ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴽⴻⵎⵎⵍⴻⵏⵜ ⵜⴻⴳⵔⴰⵡⵉⵏ ⵜⵉⴼⴰⵍⴻⵙⵟⵉⵏⵉⵢⴻⵏ ⵍⴻⵎⵛⴰⵡⵕⴰⵜ ⴷⴻⴳ ⵇⴰⵟⴰⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴽⴻⵎⵎⵍⴻⵏⵜ ⵍⴻⵎⵛⴰⵡⵕⴰⵜ ⴳⴰⵔ ⵢⵉⵎⵓⵙⵙⴰ (ⵃⴰⵔⴰⴽⴰⵜ) ⵉⴼⴰⵍⴻⵙⵟⵉⵏⵉⵢⴻⵏ, ⵀⴰⵎⴰⵙ ⴷ ⴼⴰⵜⴰⵀ, ⴰⵙⵙ ⵏ ⵍⴻⵜⵏⵉⵢⴻⵏ, ⴷⴻⴳ ⴷⴷⵓⵃⴰ (ⵇⴰⵟⴰⵔ) ⵉ ⵡⴰⵙⵙ ⵡⵉⵙ 2 ⵖⴻⴼ ⵓⵙⵔⴻⴼ ⴰⴽⴽⴻⵏ ⴰⴷ ⴼⴰⴽⴻⵏⵜ ⴱⴻⴹⴹⵓ ⴰⵢ ⴷ-ⵢⴻⵍⵍⴰⵏ ⴳⴰⵔ ⵢⵉⴼⴰⵍⴻⵙⵟⵉⵏⵉⵢⴻⵏ, ⵍⴰⴷⵖⴰ ⵉⵎⵉ ⵉⴷⵓⴱⴰ ⵏ ⵜⵓⴹⴹⴼⴰ ⵉⵙⵕⴰⵢⵉⵍⵉⵢⴻⵏ ⴼⵓⵕⵙⴻⵏ ⴱⴻⴹⴹⵓ-ⴰ ⴰⴽⴽⴻⵏ ⴰⴷ ⵙⵙⵓⴳⴳⵜⴻⵏ ⴰⵜⵄⴻⴷⴷⵉ ⵖⴻⴼ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⴷ ⵓⵙⵙⴻⴷⵔⴻⵎ ⵏ ⵍⴱⴻⵏⵢⴰⵏⴰⵜ ⵉⴼⴰⵍⴻⵙⵟⵉⵏⵉⵢⴻⵏ.
ⵜⵉⵎⵍⵉⵍⵉⵢⵉⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴳⴰⵔ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⴼⴰⵜⴰⵀ ⴷ ⵀⴰⵎⴰⵙ ⵙⴻⴳ ⵡⴰⵙⵙ ⵏ ⵍⵃⴻⴷⴷ ⵢⴻⵣⵔⵉⵏ ⴷⴻⴳ ⵜⵎⴰⵏⴻⵖⵜ ⵏ ⵇⴰⵟⴰⵔ ⴷ ⴰⴽⴻⵎⵎⴻⵍ ⵏ ⵓⴷⵉⵡⴻⵏⵏⵉ-ⵏⵏⵉ (ⵃⵉⵡⴰⵔ) ⴰⵎⴻⵣⵡⴰⵔⵓ ⴰⵢ ⴷ-ⴱⴷⴰⵏⵜ ⵢⴰⴳⵉ ⴷⴻⴳ ⵢⵓⵏⵢⵓ ⵢⴻⵣⵔⵉⵏ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷ ⴰⵙⵓⵔⵉⴼ ⴰⵎⴻⵣⵡⴰⵔⵓ ⵉ ⵍⴻⵎⵛⴰⵡⵕⴰⵜ ⵏ ⵜⵉⴷⴻⵜ ⴰⴷ ⴷ-ⵢⵉⵍⵉⵏ ⵙⴻⴳ-ⴰ ⵖⴻⵔ ⵙⴷⴰⵜ.
ⴷⴻⴳ ⵍⴻⵎⵛⴰⵡⵕⴰⵜ-ⴰ ⵏ ⵡⴰⵙⵙ ⵏ ⵍⴻⵜⵏⵉⵢⴻⵏ, ⴷⴻⴳ ⴷⴷⵓⵃⴰ, ⵢⴰⵍ ⵉⴷⵉⵙ ⵉⵇⴻⴷⴷⴻⵎ-ⴷ ⵜⵉⵖⴰⵡⵙⵉⵡⵉⵏ ⴰⵢⵖⴻⴼ ⴰⵢ ⴷ-ⵢⴻⵛⵛⴻⵜⴽⴰ. ⴰⵎⵓⵙⵙⵓ ⵏ ⵀⴰⵎⴰⵙ, ⴰⵢ ⵢⴻⴹⴹⴼⴻⵏ ⵜⴰⵙⴼⵉⴼⵜ ⵏ Ɣⴻⵣⵣⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵜⴰⵏ ⵢⴻⵡⵊⴻⴷ ⴰⴷ ⵢⴻⵇⴱⴻⵍ ⴰⵎⵜⴰⵡⴰ (ⵉⵜⵜⵉⴼⴰⵇ) ⵏ ⵓⵎⵙⵓⵖⴰⵍ, ⵎⴰⵛⴰ ⵢⴻⵛⵔⴻⴹ-ⴷ ⴰⴷ ⴷ-ⵢⴻⵜⵜⵓⵏⴻⴼⴽ ⵓⵣⴻⵎⵣ (ⵜⴰⵔⵉⵅ) ⵉⴱⴰⵏⴻⵏ ⵉ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ ⴷ ⵜⵙⴻⵍⵡⴰⵢⴰⵏⵉⵏ.
ⵎⴰ ⴷ ⴼⴰⵜⴰⵀ, ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵓⵍⴰ ⴷ ⵏⴻⵜⵜⴰⵜ ⵜⴻⵡⵊⴻⴷ ⵉ ⵍⴻⵎⵛⴰⵡⵕⴰⵜ, ⵜⴻⵔⵏⴰ-ⴷ ⴷⴰⵖ ⴷⴰⴽⴽⴻⵏ ⵜⴻⵙⵙⴰⵔⴰⵎ ⴷ ⵏⴻⵜⵜⴰⵜ ⴰⴷ ⵉⴽⴻⵎⵎⵍⴻⵏ ⴰⴷ ⵜⴻⵃⴽⴻⵎ ⴰⴷⴰⴱⵓ ⴰⴼⴰⵍⴻⵙⵟⵉⵏⵉ, ⴷ ⵛⵛⴻⵔⴹ ⴰⵢ ⵉⵡⴻⵄⵕⴻⵏ ⴰⴽⴽⴻⵏ ⴰⴷ ⵜ-ⵢⴻⵇⴱⴻⵍ ⵓⵎⵓⵙⵙⵓ ⵏ ⵀⴰⵎⴰⵙ.
ⴰⵎⵢⴰⴳⴻⵔ-ⴰ ⵏ ⴷⴷⵓⵃⴰ ⵢⴻⵣⵎⴻⵔ ⴰⴷ ⵢⴻⵔⵥⴻⵎ ⴰⴱⵔⵉⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴽⵔⴰ ⵏ ⵢⵉⵎⴰⵏⴰⵢⴻⵏ (ⵎⵓⵔⴰⵇⵉⴱⵉⵏ), ⵉ ⵓⵎⵢⴰⴳⴻⵔ ⴳⴰⵔ ⵎⴰⵀⵎⵧⵓⴷ ⴰⴱⴱⴰⵙ, ⴰⵙⴻⵍⵡⴰⵢ ⵏ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ, ⴷ ⴽⵀⴰⵍⴻⴷ ⵎⴻⵛⵀⴰⴰⵍ, ⵉⵖⴻⴼ ⵏ ⵜⵏⴰⵔⵉⵜ (ⵎⴰⴽⵜⴰⴱ) ⵜⴰⵙⴻⵔⵜⴰⵏⵜ ⵏ ⵀⴰⵎⴰⵙ.
