Asebter amenzawi

Yemmuger uselway Bouteflika adiplumati adzayri Lakhdar Brahimi

LEZZAYER TAMANEɣT – Yemmuger uselway n tegduda, Abdelaziz Bouteflika, ass n lḥedd deg Lezzayer, adiplumati adzayri d uneɣlaf aqbur n tɣawsiwin n uzɣar, Lakhdar Brahimi.

Deg yiwet n tseɣrut (taṣriḥ) i tɣemsa ay d-yeffɣen deffir umyager-a, yenna-d Mass Brahimi d akken tirzi-nnes tella-d d « tudmawant yerna d tusligt », yerna yessawel deg-s d uselway Bouteflika « ɣef waṭas n temsal yeqqnen ɣer tɣawsiwin tigensiyin (daxiliyya) n tmurt d temnaḍt s umata ».

Amyager-a d win aydeg d-ssukken tiṭ ɣef tegnit deg Surya, deg Libya d Falesṭin, d temsal tigraɣlanin, gar-asent tafrant n umaru amatu amaynu n Tuddsa n Yiɣlanen Yeddukklen d uselway amaynu n Tseqqamut n Tdukli Tafriqit, ɣef wakken ay d-yenna.