ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵄⴰⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵒⴰⵔⵉⵙ ⵉ ⵓⵚⴻⴳⴳⴻⵎ ⵏ ⵜⴻⵎⴷⵉⵏⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴱⴷⴻⵔ-ⴷ ⵓⵡⴰⵍⵉ ⵏ ⵍⴻⵣⵣⴰⵢⴻⵔ, ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⵜⴰⵎⵙⴰⵍⵜ ⵏ ⵓⵙⵙⴻⴵⵀⴻⴷ ⵏ ⵓⵎⵄⴰⵡⴻⵏ ⴳⴰⵔ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴷ ⵜⴻⵎⴷⵉⵏⵜ ⵏ ⵒⴰⵔⵉⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵚⴻⴳⴳⴻⵎ ⵏ ⵜⴻⵎⴷⵉⵏⵜ, ⴷⴻⴳ ⵓⵎⵢⴰⴳⴻⵔ-ⵏⵏⴻⵙ ⴰⵙⵙ ⵏ ⵍⵃⴻⴷⴷ ⴷ ⵜⵙⴻⵍⵡⴰⵢⵜ ⵏ ⵜⵖⵉⵡⴰⵏⵜ ⴷ ⵢⵉⵎⴹⴻⴱⴱⵔⴻⵏ ⵏ ⵒⴰⵔⵉⵙ.

« ⴰⵇⵍ-ⴰⵖ ⵍⴰ ⵏⵣⴻⵔⵔⴻⵡ (ⵏⴰⴷⵔⵓⵙ) ⵜⵜⴰⵡⵉⵍⴰⵜ ⵏ ⵓⵙⵙⴻⴵⵀⴻⴷ ⵏ ⵓⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵏⴰⵖ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵄⴰⵡⴻⴷ ⵏ ⵓⵚⴻⴳⴳⴻⵎ ⵏ ⵜⴻⵎⴷⵉⵏⵜ » ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ ⵏ 2030 ⴰⵢⴷⴻⴳ ⴰⴷ ⴷ-ⵢⵉⵍⵉ, ⵍⴰⴷⵖⴰ, ⵓⵙⵙⵉⵍⴻⵖ ⵏ ⵢⵉⴽⴰⵜⴰⵔⴻⵏ ⴷ ⵜⵔⴰⵔⴰⵙⵜ ⵏ ⵜⵎⵓⵙⵙⵏⵉⵡⵉⵏ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵡⴰⵍⵉ ⵏ ⵍⴻⵣⵣⴰⵢⴻⵔ, ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⵎⵉ ⵢⴻⵎⵎⵓⴳⴻⵔ ⵜⴰⵙⴻⵍⵡⴰⵢⵜ ⵏ ⵜⵖⵉⵡⴰⵏⵜ ⵏ ⵒⴰⵔⵉⵙ, ⵎⴰⵙⵙⴰ ⴰⵏⵏⴻ ⵀⵉⴷⴰⵍⴳⵧ ⴷⴻⴳ ⵓⵅⵅⴰⵎ ⵏ ⵜⵡⵉⵍⴰⵢⵜ.

« ⵏⴻⵎⵙⴻⴼⵀⴰⵎ ⵏⴻⴽⴽ ⴷ ⵜⵙⴻⵍⵡⴰⵢⵜ ⵏ ⵜⵖⵉⵡⴰⵏⵜ ⵏ ⵒⴰⵔⵉⵙ ⴰⴽⴽⴻⵏ ⴰⴷ ⴳⴻⵏ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵉⵙⵙⵉⵍⵖⴻⵏ (ⵜⴰⴽⵡⵉⵏⴰⵜ) ⴷ ⵜⵔⴰⵔⴰⵙⵜ ⵏ ⵜⵎⵓⵙⵙⵏⵉⵡⵉⵏ-ⵏⵙⴻⵏ ⴷⴻⴳ ⵓⵖⴻⵔⴱⴰⵣ ⵏ ⵢⵉⵊⴻⵏⵢⵓⵕⴻⵏ ⵏ ⵜⴻⵎⴷⵉⵏⵜ ⵏ ⵒⴰⵔⵉⵙ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⵄⴰⵡⴻⴷ ⵏ ⵓⵚⴻⴳⴳⴻⵎ ⵏ ⵍⴱⴻⵏⵢⴰⵏ ⴰⵇⴱⵓⵔ, ⵢⴻⵔⵏⴰ ⴰⴷ ⵅⴻⴷⵎⴻⵏ ⵖⴻⴼ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵡⴰⵍⵉ.

ⵢⴻⵙⵎⴻⴽⵜⵉ-ⴷ ⵓⵡⴰⵍⵉ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵜⴻⵙⵜⴻⵏⵢⴰ ⴷ ⵒⴰⵔⵉⵙ ⵢⵉⵡⴻⵏ ⵏ ⵍⴻⵄⵇⴻⴷ ⵏ ⵜⴰⵎⵎⵉⴷⵡⴰ (ⵚⴰⴷⴰⵇⴰ) ⴷⴻⴳ 2003, ⵢⴻⵔⵏⴰ ⵎⵙⴻⴼⵀⴰⵎⴻⵏⵜ, ⵙⴻⴳ ⵢⵉⵎⵉⵔ-ⵏⵏⵉ ⴷ ⴰⵙⴰⵡⴻⵏ, ⴰⴽⴽⴻⵏ ⴰⴷ ⴳⴻⵏⵜ ⵉⵙⴻⵏⴼⴰⵔⴻⵏ ⴷ ⵉⵎⴻⵇⵔⴰⵏⴻⵏ ⵏ ⵓⵎⵄⴰⵡⴻⵏ, ⴳⴰⵔ-ⴰⵙⴻⵏ ⴰⵄⴰⵡⴻⴷ ⵏ ⵓⵚⴻⴳⴳⴻⵎ ⵏ ⵡⵓⵔⵜⵉ ⵏ ⵜⴻⵔⵎⵉⵜⵉⵏ ⵏ ⵍⵃⴰⵎⵎⴰ ⴷ ⵓⵙⵙⴻⴱⴷⴻⴷ ⵏ ⵓⵖⴻⵔⴱⴰⵣ ⵏ ⵜⴻⵣⴷⴻⴳ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵢ ⵉⵔⴻⵥⵎⴻⵏ ⴷⴻⴳ 2007.

ⵎⴰⵙⵙ ⵣⵧⵓⴽⵀ ⴷ ⵎⴰⵙⵙⴰ ⵀⵉⴷⴰⵍⴳⵧ ⵏⵏⴰⵏ-ⴷ ⴷ ⴰⴽⴽⴻⵏ ⵜⵉⵔⵣⵉ-ⴰ ⵏ ⵙⵉⵏ ⵏ ⵡⵓⵙⵙⴰⵏ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵙⵙⴻⴼⵄⴻⵍ ⵏ ⵢⵉⵙⴻⵏⴼⴰⵔⴻⵏ ⵉⵎⴰⵢⵏⵓⵜⴻⵏ ⵏ ⵓⵎⵄⴰⵡⴻⵏ.

ⵜⴻⵃⴷⴻⵕ ⴷⴰⵖ ⵜⵙⴻⵍⵡⴰⵢⵜ ⵏ ⵜⵖⵉⵡⴰⵏⵜ ⵉ ⵓⵇⴻⴷⴷⴻⵎ ⴰⵡⴻⵣⵍⴰⵏ ⵏ ⵓⵖⴰⵡⴰⵙ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵏ 2030 ⴰⴷ ⵢⴻⴼⴽⴻⵏ ⴰⵣⴰⵍ ⵉ ⵓⵙⵙⵉⴼⵙⴻⵙ ⵏ ⵜⵉⴷⴷⵉⵜ ⴷⴻⴳ ⵜⴻⵎⴷⵉⵏⵜ, ⴰⵃⵓⴷⴷⵓ ⵏ ⵜⵡⴻⵏⵏⴰⴹⵜ, ⴰⵙⵏⵓⵍⴼⵓ ⵏ ⵢⵉⵎⵓⴽⴰⵏ ⵏ ⵣⵣⵀⵓ ⴷ ⵓⵙⵙⴻⴼⵜⵉ ⴰⴷⴰⵎⵙⴰⵏ, ⵍⴰⴷⵖⴰ ⴷⴻⴳ ⵓⵃⵔⵉⵛ ⵏ ⵢⵉⵎⴻⵥⵍⴰ (ⵅⴰⴷⴰⵎⴰⵜ).