⴻⵍⵍⴰⵍ ⵍⴰⵡⴰⵏ ⵓⵇⴻⴷⴷⴻⵎ-ⵉⵏⴻⵙ ⵏ ⵓⵙⴻⵏⴼⴰⵔ ⵓⵄⵉⵡⴻⴷ ⵏ ⵜⵎⴻⵏⴷⴰⵡⵜ.
ⵢⴻⵎⵎⴻⵙⵍⴰⵢ-ⴷ ⵍⴰⵡⴰⵏ ⵏ ⵡⴻⵕⵥⴰⵎ ⵏ ⵜⴻⴷⵡⵉⵍⵜ ⵏ ⵡⴻⵎⵏⵉ ⵢⴻⵎⵎⴻⵣⴷⵉⵏ ⴷⵉ ⵜⴻⴷⵡⵉⵍⵜ-ⵉⵙ ⴷ-ⵢⴻⵍⵍⴰⵏ ⴱⴻⴷⴷⴻⵎⵎⴰ ⵢⴻⵔⵣⴰⵏ ⴰⴷⵖⴰⵕ ⵏ ⵓⵙⴻⵏⴼⴰⵔ ⵏ ⵜⵎⴻⵏⴷⴰⵡⵜ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⴰⵄⵉⵡⴻⴷ ⵏ ⵜⵎⴻⵏⴷⴰⵡⵜ ⵜⵓⵙⴰ-ⴷ ⴰⴽⴽⴻⵏ "ⴰⴷ ⵜⵕⴻⵚⵚⵉ ⵍⵄⴰⵀⴻⴷ ⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⴷⴷⴻⵎ ⵣⴷⴰⵜ ⵏ ⵡⴻⵖⵕⴻⴼ ⴰⵣⵣⴰⵢⵔⵉ ⴰⵍⵎⴻⵏⴷ ⵓⴱⴻⴷⴷⴻⵍ ⴰⵙⴻⵔⵜⴰⵏ ⵢⴻⵍⵍⴰ ⵢⴻⴱⴷⴰ ⵢⴰⴽⴰⵏ", ⵉⴽⴻⵎⵎⴻⵍ ⵢⴻⵏⵏⴰ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⴷ ⵜⵉⵔⵉⵔⵉⵜ ⵉ "ⵡⴰⵢⴻⵏ ⴰⴽⴽ ⵢⴻⵜⵜⵎⴻⵏⵏⵉ ⵡⴻⵖⵕⴻⴼ ⴰⵣⵣⴰⵢⵔⵉ ⵓ ⴷⴰⵖⴻⵏ ⵢⴻⵍⵍⴰ-ⴷ ⴰⵍⵎⴻⵏⴷ ⵓⴱⴻⴷⴷⴻⵍ ⴷ ⵓⵏⴻⴳⵎⵓ ⴰⵢ ⴷ-ⵉⴹⴻⵕⵕⵓⵏ ⴷⵉ ⵜⵎⴻⵜⵜⵉ ⵜⴰⵣⵣⴰⵢⵔⵉⵜ".
"ⴰ ⵡⴻⵏ-ⴷ ⵇⴻⴷⵎⴻⵖ ⴰⵙⵙ-ⴰⴳⵉ ⵉⵡⴻⵍⵍⵉⵀⴻⵏ ⵉⵎⴰⵢⵏⵓⵜⴻⵏ ⵏ ⵜⵎⴻⵏⴷⴰⵡⵜ, ⴷ-ⵢⵓⵙⴰⵏ ⴰⴽⴽⴻⵏ ⴰⴷ ⵙⴵⴰⵀⴷⴻⵏ ⵜⵉⵏⴻⴽⴽⵉⵜ ⵜⴰⵖⴻⵍⵏⴰⵡⵜ, ⴰⵃⴰⴷⴻⵔ ⵖⴻⴼ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ, ⴰⵍⴻⵇⵇⴻⵎ ⵏ ⵜⵓⴳⴷⵓⵜ, ⴷ ⵓⵕⴻⵚⵚⵉ ⵏ ⵜⴳⴻⵊⴷⴰ ⵏ ⴷⴷⴻⵡⵍⴰ ⵏ ⵍⵇⴰⵏⵓⵏ ⴰⴽⴽ ⴷ ⵓⵣⵓⵔⴻⴳ ⵏ ⵜⴻⵖⴷⴻⵎⵜ", ⵉⴽⴻⵎⵎⴻⵍ ⵢⴻⵏⵏⴰ.
