Asebter amenzawi

Aselway Bouteflika iwekked-d asbeddi n tseqqamutt n weḍfaṛ iwellihen n tmendawt tamaynutt

LEZZAYER TAMANAɣT : Aselway n Tegduda, Abdelaziz Bouteflika, iwekked-d, ass n lḥedd di Lezzayer, asbeddi n tseqqamutt n weḍfaṛ iwellihen d yibeddi ɣef uṛeṣṣi iwatan s lekmal n iwellihen n d-yeddan di lqanun yerzan aɛiwed n tmendawt tmendawt.

"gezmeɣ-tt di ṛṛay, s timmad-iw d amḥaddi n tmendawt, akken ad d-sbeddeɣ, ɣer yidis uselway n Tegduda, taseqqamutt n weḍfaṛ anda ara d-telhu akken iwata lḥal, di lwaqt daɣen iwatan armi d taggara, i uṛeṣṣi alqayan ikemmlen n yiwellihen-agi u daɣen ad iyi-ssaɛlamen di lwaqt", id-yenna umḍebbeṛ n ddewla deg yizen-ines, d-yeɣṛa uselway n wemni, Abdelkader Bensalah ar taggara n weqbal sɣur iberlamaniyen n lqanun yerzan aɛiwed n tmendawt.

"Lebni amendawan-agi i nextaṛ akken ad t-nebnut jmiɛ, ddaw n laɛnaya n iḥettimen inmettanen yextaṛen tamuɣli talsawit, wid umi ɣer nessawel acḥal n tikkwal di yal tagnitt",ikemmel yenna.