Asebter amenzawi

Asseqdec n yiseǧhaden yesɛa lateṛ n diri s waṭas ɣef tdawsa n tmeṭṭut

LEZZAYER TAMANEɣT – Asseqdec n yiseǧhaden d ayen ay izemren ad yesɛu lateṛ n diri s waṭas ɣef tdawsa (ṣiḥḥa) n tmeṭṭut, ɣef wakken ay d-iɛeyyen upṛufisur afṛensis Xavier Bigard ass n lḥedd deg Lezzayer Tamaneɣt, deg wass wis sin yerna d aneggaru n Tmeɣri tis 5 ɣef Tesnajya n Waddal.

Apṛufisur Bigard, yellan d amaslaḍ (ɛuḍw) n Tnegga Tafṛensist n Yimenɣi mgal Usseqdec n Yiseǧhaden n Paris, iwekked-d d akken lateṛ-a n diri n yiseǧhaden yettban-d ɣef tsednan ugar n wanect ay d-yettban ɣef yirgazen.

ɣef leḥsab n taddadanin (iḥṣa’iyyat) n Tnegga Tamaḍlant n Yimenɣi mgal Usseqdec n Yiseǧhaden n 2014, 330 n tsednan ay d-yettwakecfen sqedcent iseǧhaden, deg wakud aydeg 1300 n yirgazen ay d-yettwakecfen gan aya.