Asebter amenzawi

Tabniqt n uḍfar n ussiǧew tessukk-d tiṭ ɣef yikaramen n 6 n yimsiǧwen

LEZZAYER TAMANEɣT – Tabniqt (xaliyya) n uḍfar n ussiǧew n uɣlif n tnezzut (tiǧara) tga, ass n letniyen, timlilit-nnes tis snat seg wasmi ay d-tettwassebded deg Yennayer yezrin, yerna tella-d i ussukku n tiṭ ɣef yikaramen n 6 n yimsiǧwen.

Tella-d temlilit-a ddaw tselwit n umaru amatu n uɣlif n tnezzut, yerna ssukken-d deg-s tiṭ ɣef yiɛewwiqen ay d-ttmagaren 6-a n yimsiǧwen deg ussiǧew n sselɛa-nsen, ɣef wakken ay d-yenna yiwen n ulɣu n uɣlif n tnezzut.

Yuɣ lḥal, imsiǧwen-a la d-ttmagaren uguren d kra n tbankiwin timsenziyin (tiǧariyya), deg tlujistit n yisugan (mawani’), asselken n yifarisen idzayriyen yettwawehhan ɣer ussiǧew d ussiǧew n kra n yifarisen ay d-yettwaxedmen s tnegwa ay yedhel uwanak, ɣef wakken ay d-yenna ulɣu-a.

Tabniqt n uḍfar n temhal (ɛamaliyyat) n ussiǧew d ubdad i yikmaren ay d-ttmagaren yimsiǧwen yessebded-itt-id uneɣlaf n tnezzut, Bakhti Belaib, deg 20 Yennayer yezrin.

Tabniqt-a ttekkan deg-s yigensasen (mumattilin) n uɣlif n tnezzut, Tanegga (wakala) Taɣelnawt n Usmal n Tnezzut Tuffiɣt, Taṛmist Tadzayrit n Tmugrin d Yissiǧwen d Tiddukla Taɣelnawt n Yimsiǧwen Idzayriyen.