ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴱⵏⵉⵇⵜ ⵏ ⵓⴹⴼⴰⵔ ⵏ ⵓⵙⵙⵉⴵⴻⵡ ⵜⴻⵙⵙⵓⴽⴽ-ⴷ ⵜⵉⵟ ⵖⴻⴼ ⵢⵉⴽⴰⵔⴰⵎⴻⵏ ⵏ 6 ⵏ ⵢⵉⵎⵙⵉⴵⵡⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⴱⵏⵉⵇⵜ (ⵅⴰⵍⵉⵢⵢⴰ) ⵏ ⵓⴹⴼⴰⵔ ⵏ ⵓⵙⵙⵉⴵⴻⵡ ⵏ ⵓⵖⵍⵉⴼ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) ⵜⴳⴰ, ⴰⵙⵙ ⵏ ⵍⴻⵜⵏⵉⵢⴻⵏ, ⵜⵉⵎⵍⵉⵍⵉⵜ-ⵏⵏⴻⵙ ⵜⵉⵙ ⵙⵏⴰⵜ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵜⵜⵡⴰⵙⵙⴻⴱⴷⴻⴷ ⴷⴻⴳ ⵢⴻⵏⵏⴰⵢⴻⵔ ⵢⴻⵣⵔⵉⵏ, ⵢⴻⵔⵏⴰ ⵜⴻⵍⵍⴰ-ⴷ ⵉ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵢⵉⴽⴰⵔⴰⵎⴻⵏ ⵏ 6 ⵏ ⵢⵉⵎⵙⵉⴵⵡⴻⵏ.

ⵜⴻⵍⵍⴰ-ⴷ ⵜⴻⵎⵍⵉⵍⵉⵜ-ⴰ ⴷⴷⴰⵡ ⵜⵙⴻⵍⵡⵉⵜ ⵏ ⵓⵎⴰⵔⵓ ⴰⵎⴰⵜⵓ ⵏ ⵓⵖⵍⵉⴼ ⵏ ⵜⵏⴻⵣⵣⵓⵜ, ⵢⴻⵔⵏⴰ ⵙⵙⵓⴽⴽⴻⵏ-ⴷ ⴷⴻⴳ-ⵙ ⵜⵉⵟ ⵖⴻⴼ ⵢⵉⵄⴻⵡⵡⵉⵇⴻⵏ ⴰⵢ ⴷ-ⵜⵜⵎⴰⴳⴰⵔⴻⵏ 6-ⴰ ⵏ ⵢⵉⵎⵙⵉⴵⵡⴻⵏ ⴷⴻⴳ ⵓⵙⵙⵉⴵⴻⵡ ⵏ ⵙⵙⴻⵍⵄⴰ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⵏⴻⵣⵣⵓⵜ.

ⵢⵓⵖ ⵍⵃⴰⵍ, ⵉⵎⵙⵉⴵⵡⴻⵏ-ⴰ ⵍⴰ ⴷ-ⵜⵜⵎⴰⴳⴰⵔⴻⵏ ⵓⴳⵓⵔⴻⵏ ⴷ ⴽⵔⴰ ⵏ ⵜⴱⴰⵏⴽⵉⵡⵉⵏ ⵜⵉⵎⵙⴻⵏⵣⵉⵢⵉⵏ (ⵜⵉⴵⴰⵔⵉⵢⵢⴰ), ⴷⴻⴳ ⵜⵍⵓⵊⵉⵙⵜⵉⵜ ⵏ ⵢⵉⵙⵓⴳⴰⵏ (ⵎⴰⵡⴰⵏⵉ’), ⴰⵙⵙⴻⵍⴽⴻⵏ ⵏ ⵢⵉⴼⴰⵔⵉⵙⴻⵏ ⵉⴷⵣⴰⵢⵔⵉⵢⴻⵏ ⵢⴻⵜⵜⵡⴰⵡⴻⵀⵀⴰⵏ ⵖⴻⵔ ⵓⵙⵙⵉⴵⴻⵡ ⴷ ⵓⵙⵙⵉⴵⴻⵡ ⵏ ⴽⵔⴰ ⵏ ⵢⵉⴼⴰⵔⵉⵙⴻⵏ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⵙ ⵜⵏⴻⴳⵡⴰ ⴰⵢ ⵢⴻⴷⵀⴻⵍ ⵓⵡⴰⵏⴰⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.

ⵜⴰⴱⵏⵉⵇⵜ ⵏ ⵓⴹⴼⴰⵔ ⵏ ⵜⴻⵎⵀⴰⵍ (ⵄⴰⵎⴰⵍⵉⵢⵢⴰⵜ) ⵏ ⵓⵙⵙⵉⴵⴻⵡ ⴷ ⵓⴱⴷⴰⴷ ⵉ ⵢⵉⴽⵎⴰⵔⴻⵏ ⴰⵢ ⴷ-ⵜⵜⵎⴰⴳⴰⵔⴻⵏ ⵢⵉⵎⵙⵉⴵⵡⴻⵏ ⵢⴻⵙⵙⴻⴱⴷⴻⴷ-ⵉⵜⵜ-ⵉⴷ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ, ⴱⴰⴽⵀⵜⵉ ⴱⴻⵍⴰⵉⴱ, ⴷⴻⴳ 20 ⵢⴻⵏⵏⴰⵢⴻⵔ ⵢⴻⵣⵔⵉⵏ.

ⵜⴰⴱⵏⵉⵇⵜ-ⴰ ⵜⵜⴻⴽⴽⴰⵏ ⴷⴻⴳ-ⵙ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵓⵖⵍⵉⴼ ⵏ ⵜⵏⴻⵣⵣⵓⵜ, ⵜⴰⵏⴻⴳⴳⴰ (ⵡⴰⴽⴰⵍⴰ) ⵜⴰⵖⴻⵍⵏⴰⵡⵜ ⵏ ⵓⵙⵎⴰⵍ ⵏ ⵜⵏⴻⵣⵣⵓⵜ ⵜⵓⴼⴼⵉⵖⵜ, ⵜⴰⵕⵎⵉⵙⵜ ⵜⴰⴷⵣⴰⵢⵔⵉⵜ ⵏ ⵜⵎⵓⴳⵔⵉⵏ ⴷ ⵢⵉⵙⵙⵉⴵⵡⴻⵏ ⴷ ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵢⵉⵎⵙⵉⴵⵡⴻⵏ ⵉⴷⵣⴰⵢⵔⵉⵢⴻⵏ.