ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴰⴷⵍ ⵜⴻⴱⴷⴰ ⵜⴻⵜⵜⴰⴽⴼ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ 2001 ⴷ 2002

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴷⴰ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵍⵀⵓ ⴷ ⵓⵙⵏⴻⴼⵍⵉ ⵏ ⵜⵏⴻⵣⴷⵓⵖⵜ ⵜⴻⵜⵜⴰⴽⴼ, ⴰⵙⵙ ⵏ ⵍⴻⵜⵏⵉⵢⴻⵏ, ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⵜⵏⴻⵣⴷⵓⵖⵜ ⵏ ⵓⵙⵙⴻⵏⵣⵉ ⵏ ⵍⴻⴽⵔⴰ ⵏ 2001 ⴷ 2002.

Ɣⴻⴼ ⵍⴻⵃⵙⴰⴱ ⵏ ⵓⴷⴻⴳ ⵏ ⵉⵏⵜⴻⵔⵏⴻⵜ ⵏ ⴰⴰⴷⵍ, ⴰⵣⴰⵍ ⵏ 300 ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⴰⴷ ⵢⴻⵜⵜⵡⴰⴼⵔⴰⵇⴻⵏ ⴷⴻⴳ ⵍⴻⵣⵣⴰⵢⴻⵔ, 200 ⴷⴻⴳ ⵍⴻⴱⵍⵉⴷⴰ, 100 ⴷⴻⴳ ⵜⴱⴰⵜⴻⵏⵜ, ⵙⴽⵉⴽⴷⴰ, ⵙⵉⴷⵉ ⴱⴻⵍⵄⴻⴱⴱⴰⵙ, ⵎⴻⵙⵜⵖⴰⵏⴻⵎ ⴷ ⵡⴻⵀⵕⴰⵏ, ⵢⴻⵔⵏⴰ ⴰⴷ ⵉⴽⴻⵎⵎⴻⵍ ⴰⴷ ⴷ-ⵉⵃⴰⵣ ⵡⴰⵢⴰ ⵜⵉⵡⵉⵍⴰⵢⵉⵏ ⵏⵉⴹⴻⵏ ⵏ ⵜⵎⵓⵔⵜ ⴷⴻⴳ ⵍⴻⴷⵡⴰⵕ ⴰⵢ ⴷ-ⵢⴻⵜⵜⴻⴷⴷⵓⵏ.

ⵡⵉⴷ ⵢⴻⵎⵎⴻⵕⴽⴰⵏ ⴰⴷ ⵣⴻⵎⵔⴻⵏ ⴰⴷ ⵥⵔⴻⵏ ⵎⴻⵍⵎⵉ ⴰⴷ ⴷ-ⴰⵡⵉⵏ ⵕⵕⴰⵢ-ⵏⵙⴻⵏ ⵏ ⵓⵃⴰⵣⵉ ⴷⴻⴳ ⵓⴷⴻⴳ ⵏ ⵉⵏⵜⴻⵔⵏⴻⵜ ⵏ ⵜⵏⴻⴳⴳⴰ ⵙ ⵜⵉⵔⴰⵡⵜ ⵏ ⵡⵓⴹⴹⵓⵏ-ⵏⵙⴻⵏ ⵏ ⵓⴽⵍⴰⵙ (ⵜⴰⵙⴵⵉⵍ) ⴷ ⵡⴰⵡⴰⵍ-ⵏⵙⴻⵏ ⵓⴼⴼⵉⵔ.

ⵙⴰⴽⴽⵉⵏ, ⵜⴰⵏⴻⴳⴳⴰ ⴰⴷ ⴷ-ⵜⵀⴻⵢⵢⵉ ⵜⵉⵖⵔⵉ ⴰⴷ ⵜⴰⵣⴻⵏ ⵖⴻⵔ ⵜⴰⵏⵙⴰ ⵏ ⵡⵉⴷ ⵢⴻⵎⵎⴻⵕⴽⴰⵏ ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⵎⵢⴻⵣⵡⴰⵔⴻⵏ ⴷⴻⴳ ⵡⴰⴽⵓⴷ ⵏ ⵓⵎⵎⴻⵕⴽⵉ.

ⵕⵕⴰⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵢⴻⵜⵜⵡⴰⴱⴷⴻⵔ-ⴷ ⴷⴻⴳ-ⵙ ⵓⵎⴽⴰⵏ ⴰⵢⴷⴻⴳ ⴰⴷ ⵜⵉⵍⵉ ⵜⵏⴻⵣⴷⵓⵖⵜ, ⵓⴹⴹⵓⵏ ⵏ ⵜⵎⵓⴷⵔⵓⵜ (ⵛⵓⵇⵇⴰ), ⵓⴹⴹⵓⵏ ⵏ ⵓⵣⴰⴷⴰⵖ (ⵄⵉⵎⴰⵔⴰ), ⴰⵏⵏⴰⴳ ⴷ ⵓⵎⴹⴰⵏ ⵏ ⵜⴻⵅⵅⴰⵎⵉⵏ, ⵢⴻⵔⵏⴰ ⵕⵕⴰⵢ-ⴰ ⴷ ⵏⴻⵜⵜⴰ ⴰⵢ ⴷ ⵍⴽⴰⵖⴻⴹ ⴰⵎⴻⵣⵡⴰⵔⵓ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴷ ⴰⴽⴽⴻⵏ ⴱⴰⴱ-ⵏⵏⴻⵙ ⵢⴻⵙⴼⴰⵢⴷⵉ-ⴷ ⵙⴻⴳ ⵜⵏⴻⵣⴷⵓⵖⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵍⴰ ⵜⴻⵙⵙⴻⴼⵔⴰⵢ ⵜⵏⴻⴳⴳⴰ ⴰⴷ ⵜⴻⴱⴷⵓ ⴰⴷ ⵜⴼⴻⵔⵔⴻⵇ ⵍⴰⵎⴻⵕ ⵏ ⵓⵅⴻⵍⵍⴻⵚ ⵏ ⵓⵎⵓⵔ ⵡⵉⵙ 3 ⵏ ⵜⵏⴻⵣⴷⵓⵖⵜ-ⵏⵙⴻⵏ (5% ⵙⴻⴳ ⵙⵙⵓⵎⴰ ⵜⵓⵎⵎⵉⴷⵜ ⵏ ⵜⵎⵓⴷⵔⵓⵜ). ⵙ ⵡⴰⵢⴰ, ⵡⵉⴷ ⴰⵢ ⵢⴻⵙⵙⵓⵜⵔⴻⵏ ⵜⴰⵎⵓⴷⵔⵓⵜ ⵏ 3 ⵏ ⵜⴻⵅⵅⴰⵎⵉⵏ ⴰⴷ ⵅⴻⵍⵍⵚⴻⵏ 105.000 ⵏ ⵢⵉⴷⵉⵏⴰⵕⴻⵏ, ⵎⴰ ⴷ ⵡⵉⴷ ⵢⴻⵙⵙⵓⵜⵔⴻⵏ ⵜⴰⵎⵓⴷⵔⵓⵜ ⵏ 4 ⵏ ⵜⴻⵅⵅⴰⵎⵉⵏ, ⴰⴷ ⵅⴻⵍⵍⵚⴻⵏ 135.000 ⵏ ⵢⵉⴷⵉⵏⴰⵕⴻⵏ.

ⵜⴰⵏⴻⴳⴳⴰ ⵏ ⴰⴰⴷⵍ ⵍⴰ ⵜⴻⵙⵙⴻⴼⵔⴰⵢ, ⴷⴻⴳ ⵜⴰⵣⵡⴰⵔⴰ, ⴰⴷ ⵜⴻⴼⵔⴻⵇ 40.000 ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ, ⴳⴰⵔ-ⴰⵙⴻⵏⵜ 20.000 ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ. ⵍⴻⵕⵢⵓⵢ-ⴰ ⵔⵣⴰⵏ ⵜⵉⵏⴻⵣⴷⵓⵖⵉⵏ ⴰⵢ ⵢⴻⵡⵡⴹⴻⵏ ⵖⴻⵔ 70% ⵙ ⵍⴻⴱⵏⵉ ⴷⴻⴳ 2015.