ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵃⴽⴻⵎ-ⴷ ⵛⵛⵕⴻⵄ ⴰⵎⴻⵕⵕⵓⴽⵉ ⵙ ⵍⵃⴻⴱⵙ ⵖⴻⴼ 4 ⵏ ⵢⵉⵍⴻⵎⵥⵉⵢⴻⵏ ⵉⵚⴻⵃⵔⴰⵡⵉⵢⴻⵏ

ⵍⴻⵄⵢⵓⵏ ⵢⴻⵜⵜⵡⴰⵟⵟⴼⴻⵏ – 4 ⵏ ⵢⵉⵍⴻⵎⵥⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⴰⵢⵖⴻⴼ ⴷ-ⵢⴻⵃⴽⴻⵎ ⵛⵛⵕⴻⵄ ⴰⵎⴻⵕⵕⵓⴽⵉ ⵙ ⵍⵃⴻⴱⵙ ⵖⴻⴼ ⵍⴵⴰⵍ ⵏ ⵓⵜⵜⴻⴽⴽⵉ-ⵏⵙⴻⵏ ⴷⴻⴳ ⵜⵎⴻⵙⴱⴰⵏⵉⵜ ⵜⴰⵎⴻⵍⵡⵉⵜ (ⵙⵉⵍⵎⵉⵢⵢⴰ) ⴰⵢⴷⴻⴳ ⵙⵙⵓⵜⵔⴻⵏ ⴰⵣⵔⴻⴼ ⵏ ⵓⵅⴻⴷⴷⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⵃⴻⴷⴷ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ (ⵙⵒⵙ) ⵙ ⵓⴱⴷⴰⵔ ⵏ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵛⵛⵕⴻⵄ.

« ⵢⴻⵃⴽⴻⵎ-ⴷ ⵓⵅⵅⴰⵎ ⵏ ⵛⵛⵕⴻⵄ ⴰⵎⴻⵕⵕⵓⴽⵉ ⵏ ⵜⴻⵎⴷⵉⵏⵜ ⵢⴻⵜⵜⵡⴰⵟⵟⴼⴻⵏ ⵏ ⵍⴻⵄⵢⵓⵏ, ⴰⵙⵙ ⵏ ⵍⵊⴻⵎⵄⴰ, ⵙ 6 ⵏ ⵡⴰⵢⵢⵓⵔⴻⵏ ⵏ ⵍⵃⴻⴱⵙ ⵙ ⵍⴼⴻⵄⵍ ⴷ ⵍⴻⵅⴹⴻⵢⵢⴰ ⵏ 1000 ⵏ ⵢⵉⴷⵔⴻⵀⵎⴻⵏ ⵖⴻⴼ 4 ⵏ ⵢⵉⵔⴻⴱⴱⴰⵡⴻⵏ (ⴱⴰⵟⵟⴰⵍⵉⵏ) ⵉⵍⴻⵎⵥⵉⵢⴻⵏ ⵉⵚⴻⵃⵔⴰⵡⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ (ⵎⴰⵚⴷⴰⵔ).

ⵉⵍⴻⵎⵥⵉⵢⴻⵏ-ⴰ ⵉⵚⴻⵃⵔⴰⵡⵉⵢⴻⵏ ⵜⵜⵡⴰⴹⴹⴼⴻⵏ ⴰⵙⵙ ⵏ 20 ⵢⴻⵏⵏⴰⵢⴻⵔ 2016, ⴷⴻⴼⴼⵉⵔ ⵎⴰ ⵜⵜⴻⴽⴽⴰⵏ ⴷⴻⴳ ⵢⵉⵡⴻⵜ ⵏ ⵜⵎⴻⵙⴱⴰⵏⵉⵜ ⵜⴰⵎⴻⵍⵡⵉⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵢⴻⵜⵜⵡⴰⵟⵟⴼⴻⵏ ⵏ ⴱⵧⵓⵊⴷⵧⵓⵔ, ⴷ ⵜⵉⵏ ⴰⵢⴷⴻⴳ ⵜⵜⴻⴽⴽⴰⵏ ⵢⵉⴳⵓⵔⴷⵉⵙⴻⵏ ⵉⵔⴻⴱⴱⴰⵡⴻⵏ ⵉⵚⴻⵃⵔⴰⵡⵉⵢⴻⵏ ⴰⴽⴽⴻⵏ ⴰⴷ ⴷ-ⵙⵙⵓⵜⵔⴻⵏ ⴰⵣⵔⴻⴼ-ⵏⵙⴻⵏ ⵉ ⵓⵅⴻⴷⴷⵉⵎ ⴷ ⵜⵎⴻⴷⴷⵓⵔⵜ ⵢⴻⵍⵀⴰⵏ.

« ⵉⵖⴰⵍⵍⴻⵏ ⵉⵎⴻⵕⵕⵓⴽⵉⵢⴻⵏ ⵏ ⵓⵎⵃⴰⵇ ⴳⵔⴻⵏ-ⴷ ⵉⵎⴰⵏ-ⵏⵙⴻⵏ ⵙ ⵢⵉⵖⵉⵍ ⴰⴽⴽⴻⵏ ⴰⴷ ⴼⴻⵔⵇⴻⵏ ⵜⴰⵎⴻⵙⴱⴰⵏⵉⵜ-ⴰ ⴰⵢⴷⴻⴳ ⴷ-ⴽⵍⵍⴰⵏ ⴰⵟⴰⵙ ⵏ ⵢⵉⵎⴻⵊⵔⴰⵃ ⴳⴰⵔ ⵢⵉⵍⴻⵎⵥⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ-ⵙ, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⵟⵟⴼⴻⵏ ⵡⵉⵢⴰⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⴰⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⵎⵎⴻⵕⴽⴰ ⴷⴻⴳ 1966 ⴷⴻⴳ ⵡⵓⵎⵓⵖ ⵏ ⵢⵉⴽⴰⵍⴻⵏ ⵓⵔ ⵢⴻⵙⵄⵉⵏ ⵜⴰⴼⵓⵍⵎⴰⵏⵜ (ⵃⵓⴽⵎ ⴷⴰⵜⵉ), ⴷⵖⴰ ⵙ ⵡⴰⵢⴰ, ⵜⴻⵔⵣⴰ-ⵜ ⵜⵏⴻⵖⵜⵓⵙⵜ (ⵇⴰⵔⴰⵔ) 1514 ⵏ ⵓⴳⵔⴰⵡ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵓⴽⵛⵉ ⵏ ⵓⵣⴰⵔⵓⴳ ⵉ ⵜⵎⵓⵔⴰ ⴷ ⵢⵉⵖⴻⵔⴼⴰⵏ ⵢⴻⴷⴷⵔⴻⵏ ⴷⴷⴰⵡ ⵓⵙⵙⴻⵀⵔⴻⵙ. ⴰⵏⴻⵥⵔⵓⴼ ⵓⵜⵔⵉⵎ ⴷ ⵏⴻⵜⵜⴰ ⴰⵢ ⴷ ⵜⴰⵀⵔⴻⵙⵜ ⵜⴰⵏⴻⴳⴳⴰⵔⵓⵜ ⴰⴽⴽ ⴷⴻⴳ ⵜⴻⴼⵔⵉⵇⵜ, ⵢⴻⵔⵏⴰ ⵜⴻⵟⵟⴻⴼ-ⵉⵜ ⵎⴻⵕⵕⵓⴽ ⵙⴻⴳ 1975, ⵙ ⵍⴻⵎⵄⴰⵡⵏⴰ ⵏ ⴼⵕⴰⵏⵙⴰ.