ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵄⴻⵢⵢⴻⵏ-ⴷ ⵙⵜⴰⵔⵜⴼⵧⵔ ⵖⴻⴼ ⵍⵎⴰⴹⴻⵔⵔⴰ ⵏ ⵜⴳⴻⵔⵎⴰⵏⵜ ⵜⴰⵙⴻⵔⴷⴰⵙⴰⵏⵜ ⴷⴻⴳ ⵍⵉⴱⵢⴰ

ⵡⴰⵛⵉⵏⵟⵏ – ⵜⵄⴻⵢⵢⴻⵏ-ⴷ ⵜⵏⴰⵔⵉⵜ ⵜⵓⵙⵍⵉⴳⵜ ⵏ ⵡⵓⵎⴻⵍ (ⵉⵙⵜⵉⵅⴱⴰⵔⴰⵜ) ⵏ ⵙⵜⵔⴰⵜⴼⵧⵔ ⴷ ⴰⴽⴽⴻⵏ ⵍⴻⵎⵎⴻⵔ ⴰⴷ ⴷ-ⵜⵉⵍⵉ ⵜⴳⴻⵔⵎⴰⵏⵜ (ⵜⴰⴷⴰⵅⵅⵓⵍ) ⵜⴰⵙⴻⵔⴷⴰⵙⴰⵏⵜ ⵜⴰⵎⴰⵢⵏⵓⵜ ⴷⴻⴳ ⵍⵉⴱⵢⴰ, ⴰⵎ ⴷⴻⴳ 2011, ⴰⵢⴰ ⵢⴻⵣⵎⴻⵔ ⴰⴷ ⵢⴻⵙⵡⴰⵖ ⵜⴰⵎⵓⵔⵜ-ⴰ ⵢⴻⵔⵏⴰ ⴰⴷ ⴰⵙ-ⵢⴻⵔⴳⴻⵍ ⴰⴱⵔⵉⴷ, ⵉ ⵓⵙⵙⴻⴱⴷⴻⴷ ⵏ ⵓⴷⴰⴱⵓ ⴰⵍⴻⵎⵎⴰⵙ ⵉⴵⴻⵀⴷⴻⵏ.

ⴷⴻⴳ ⵢⵉⵡⴻⵏ ⵏ ⵓⵕⴰⴱⵓⵍ ⵖⴻⴼ ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ (ⴰⵎⵏ) ⴷⴻⴳ ⵍⵉⴱⵢⴰ ⴰⵢ ⴷ-ⵜⴻⵙⵙⵓⴼⴼⴻⵖ ⵙⴻⴳ ⵎⴻⵍⵎⵉ ⴽⴰⵏ ⵜⵏⴰⵔⵉⵜ-ⴰ ⵏ ⵡⵓⵎⴻⵍ, ⵜⴻⵏⵏⴰ-ⴷ ⵙⵜⵔⴰⵜⴼⵧⵔ ⴷ ⴰⴽⴽⴻⵏ ⴰⵛⵇⵉⵔⵔⴻⵡ ⴰⵎⴻⵇⵔⴰⵏ ⴰⴽⴽ ⴷⴻⴳ ⵍⵉⴱⵢⴰ, ⵍⴻⵎⵎⴻⵔ ⴰⴷ ⴷ-ⵜⵉⵍⵉ ⵜⴳⴻⵔⵎⴰⵏⵜ ⵜⴰⵙⴻⵔⴷⴰⵙⴰⵏⵜ ⵏⵉⴹⴻⵏ ⵏⴻⵜⵜⴰ ⴷ « ⴰⵙⵙⴻⴱⴷⴻⴷ ⵏ ⵓⵏⴻⴳⵔⴰⵡ (ⵏⵉⴹⴰⵎ) ⴰⵙⴻⵔⵜⴰⵏ » ⴰⴷ ⵢⴻⴷⴷⵔⴻⵏ ⵢⴻⵔⵏⴰ ⴰⴷ ⵉⴷⵓⵎ.

« ⵉⵎⵉ ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⵢⵉⵎⵙⵉⵙⴰⵏ-ⵏⵙⴻⵏ (ⵃⵓⵍⴰⴼⴰ’) ⵓⵕⵓⴼⵉⵢⴻⵏ ⵍⴰ ⵙⵙⴻⵡⵊⴰⴷⴻⵏ ⵉⵎⴰⵏ-ⵏⵙⴻⵏ ⵉ ⵜⴳⴻⵔⵎⴰⵏⵜ ⴷⴻⴳ ⵍⵉⴱⵢⴰ, ⵢⴻⵙⵙⴻⴼⴽ ⴰⴷ ⵉⵍⵉⵏ ⵣⴻⵎⵔⴻⵏ ⴰⴷ ⵙⵏⴻⵇⵙⴻⵏ ⵜⵉⵣⴻⵎⵎⴰⵔ ⵏ ⵢⵉⴵⵉⵀⴰⴷⵉⵢⴻⵏ ⴰⴽⴽⴻⵏ ⴰⴷ ⴹⴹⴼⴻⵏ ⵉⴽⴰⵍⴻⵏ. ⴷ ⴰⵛⵓ ⴽⴰⵏ, ⵢⴻⵙⵙⴻⴼⴽ ⴷⴰⵖ ⴰⴷ ⵇⴰⴱⵍⴻⵏ ⴰⵛⵇⵉⵔⵔⴻⵡ-ⵏⵏⵉ ⴰⵢ ⵇⵓⴱⵍⴻⵏ ⴷⴻⴳ 2011: ⵍⴻⴱⵏⵉ ⵏ ⵓⵏⴻⴳⵔⴰⵡ ⴰⵙⴻⵔⵜⴰⵏ ⵓⵔⴽⵉⴷ ⵙⴻⴳ ⵢⵉⵅⴻⵔⴱⴰⵏ ⴰⵢ ⴷ-ⵢⴻⴳⴳⵔⴰⵏ ⵙⴻⴳ ⵡⴰⵢⴻⵏ ⵢⴻⵍⵍⴰⵏ ⵣⵉⴽ ⴷ ⴰⵡⴰⵏⴰⴽ (ⴷⴰⵡⵍⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵕⴰⴱⵓⵍ-ⴰ.

ⵙⵛⵧⵜⵜ ⵙⵜⴻⵡⴰⵔⵜ, ⵡⵉⵏ ⴰⵢ ⵢⵓⵔⴰⵏ ⴰⵕⴰⴱⵓⵍ-ⴰ ⵓⵎⵉ ⵉⵙⴻⵎⵎⴰ « ⵜⴻⵣⵎⴻⵔ ⴰⴷ ⴷ-ⵜⴻⵜⵜⵡⴰⵙⵙⴻⴳⵔⴻⵡ ⵍⵉⴱⵢⴰ?», ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵉⵄⴻⵢⵢⴻⵏ-ⴷ ⵢⴰⴳⵉ, ⴷⴻⴳ 2011, ⵖⴻⴼ ⵍⵎⴰⴹⴻⵔⵔⴰ ⴰⵢⵢⴻⵙ ⵜⴻⵣⵎⴻⵔ ⴰⴷ ⴷ-ⵜⴻⴳⵍⵓ ⵜⴳⴻⵔⵎⴰⵏⵜ ⵏ ⵜⴻⵎⵙⵉⵙⵉⵜ ⵜⴰⵟⵍⴰⵙⵉⵜ.

« ⴷⴻⴳ ⵡⴰⵢⵢⵓⵔ ⵏ ⴼⵓⵕⴰⵕ ⵏ 2011 ⵏⴻⵖ ⴰⵢⵢⵓⵔ ⵓⵇⴱⴻⵍ ⵎⴰ ⵜⴳⴻⵔ-ⴷ ⵉⵎⴰⵏ-ⵏⵏⴻⵙ ⵜⴻⵎⵙⵉⵙⵉⵜ ⵜⴰⴳⵔⴰⵖⵍⴰⵏⵜ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⵏ ⵜⴻⵎⵙⵉⵙⵉⵜ ⵜⴰⵟⵍⴰⵙⵉⵜ ⴷⴻⴳ ⵟⵟⵔⴰⴷ ⴰⵖⴰⵔⵉⵎ ⴷⴻⴳ ⵍⵉⴱⵢⴰ, ⵓⵔⵉⵖ-ⴷ ⵢⴰⴳⵉ ⴷ ⴰⴽⴽⴻⵏ ⴰⵙⵙⴻⵖⵍⵉ ⵏ ⴽⴰⴷⵀⴰⴼⵉ ⵢⴻⵣⵎⴻⵔ ⴰⴷ ⵉⴳⴻⵔ ⵍⵉⴱⵢⴰ ⴷⴻⴳ ⵓⵔⵡⴰⵢ ⴰⴷ ⵢⴻⴵⴵⴻⵏ ⵉⴵⵉⵀⴰⴷⵉⵢⴻⵏ ⴰⴷ ⵏⵏⴻⵔⵏⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⵓⵎⴰⵣⵣⴰⵢ-ⴰ (ⵅⴰⴱⵉⵔ) ⴰⵢ ⵉⵅⴻⴷⵎⴻⵏ ⴷ ⴰⵙⴻⵙⵜⴰⵏ (ⵎⵓⵃⴰⵇⵇⵉⵇ) ⴷⴻⴳ ⵓⴳⴻⵣⴷⵓ ⵏ ⵓⵡⴰⵏⴰⴽ ⵢⴻⵔⵏⴰ ⵢⴻⵙⵙⴻⴷⴷⴰ ⵜⵉⵙⴻⵙⵜⴰⵏⵉⵏ ⵏ ⵜⵅⴰⵣⵣⴰⴱⵉⵜ ⵜⴰⵎⴻⵣⵡⴰⵔⵓⵜ ⴰⵢ ⵉⵃⵓⵣⴰⵏ ⵡⵧⵔⵍⴷ ⵜⵔⴰⴷⴻ ⵛⴻⵏⵜⴻⵔ, ⴷⴻⴳ ⵏⴻⵡ ⵢⵧⵔⴽ, ⴷⴻⴳ 1993.