ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵎⵎⵓⴳⴻⵔ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴰⴷⵉⵒⵍⵓⵎⴰⵜⵉ ⴰⴷⵣⴰⵢⵔⵉ ⵍⴰⴽⵀⴷⴰⵔ ⴱⵔⴰⵀⵉⵎⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵎⵎⵓⴳⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ, ⴰⴷⵉⵒⵍⵓⵎⴰⵜⵉ ⴰⴷⵣⴰⵢⵔⵉ ⴷ ⵓⵏⴻⵖⵍⴰⴼ ⴰⵇⴱⵓⵔ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵍⴰⴽⵀⴷⴰⵔ ⴱⵔⴰⵀⵉⵎⵉ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴰⵢ ⴷ-ⵢⴻⴼⴼⵖⴻⵏ ⴷⴻⴼⴼⵉⵔ ⵓⵎⵢⴰⴳⴻⵔ-ⴰ, ⵢⴻⵏⵏⴰ-ⴷ ⵎⴰⵙⵙ ⴱⵔⴰⵀⵉⵎⵉ ⴷ ⴰⴽⴽⴻⵏ ⵜⵉⵔⵣⵉ-ⵏⵏⴻⵙ ⵜⴻⵍⵍⴰ-ⴷ ⴷ « ⵜⵓⴷⵎⴰⵡⴰⵏⵜ ⵢⴻⵔⵏⴰ ⴷ ⵜⵓⵙⵍⵉⴳⵜ », ⵢⴻⵔⵏⴰ ⵢⴻⵙⵙⴰⵡⴻⵍ ⴷⴻⴳ-ⵙ ⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ « ⵖⴻⴼ ⵡⴰⵟⴰⵙ ⵏ ⵜⴻⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵜⵖⴰⵡⵙⵉⵡⵉⵏ ⵜⵉⴳⴻⵏⵙⵉⵢⵉⵏ (ⴷⴰⵅⵉⵍⵉⵢⵢⴰ) ⵏ ⵜⵎⵓⵔⵜ ⴷ ⵜⴻⵎⵏⴰⴹⵜ ⵙ ⵓⵎⴰⵜⴰ ».
ⴰⵎⵢⴰⴳⴻⵔ-ⴰ ⴷ ⵡⵉⵏ ⴰⵢⴷⴻⴳ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵜⴻⴳⵏⵉⵜ ⴷⴻⴳ ⵙⵓⵔⵢⴰ, ⴷⴻⴳ ⵍⵉⴱⵢⴰ ⴷ ⴼⴰⵍⴻⵙⵟⵉⵏ, ⴷ ⵜⴻⵎⵙⴰⵍ ⵜⵉⴳⵔⴰⵖⵍⴰⵏⵉⵏ, ⴳⴰⵔ-ⴰⵙⴻⵏⵜ ⵜⴰⴼⵔⴰⵏⵜ ⵏ ⵓⵎⴰⵔⵓ ⴰⵎⴰⵜⵓ ⴰⵎⴰⵢⵏⵓ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵓⵙⴻⵍⵡⴰⵢ ⴰⵎⴰⵢⵏⵓ ⵏ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
