ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵡⵍⵉⵡⴻⵍ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵉ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵎⵧⵀⴰⵎⴻⴷ ⴰⵍ-ⵇⵉⵇ
ⵔⴰⵎⴰⵍⵍⴰⵀ (ⴰⴳⴻⵎⵎⴰⴹ ⵓⵜⵔⵉⵎ) – ⵡⵍⴰⵡⵍⴻⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵙⵙ ⵏ ⵍⵃⴻⴷⴷ ⵉ ⵍⵎⴻⵏⴷ ⵏ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵎⵧⵀⴰⵎⵎⴰⴷ ⴰⵍ-ⵇⵉⵇ, ⵢⴻⵍⵍⴰⵏ ⴷ ⴰⵏⴻⵖⵎⴰⵙ ⴰⴼⴰⵍⴻⵙⵟⵉⵏⵉ ⴰⵢ ⵉⴳⴰⵏ ⴰⵙⵓⵏⴷⴻⴷ ⵏ ⵍⴰⵥ 75 ⵏ ⵡⵓⵙⵙⴰⵏ ⴰⵢⴰ ⴰⴽⴽⴻⵏ ⴰⴷ ⴷ-ⵉⵡⴻⵜ ⴷⴻⴳ ⵓⵃⴱⴰⵙ ⴰⵢ ⵜ-ⵃⴻⴱⵙⴻⵏ ⵢⵉⵙⵕⴰⵢⵉⵍⵉⵢⴻⵏ ⵡⴰⵔ ⵎⴰ ⵉⵄⴻⴷⴷⴰ ⴷⴻⴳ ⵛⵛⵕⴻⵄ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.
ⵉ ⵍⵎⴻⵏⴷ ⵏ ⵡⴰⵢⴰ, ⴳⴰⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵉⵎⵙⴻⴳⵔⴰⵡⴻⵏ (ⵜⴰⴵⴰⵎⵎⵓⵄⴰⵜ) ⵉ ⵓⴱⴷⴰⴷ ⵖⴻⵔ ⵢⵉⴷⵉⵙ-ⵏⵏⴻⵙ ⴷⴻⴳ Ɣⴻⵣⵣⴰ, ⵍⵅⴰⵍⵉⵍ ⴷ ⴱⴻⵉⵜ ⵍⴻⵀⴻⵎ, ⴷⴻⴳ ⵓⵏⵥⵓⵍ ⵏ ⵓⴳⴻⵎⵎⴰⴹ ⵓⵜⵔⵉⵎ, ⴷ ⵊⴻⵏⵉⵏ ⴷ ⵏⴰⴱⵍⵓⵙ ⴷⴻⴳ ⵓⴳⴰⴼⴰ, ⴷ ⵔⴰⵎⴰⵍⵍⴰⵀ ⴰⵏⴷⴰ ⴰⵢ ⵢⴻⵍⵍⴰ ⵢⴻⵣⴷⴻⵖ ⵓⵏⴻⵖⵎⴰⵙ-ⴰ ⵓⵇⴱⴻⵍ ⵎⴰ ⴹⴹⴼⴻⵏ-ⵜ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ.
ⵎⵧⵀⴰⵎⵎⴰⴷ ⴰⵍ-ⵇⵉⵇ ⴷ ⴰⵏⴻⵖⵎⴰⵙ ⵏ ⵜⴻⵔⴳⴰ ⵜⴰⵄⵕⴰⴱⵜ ⵏ ⴰⵍ-ⵎⴰⵊⴷ, ⵢⴻⵜⵜⵡⴰⴹⴹⴻⴼ ⴰⵙⵙ ⵏ 21 ⵏⵡⴻⵎⴱⴻⵕ ⴷⴻⴳ ⵓⵅⵅⴰⵎ-ⵏⵏⴻⵙ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ. ⵢⴻⵃⴱⴻⵙ ⵓⵞⵞⵉ ⴰⵙⵙ ⵏ 25 ⵏⵡⴻⵎⴱⴻⵕ ⴰⴽⴽⴻⵏ ⴰⴷ ⴷ-ⵢⴻⵙⵙⵓⵎⴻⵍ (ⵢⵓⵏⴰⴷⴷⵉⴷ) ⴰⵢⴻⵏ ⴰⵢ ⴰⵙ-ⴳⴰⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⴷ ⵓⵃⴱⴰⵙ-ⵏⵏⴻⵙ ⵡⴰⵔ ⵎⴰ ⵉⵄⴻⴷⴷⴰ ⴷⴻⴳ ⵛⵛⵕⴻⵄ ⴷⴻⴳ ⵓⵏⴻⴳⵔⴰⵡ (ⵏⵉⴹⴰⵎ) ⵏ ⵡⴰⴱⴱⴰⵥ ⴰⴷⴻⴱⵍⴰⵏ ⴰⵢⴷⴻⴳ ⴰⵎⴷⴰⵏ ⵢⴻⵣⵎⴻⵔ ⴰⴷ ⵢⴻⵜⵜⵡⴰⵃⴱⴻⵙ ⵜⴰⵍⵍⵉⵜ ⵏ 6 ⵏ ⵡⴰⵢⵢⵓⵔⴻⵏ ⵡⴰⵔ ⵛⵛⵕⴻⵄ, ⵢⴻⵔⵏⴰ ⵜⴰⵍⵍⵉⵜ-ⴰ ⵜⴻⵣⵎⴻⵔ ⴰⴷ ⵜⴻⵜⵜⵡⴰⵄⴰⵡⴰⴷ ⵡⴰⵔ ⵜⵉⵍⵉⵙⴰ.
ⵏⵏⴰⵏ-ⴷ ⵢⵉⴷⵓⴱⴰ ⵉⵙⵕⴰⵢⵉⵍⵉⵢⴻⵏ, ⴰⵙⵙ ⵏ ⵍⴻⵅⵎⵉⵙ, ⴷ ⴰⴽⴽⴻⵏ ⴼⵓⴽⴻⵏ ⴰⵃⴱⴰⵙ-ⵏⵏⴻⵙ ⴰⴷⴻⴱⵍⴰⵏ. ⴷ ⴰⵛⵓ ⴽⴰⵏ, ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ, ⴰⵏⴻⵖⵎⴰⵙ-ⴰ ⵏ 33 ⵏ ⵢⵉⵙⴻⴳⴳⴰⵙⴻⵏ ⵢⴻⵍⵍⴰ ⴳⴰⵔ ⵜⵎⴻⴷⴷⵓⵔⵜ ⴷ ⵜⵎⴻⵜⵜⴰⵏⵜ ⴷⴻⴳ ⵓⵙⴱⵉⵟⴰⵔ ⴰⵢⴷⴻⴳ ⵢⴻⵍⵍⴰ ⵎⴰⵣⴰⵍ-ⵉⵜ ⵢⵓⵔⴻⵣ ⵙ ⵜⵛⴻⴽⴽⴰⵍⵉⵏ.
ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵜⴰⴷⵓⴽⵍⵉ ⵜⵓⵕⵓⴼⵉⵜ ⴷ ⵓⵎⵉⴷⴰⴳ ⴰⵣⴻⵡⵡⴰⵖ ⵏⵏⴰⵏⵜ-ⴷ, ⴰⵛⵃⴰⵍ ⴷ ⵜⵉⴽⴽⴻⵍⵜ, ⴷ ⴰⴽⴽⴻⵏ ⵜⴻⵛⵖⴻⴱ-ⵉⵜⴻⵏⵜ ⵜⴻⴳⵏⵉⵜ ⵏ ⵜⴷⴰⵡⵙⴰ (ⵚⵉⵃⵃⴰ) ⵏ ⵓⵏⴻⵖⵎⴰⵙ-ⴰ, ⵍⴰⴷⵖⴰ ⵉⵎⵉ ⴰⵢ ⴷ-ⵏⵏⴰⵏ ⵢⵉⵎⵙⵓⵊⵊⵉⵢⴻⵏ ⴷ ⴰⴽⴽⴻⵏ ⵢⴻⵣⵎⴻⵔ ⵍⵃⴰⵍ ⴰⴷ ⵢⵉⵍⵉ ⵓⵙⵓⵏⴷⴻⴷ-ⴰ ⵏ ⵍⴰⵥ ⵉⴳⴰ-ⴰⵙ ⴰⵅⴻⵚⵚⴰⵔ ⴷ ⴰⵎⴻⵇⵔⴰⵏ ⵉ ⵜⴼⴻⴽⴽⴰ-ⵏⵏⴻⵙ, ⴷ ⴰⵅⴻⵚⵚⴰⵔ ⴰⵢⵙⴻⴳ ⵓⵔ ⵢⴻⵣⵎⵉⵔ ⴰⵔⴰ ⴰⴷ ⵢⴻⵊⵊⵉ.
ⵖⴻⴼ ⵍⴻⵃⵙⴰⴱ ⵏ ⵓⵙⵔⵉⵔ (ⵏⴰⴷⵉ) ⵏ ⵢⵉⵎⴻⵃⴱⴰⵙ ⵉⴼⴰⵍⴻⵙⵟⵉⵏⵉⵢⴻⵏ, ⵎⴻⵏⵖⵉⵔ ⵎⴰⵙⵙ ⴰⵍ-ⵇⵉⵇ, ⵍⵍⴰⵏ 12 ⵏ ⵢⵉⵏⴻⵖⵎⴰⵙⴻⵏ ⵏⵉⴹⴻⵏ ⴰⵢ ⵜⴻⵃⴱⴻⵙ ⵉⵙⵕⴰⵢⵉⵍ, ⵢⴻⵔⵏⴰ ⵢⵉⵡⴻⵏ ⵙⴻⴳ-ⵙⴻⵏ ⵢⴻⵜⵜⵡⴰⵃⴱⴻⵙ ⵓⴳⴰⵔ ⵏ 20 ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⵃⴻⴱⵙⴻⵏ ⴷⴰⵖ 5 ⵏ ⵢⵉⵏⴻⵍⵎⴰⴷⴻⵏ ⵏ ⵜⵖⴻⵎⵙⴰ.
