ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵖⵓⵖⴰ ⵜⴰⴼⵔⵉⵇⵉⵜ ⵏ ⵓⵜⵉⵏⵉⵙ ⵏ ⴷⴷⴰⵡ 18: ⵙⵉⵏ ⵢⵉⵙⵡⴰⵏ ⵏ ⵉⵏⴻⵙ ⵉⴱⴱⵧⵓ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵎⴰⵔⵉⵔⵜ ⵏ ⵓⵜⵉⵏⵉⵙ ⵜⴰⴷⵣⴰⵢⵔⵉⵜ, ⵉⵏⴻⵙ ⵉⴱⴱⵧⵓ, ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ 2016 ⵏ ⴷⴷⴰⵡ 18 ⵏ ⵢⵉⵙⴻⴳⴳⴰⵙⴻⵏ ⴰⴷ ⴷ-ⵢⵉⵍⵉⵏ ⴳⴰⵔ 8 ⴷ 13 ⴼⵓⵕⴰⵕ ⴷⴻⴳ ⵜⵓⵏⴻⵙ ⵜⴰⵎⴰⵏⴻⵖⵜ, ⵢⴻⵔⵏⴰ ⵉⵙⵡⵉ-ⵏⵏⴻⵙ ⴰⵎⴻⵣⵡⴰⵔⵓ ⵙⴻⴳ ⵡⴰⵢⴰ ⵏⴻⵜⵜⴰ ⴷ ⴰⵊⵎⴰⵄ ⵏ ⵓⵣⵡⴻⵍ-ⵏⵏⴻⵙ ⵏ ⵜⴻⵍⵖⵓⵖⵜ ⵏ ⵜⴻⴼⵔⵉⵇⵜ, ⵎⴰ ⴷ ⵉⵙⵡⵉ-ⵏⵏⴻⵙ ⵡⵉⵙ ⵙⵉⵏ ⵏⴻⵜⵜⴰ ⴷ ⴰⵍⵍⵓⵢ-ⵏⵏⴻⵙ ⴷⴻⴳ ⵓⵙⴻⵜⵜⴻⴼ ⴰⴽⴽⴻⵏ ⴰⴷ ⵜⴰⵡⴻⴹ ⵖⴻⵔ 10 ⵏ ⵜⵎⴰⵔⵉⵔⵉⵏ ⵜⵉⵎⴻⵣⵡⵓⵔⴰ ⴷⴻⴳ ⵓⵎⴰⴹⴰⵍ.
ⵍⴻⵎⵎⴻⵔ ⴰⴷ ⵜⵄⴰⵡⴻⴷ ⴰⴷ ⵜⵓⵖⴰⵍ ⴷ ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ ⵉ ⵓⵙⴻⴳⴳⴰⵙ-ⴰ, ⴰⴷ ⴷ-ⵜⴻⵔⴱⴻⵃ ⵉⴱⴱⵧⵓ ⴰⵟⴰⵙ ⵏ ⵜⴻⵏⵇⵉⴹⵉⵏ ⵢⴻⵔⵏⴰ ⴷ ⴰⵢⴰ ⴰⵙ-ⴷ-ⵢⴻⵙⵔⴻⴱⵃⴻⵏ ⵓⴳⴰⵔ ⵏ ⵢⵉⵎⵓⴽⴰⵏ ⴷⴻⴳ ⵓⵙⴻⵜⵜⴻⴼ ⴰⵎⴰⴹⴰⵍⴰⵏ ⴰⵢⴷⴻⴳ ⵜⴻⵍⵍⴰ, ⵉⵎⵉⵔ-ⴰ, ⴷⴻⴳ ⵓⵎⴽⴰⵏ ⵡⵉⵙ 25.
« ⴷ ⵡⴰ ⴰⵢ ⴷ ⵉⵙⵡⵉ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵡⴻⴽⴽⴻⴷ ⴽⴰⵎⴻⵍ ⵉⴱⴱⵧⵓ, ⴱⴰⴱⴰ-ⵙ ⵏ ⵜⵏⴰⴷⴷⴰⵍⵜ-ⴰ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵉⵏⴻⵙ ⵜⴻⵙⵄⴰ ⵍⵃⵉⵔ ⴷ ⴰⵎⴻⵇⵔⴰⵏ ⴰⴽⴽⴻⵏ ⴰⴷ ⵜⵓⵔⴰⵔ ⵢⴻⵔⵏⴰ ⵜⴻⵙⵙⴻⵡⵊⴻⴷ ⵉⵎⴰⵏ-ⵏⵏⴻⵙ ⵎⵍⵉⵃ ⴰⴽⴽⴻⵏ ⴰⴷ ⵜⵇⴰⴱⴻⵍ ⴰⵛⵇⵉⵔⵔⴻⵡ-ⴰ.
ⴷⴻⴳ ⵜⴻⵣⵡⴰⵔⴰ ⵏ 2015, ⵉⴱⴱⵧⵓ (17 ⵏ ⵢⵉⵙⴻⴳⴳⴰⵙⴻⵏ) ⵜⴻⵍⵍⴰ ⴷⴻⴳ ⵓⵎⴽⴰⵏ ⵡⵉⵙ 152 ⴷⴻⴳ ⵓⵙⴻⵜⵜⴻⴼ ⴰⵎⴰⴹⴰⵍⴰⵏ, ⵎⴰⵛⴰ ⵎⵉ ⵜⵓⵖⴰⵍ ⴷ ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ ⴷⴻⴳ ⵢⴻⴱⵔⵉⵔ ⵢⴻⵣⵔⵉⵏ ⴷⴻⴳ ⵍⵇⴰⵀⵉⵔⴰ (ⵎⴰⵚⴻⵔ), ⵜⵓⵍⵉ-ⴷ ⴷⵉⵏⴷⵉⵏ ⵖⴻⵔ ⴳⴰⵔ 50 ⵏ ⵜⵎⴰⵔⵉⵔⵉⵏ ⵜⵉⵎⵅⴻⵢⵢⵔⵉⵏ ⴷⴻⴳ ⵓⵎⴰⴹⴰⵍ.
ⴰⵙⴻⴳⴳⴰⵙ-ⴰ, ⵢⴻⵍⵍⵉ-ⵙ ⵏ ⵜⴽⴰⴷⵉⵎⵉⵜ ⵜⴰⵏⴰⴷⴷⴰⵍⵜ ⵏ ⵠⴰⵍⴻⵏⵛⵉⴰ (ⵙⵒⴻⵏⵢⵓⵍ) ⵜⴻⵙⵙⴰⵔⴰⵎ ⴰⴷ ⴷ-ⵜⴰⵡⵉ ⴰⵎⴻⵛⵡⴰⵕ ⵉⴳⴻⵔⵔⵣⴻⵏ ⵢⴻⵔⵏⴰ ⴰⴷ ⵜⵃⵓⴷⴷ ⴰⵣⵡⴻⵍ-ⵏⵏⴻⵙ.
ⵎⴻⵏⵖⵉⵔ ⵉⵏⴻⵙ ⵉⴱⴱⵧⵓ, 4 ⵏ ⵢⵉⵎⴰⵔⵉⵔⴻⵏ ⵉⴳⵔⴰⵖⵍⴰⵏⴻⵏ ⵏⵉⴹⴻⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ-ⴰ ⵏ ⵜⴻⴼⵔⵉⵇⵜ ⵏ ⴷⴷⴰⵡ 18 ⵏ ⵢⵉⵙⴻⴳⴳⴰⵙⴻⵏ. ⵡⵉ ⴷ ⵢⵧⵓⵛⴻⴼ ⵔⵉⵀⴰⵏⴻ ⴷ ⵜⵧⵓⴼⵉⴽ ⵙⴰⵀⵜⴰⵍⵉ (ⵖⴻⵔ ⵢⵉⵇⵛⵉⵛⴻⵏ), ⴷ ⵍⵢⵏⴷⴰ ⴱⴻⵏⴽⴰⴷⴷⵧⵓⵔ ⴷ ⵀⴰⵏⵉⵏⴻ ⴱⵧⵓⴷⵊⴰⴷⵉ (ⵖⴻⵔ ⵜⴻⵇⵛⵉⵛⵉⵏ).
