Asebter amenzawi
Aselway Bouteflika yefka-yas i usenfar uɛiwed n tmendawt "udem amtawan" (Sellal)
LEZZAYER TAMANAɣT : Aselway n Tegduda, Abdelaziz Bouteflika, yextaṛ akken ad yefk i usenfar uɛiwed n tmendawt "udem amtawan" akk d "tmuɣli ikemmlen" ayagi s "umcaweṛ d yak wid terza temsalt mebla ma nestixxeṛ yiwen", id-yenna ass n lḥedd di Lezzayer tamanaɣt uneɣlaf amezwaru Abdelmalek Sellal.
"Aselway Bouteflika yextaṛ akken ad yefk i usenfar uɛiwed n tmendawt udem amtawan akk d tmuɣli ikemmlen mebla ma yestaxxeṛ neɣ yezgel ula d yiwen s utekki n yakk isertiyen akk d yinmettanen", id-yenna Mas Sellal lawan uqeddem-ines n usenfar uɛiwed n tmendawt.
Yemmeslay-d lawan n weṛẓam n tedwilt n wemni yemmezdin di tedwilt-is d-yellan beddemma yerzan adɣaṛ n usenfar n tmendawt, aneɣlaf amezwaru yessefhem-d belli aɛiwed n tmendawt tusa-d akken "ad tṛeṣṣi lɛahed n uselway Bouteflika yeddem zdat n weɣṛef azzayri almend ubeddel asertan yella yebda yakan", ikemmel yenna belli asenfar-agi d tiririt i "wayen akk yettmenni weɣṛef azzayri u daɣen yella-d almend ubeddel d unegmu ay d-iḍeṛṛun di tmetti tazzayrit".
"A wen-d qedmeɣ ass-agi iwellihen imaynuten n tmendawt, d-yusan akken ad sǧahden tinekkit taɣelnawt, aḥader ɣef yizerfan n wemdan, aleqqem n tugdut, d uṛeṣṣi n tgejda n ddewla n lqanun akk d uzureg n teɣdemt", ikemmel yenna.
