ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵓⵎⴰⴹⴰⵍ ⵏ ⵓⴼⵍⵓⵔⵉ: ⵜⴰⵖⵍⴰⵎⵜ ⵏ ⵍⴻⵣⵣⴰⵢⴻⵔ ⴷ ⵜⵉⵙ 14

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵓⵙⴰ-ⴷ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵍⴻⵣⵣⴰⵢⴻⵔ ⵏ ⵢⵉⵎⴻⵏⵖⵉ ⵙ ⵓⴳⴻⵙⵜⵓⵔ (ⵜⵉⵙⴻⴷⵏⴰⵏ) ⴷ ⵜⵉⵙ 14 ⵢⴻⵔⵏⴰ ⴷ ⵜⴰⵏⴻⴳⴳⴰⵔⵓⵜ, ⴷⴻⴼⴼⵉⵔ ⵎⴰ ⵜⴻⵜⵜⴻⴽⴽⴰ ⴷⴻⴳ ⵓⵙⵓⵔⵉⴼ ⵡⵉⵙ 29 ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⵓⴼⵍⵓⵔⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⴳⴰⵔ 5 ⴷ 7 ⴼⵓⵕⴰⵕ, ⴷⴻⴼⴼⵉⵔ ⵍⴻⵅⵚⴰⵔⴰ-ⵏⵏⴻⵙ ⵙⴷⴰⵜ ⵠⴻⵏⴻⵣⵓⴻⵍⴰ ⵙ 34 ⵖⴻⵔ 45, ⴰⵙⵙ ⵏ ⵍⵃⴻⴷⴷ, ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵜⵜⴻⴼ.

ⵜⵉⵏⴰⴷⴷⴰⵍⵉⵏ ⵜⵉⴷⵣⴰⵢⵔⵉⵢⵉⵏ ⵅⴻⵚⵔⴻⵏⵜ ⵢⴰⴳⵉ ⴷⴻⴳ ⵜⴻⵎⵍⵉⵍⵉⵜ-ⵏⵙⴻⵏⵜ ⵜⴰⵎⴻⵣⵡⴰⵔⵓⵜ ⵏ ⵓⵙⴻⵜⵜⴻⴼ ⵎⵉ ⵓⵔⴰⵔⴻⵏⵜ ⵎⴳⴰⵍ ⵊⴰⵒⵓⵏ (45-16).

ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵜⴻⵜⵜⵡⴰⴼⴻⵙ (ⵓⵇⵚⵉⵢⴰⵜ) ⴷⴻⴳ ⵜⵉⵙ 8 ⵏ ⵜⵏⴻⴳⴳⴰⵔⵓⵜ, ⴷⴻⴳ ⵜⴻⵎⵍⵉⵍⵉⵜ ⴰⵢ ⵜⴻⵅⵚⴻⵔ ⵙⴷⴰⵜ ⴽⵓⵔⵢⴰ ⵏ ⵓⵏⵥⵓⵍ ⵙ 24 ⵖⴻⵔ 44.

« ⵅⴻⵢⵢⴱⴻⵏⵜ-ⵉⵢⵉ ⴰⵟⴰⵙ ⵍⴻⵅⵚⴰⵔⴰⵜ-ⴰ, ⵓⵍⴰ ⵎⴰ ⴰⵙⵡⵉⵔ ⵏ ⵜⴻⵖⵍⴰⵎⵉⵏ-ⵏⵏⵉ ⵏⵉⴹⴻⵏ ⵢⵓⴳⴰⵔ ⵎⵍⵉⵃ ⵡⵉⵏ ⵏ ⵜⴻⵖⵍⴰⵎⵜ-ⵏⵏⴻⵖ. ⴷ ⴰⵛⵓ ⴽⴰⵏ, ⵍⴻⵅⵚⴰⵔⴰ ⴰⵢ ⵉⵢⵉ-ⵉⵇⴻⵔⵃⴻⵏ ⴰⵟⴰⵙ ⴷ ⵜⵉⵏ ⴰⵢ ⴷ-ⵢⴻⵍⵍⴰⵏ ⵙⴷⴰⵜ ⵠⴻⵏⴻⵣⵓⴻⵍⴰ, ⵍⴰⴷⵖⴰ ⵉⵎⵉ ⵜⵉⵎⵍⵉⵍⵉⵜ ⵜⴻⴱⴷⴰ ⵙ ⵔⵔⴱⴻⵃ-ⵏⵏⴻⵖ ⵙ 25 ⵖⴻⵔ 12, ⵎⴰⵛⴰ ⵏⵓⵖⴰⵍ ⵏⴻⵅⵚⴻⵔ ⵖⴻⴼ ⵍⴵⴰⵍ ⵏ ⵄⴻⵢⵢⵓ ⵏ ⵜⵎⴰⵔⵉⵔⵉⵏ-ⵏⵏⴻⵖ, ⵍⴰⴷⵖⴰ ⴽⵀⴰⴷⵉⴷⵊⴰ ⵣⴻⵔⴰⴱⵉⴱ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⴰⵖⴻⵍⵏⴰⵡ, ⴰⵕⵓⵎⴰⵏⵉ ⵎⵓⴳⵓⵔ ⵛⵧⴷⵔⴻⴰⵏⵓ.

ⵖⴻⴼ ⵍⴻⵃⵙⴰⴱ ⵏ ⵓⵙⵍⴻⵖⵎⴰⵢ ⴰⵕⵓⵎⴰⵏⵉ, ⴷ ⵄⴻⵢⵢⵓ ⴰⵢ ⵢⴻⵙⵡⴰⵖⴻⵏ ⵉⴳⵎⴰⴹ ⵏ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ, ⴰⵎ ⵡⴰⴽⴽⴻⵏ ⴷⴰⵖ ⵍⴻⵣⵣⴰⵢⴻⵔ ⵜⴻⵜⵜⴻⴽⴽⴰ ⵙ ⵓⵎⴹⴰⵏ ⴷ ⴰⵎⴻⵥⵢⴰⵏ ⵏ ⵜⵏⴰⴷⴷⴰⵍⵉⵏ, ⵍⴰⴷⵖⴰ ⵎⵉ ⵜⴻⵏⵇⴻⵙ ⵍⵧⵓⵉⵙⴰ ⴽⵀⴻⵍⴼⴰⵧⵓⵉ, ⴰⵢ ⵜⴻⵏⵜ-ⵢⵓⵖⴻⵏ ⴷⴻⴳ ⵡⵓⵔⴰⵔ, ⴷⵖⴰ ⴷ ⴰⵢⴰ ⴰⵢ ⵢⴻⵙⵏⴻⵇⵙⴻⵏ ⵙ ⵡⴰⵟⴰⵙ ⵜⵉⵣⴻⵎⵎⴰⵔ ⵏ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ.

ⵢⵓⵖ ⵍⵃⴰⵍ, ⵍⵧⵓⵉⵙⴰ ⴽⵀⴻⵍⴼⴰⵧⵓⵉ ⵜⵓⵖ-ⵉⵜⴻⵏⵜ ⴷⴻⴳ ⵓⴼⵓⴷ ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵜⵜⴻⴼ ⵎⴳⴰⵍ ⵊⴰⵒⵓⵏ, ⵢⴻⵔⵏⴰ ⵜⴳⴰ ⵢⴰⴳⵉ ⵜⴰⵎⵀⴻⵍⵜ (ⵄⴰⵎⴰⵍⵉⵢⵢⴰ) ⵖⴻⴼ ⵓⴼⵓⴷ-ⵏⵏⴻⵙ ⵓⵇⴱⴻⵍ ⴰⵢⴰ.

« ⴰⵏⵉⵙⵙⴰ ⴽⵀⴻⵍⴼⴰⵧⵓⵉ, ⵡⴻⵍⵜⵎⴰ-ⵙ ⵏ ⵍⵧⵓⵉⵙⴰ, ⴷ ⵏⴻⵜⵜⴰⵜ ⴰⵢ ⴷ ⵜⴰⵎⴰⵔⵉⵔⵜ ⵜⴰⴷⵣⴰⵢⵔⵉⵜ ⵜⴰⵡⵃⵉⴷⵜ ⴰⵢ ⵢⴻⵙⵄⴰⵏ ⴰⵙⵡⵉⵔ ⵓⵏⵏⵉⴳ. ⵜⵉⵢⴰⴹ ⵙⵄⴰⵏⵜ ⴰⵙⵡⵉⵔ ⴰⴷⵉⴳⴰⵏ (ⵎⴰⵃⴰⵍⵍⵉ) ⵢⴻⵔⵏⴰ ⵓⵔ ⵜⴻⵏⵜ-ⵢⴻⵜⵜⴰⴵⴵⴰ ⴰⵔⴰ ⴰⴷ ⵎⵇⴰⴱⴰⵍⴻⵏⵜ ⴷ ⵜⵎⴰⵔⵉⵔⵉⵏ ⵜⵓⵥⵡⵉⵔⵉⵏ, ⴷⵖⴰ ⵖⴻⴼ ⵡⴰⵢⴰ ⴰⵢ ⴷ-ⵢⴻⵍⵍⴰ ⵓⵎⴳⴻⵔⵔⴰⴷ ⴷ ⴰⵎⴻⵇⵔⴰⵏ ⴷⴻⴳ ⵓⵙⵡⵉⵔ ⴷⴰⵅⴻⵍ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵙ ⵜⵉⵎⵎⴰⴷ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⵢⴻⵙⵜⴻⵄⵕⴻⴼ ⵓⵙⵍⴻⵖⵎⴰⵢ ⴰⵖⴻⵍⵏⴰⵡ ⵙ ⵓⵙⵃⵉⵙⵙⴻⴼ.