ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴽⵛⵉ ⵏ 38 ⵏ ⵍⵎⵉⵏⴰⵜ ⴰⵢ ⴷ-ⵢⴻⵔⵙⴻⵏ ⵉ ⵓⵖⴻⵍⵍⴻⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 99 ⵏ ⵢⵉⵙⵙⵓⵎⵔⴻⵏ (ⵄⵓⵔⵓⴹ) ⵏ ⵓⵖⴻⵍⵍⴻⵜ ⴰⵢ ⵙⵙⴻⵔⵙⴻⵏⵜ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵢⴻⵎⴳⴻⵔⵔⴰⴷⴻⵏ ⴰⵙⵙ ⵏ ⵜⵜⵍⴰⵜⴰ ⵖⴻⵔ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵢⵉⵔⵎⵓⴷⴻⵏ ⵏ ⵍⵎⵉⵏⴰⵜ (ⴰⵏⴰⵎ) ⵉ ⵍⵎⴻⵏⴷ ⵏ ⵓⵙⵙⵓⵜⴻⵔ ⵏ ⵓⵖⴻⵍⵍⴻⵜ ⵏ 38 ⵏ ⵍⵎⵉⵏⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⴷⴻⴳ ⵜⵏⴻⴳⴳⴰ.

ⴷⴻⴼⴼⵉⵔ ⵎⴰ ⵙⵙⴻⵔⵙⴻⵏⵜ ⵜⴻⵕⵎⵉⵙⵉⵏ ⵉⴽⴰⵔⴰⵎⴻⵏ-ⵏⵙⴻⵏⵜ (ⵎⵉⵍⴰⴼⴼⴰⵜ), ⵜⴻⵍⵍⴰ-ⴷ ⵜⴻⴷⵡⵉⵍⵜ ⵏ ⵓⵔⵥⴰⵎ ⵏ ⵜⵊⴻⵍⵍⴰⴱⵉⵏ ⵏ ⵓⵙⵙⵓⵎⴻⵔ ⵉ ⵍⵎⴻⵏⴷ ⵏ ⵜⵓⴽⵛⵉ ⵏ 38 ⵏ ⵍⵎⵉⵏⴰⵜ ⵉ ⵜⴻⵕⵎⵉⵙⵉⵏ ⴰⵢ ⴷ-ⵢⴻⵙⵙⵓⵎⵔⴻⵏ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵓⵅⵅⴰⵎ ⵏ ⵓⵖⵍⵉⴼ ⵏ ⵜⴻⵥⵡⴻⵔⵜ (ⵟⴰⵇⴰ) ⵙ ⵓⵃⴷⴰⵕ ⵏ ⵢⵉⴳⴻⵏⵙⴰⵙⴻⵏ ⵏ ⵜⴻⵕⵎⵉⵙⵉⵏ ⵜⵉⵎⵙⵓⵎⵔⵉⵏ.

ⵜⵉⵕⵎⵉⵙⵉⵏ ⴰⴷ ⵢⴻⵜⵜⵡⴰⵇⴻⴱⵍⴻⵏ ⴷⴻⴳ ⵜⴳⴰⵔⴰ ⵏ ⵜⴻⴷⵡⵉⵍⵜ-ⴰ ⴰⴷ ⵙⵄⵓⵏⵜ 3 ⵏ ⵡⴰⵢⵢⵓⵔⴻⵏ ⴰⴽⴽⴻⵏ ⴰⴷ ⵙⵙⴻⵎⴷⴻⵏⵜ ⴰⴽⴰⵔⴰⵎ-ⵏⵙⴻⵏⵜ ⵏ ⵓⵙⵏⵉⵔⴻⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⵙⴻⵇⵇⴰⵎⵓⵜ ⵏ ⵓⵇⴱⴰⵍ, ⵎⴰⵙⵙ ⵀⴰⵙⵙⴻⵏ ⵀⴰⵔⵉⴰⵜⵉ.

ⵍⴻⵎⵎⴻⵔ ⵙⵏⴰⵜ ⵏ ⵜⴻⵕⵎⵉⵙⵉⵏ ⴰⴷ ⴷ-ⴼⴽⴻⵏⵜ ⵢⵉⵡⴻⵏ ⵏ ⵓⵙⵙⵓⵎⴻⵔ ⵙⴻⴳ ⵢⵉⴷⵉⵙ ⵏ ⵜⴻⴷⵔⵉⵎⵜ, ⵜⴰⵙⴻⵇⵇⴰⵎⵓⵜ ⵏ ⵓⵇⴱⴰⵍ ⴰⴷ ⵜⴻⴼⵔⴻⵏ ⵢⵉⵡⴻⵜ ⵙⴻⴳ-ⵙⴻⵏⵜ ⵙ ⵜⴻⵙⵖⴰⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵀⴰⵔⵉⴰⵜⵉ ⵢⴻⵍⵍⴰⵏ ⴷⴰⵖ ⴷ ⴰⵙⴻⵍⵡⴰⵢ ⵏ ⵜⵏⴻⴳⴳⴰ (ⵡⴰⴽⴰⵍⴰ) ⵜⴰⵖⴻⵍⵏⴰⵡⵜ ⵏ ⵢⵉⵔⵎⵓⴷⴻⵏ ⵏ ⵍⵎⵉⵏⴰⵜ.

ⵜⴰⵏⴻⴳⴳⴰ-ⴰ ⵙⴱⴻⴷⴷⴻⵏ-ⵜⵜ-ⵉⴷ ⴷⴻⴳ 2014 ⴷⴻⴳ ⵓⵎⴽⴰⵏ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⴳⴻⵎⵎⵉ ⵏ ⵍⵎⵉⵏⴰⵜ, ⵢⴻⵔⵏⴰ ⵜⴻⵙⵙⵓⴼⴼⴻⵖ-ⴷ, ⴷⴻⴳ ⴷⵓⵊⴻⵎⴱⴻⵕ 2015, ⵜⵉⵖⵔⵉ ⵉ ⵓⵙⵙⵓⵎⴻⵔ ⴰⵖⴻⵍⵏⴰⵡ ⴷ ⵓⴳⵔⴰⵖⵍⴰⵏ ⵉ ⵜⵓⴽⵛⵉ ⵏ ⵍⵎⵉⵏⴰⵜ-ⴰ ⵉ ⵜⴻⵕⵎⵉⵙⵉⵏ ⴰⴷ ⵉⵅⴻⴷⵎⴻⵏ ⴷⴻⴳ-ⵙⴻⵏⵜ.

ⵉⵎⵓⴽⴰⵏ-ⴰ ⵍⵍⴰⵏ ⴳⴰⵔ-ⴰⵙⴻⵏ 13 ⵏ ⵢⵉⴷⴻⴳⴳⴻⵏ ⵏ ⵓⴼⵣⴰ (ⴽⵉⵍⵙ) ⴰⵢⵙⴻⴳ ⴰⴷ ⴷ-ⵙⵙⵓⴼⴼⵓⵖⴻⵏ ⴰⴳⴻⵔⵔⴰⵛ ⴷ ⵢⵉⵊⴷⵉ ⵢⴻⴱⵔⵉⵏ, 10 ⵏ ⵢⵉⴷⴻⴳⴳⴻⵏ ⵏ ⵜⴰⵍⴰⵖⵜ ⵉ ⵢⵉⴼⴰⵔⵉⵙⴻⵏ ⵉⵣⴻⵡⵡⴰⵖⴻⵏ, 10 ⵏ ⵢⵉⴷⴻⴳⴳⴻⵏ ⵉ ⵢⵉⵊⴷⵉ ⵏ ⵍⴻⴱⵏⵉ, 3 ⵏ ⵢⵉⴷⴻⴳⴳⴻⵏ ⵉ ⵜⵉⵙⴻⵏⵜ ⵏ ⵜⵓⵞⵞⵉⵜ, 1 ⵏ ⵓⴷⴻⴳ ⵉ ⵍⵊⵉⵔ ⵉ ⵓⴼⴰⵔⴻⵙ ⵏ ⵓⵎⴻⵔⵙ ⴷ 1 ⵏ ⵓⴷⴻⴳ ⵉ ⵡⴰⵜⵓⴼ ⴰⴷ ⵢⴻⵜⵜⵡⴰⵙⵅⴻⴷⵎⴻⵏ ⵉ ⵍⴻⴱⵏⵉ ⵏ ⵢⵉⴱⵔⵉⴷⴻⵏ.

ⵉⴷⴻⴳⴳⴻⵏ-ⴰ ⴼⴻⵔⵇⴻⵏ ⵖⴻⴼ 21 ⵏ ⵜⵡⵉⵍⴰⵢⵉⵏ ⵢⴻⵔⵏⴰ ⵙⵄⴰⵏ ⵜⵉⵊⵓⵎⵎⵉⵡⵉⵏ ⵏ ⴳⴰⵔ 3 ⴷ 1.395 ⵏ ⵢⵉⵇⴻⵟⵟⴰⵔⴻⵏ.

ⵜⵉⵡⵉⵍⴰⵢⵉⵏ ⴰⵢⴷⴻⴳ ⴷ-ⵓⵙⴰⵏ ⴷ ⵄⵉⵏ ⵜⵉⵎⵓⵛⴻⵏⵜ (1 ⵏ ⵓⴷⴻⴳ), ⴱⴻⵛⵛⴰⵕ (1), ⵛⵛⵍⴻⴼ (1), ⴵⴻⵍⴼⴰ (1), ⵜⵉⵅⴻⵏⵛⴻⵍⵜ (1), ⵍⴻⵎⴷⴻⵢⵢⴰ (1), ⵎⵉⵍⴰ (1), ⵎⵙⵉⵍⴰ (1), ⴳⴰⵍⵎⴰ (1), ⵡⴻⵀⵕⴰⵏ (1), ⵙⵙⵄⵉⴷⴰ (1), ⵙⵉⴷⵉ ⴱⴻⵍⵄⴻⴱⴱⴰⵙ (1), ⵙⵓⵇ ⴰⵀⵕⴰⵙ (1), ⵜⵍⴻⵎⵙⴰⵏ (1), ⵡⴰⵔⴳⵍⴰ (1), ⵜⵉⵣⵉ ⵡⴻⵣⵣⵓ (1), ⵎⵄⴻⵙⴽⴻⵕ (1), ⵜⴰⵖⴻⵔⴷⴰⵢⵜ (3), ⵡⴰⴷ ⵙⵓⴼ (4), ⵉⵍⵍⵉⵣⵉ (4) ⴷ ⵜⴱⴻⵙⵙⴰ (9).

ⵜⵓⴽⵛⵉ-ⴰ ⵏ ⵢⵉⴷⴻⴳⴳⴻⵏ ⵏ ⵍⵎⵉⵏⴰⵜ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⴻⵣⵡⴰⵔⵓⵜ ⵙⴻⴳ ⵡⴰⵙⵎⵉ ⴰⵢ ⵉⵄⴻⴷⴷⴰ ⵍⵇⴰⵏⵓⵏ ⴰⵎⴰⵢⵏⵓ ⵏ ⵍⵎⵉⵏⴰⵜ ⴷⴻⴳ 2014.

ⵉ ⵓⵙⵎⴻⴽⵜⵉ, ⵉⵡⴻⴽⴽⴻⴷ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⴷ ⵍⵎⵉⵏⴰⵜ, ⴰⴱⴷⴻⵙⵙⴻⵍⴰⵎ ⴱⵧⵓⵛⵀⵧⵓⴰⵔⴻⴱ, ⵙⴻⴳ ⵎⴻⵍⵎⵉ ⴽⴰⵏ ⴷ ⴰⴽⴽⴻⵏ ⴰⵃⵔⵉⵛ ⵏ ⵍⵎⵉⵏⴰⵜ ⴰⴷ ⴷ-ⵢⴻⴷⴷⵓⵇⵇⴻⵙ ⵎⵍⵉⵃ ⴷⴻⴳ 2016 ⵙ ⴱⴻⴷⴷⵓ ⵏ ⵡⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵜⴻⵎⴳⵓⵔⵉ ⵏ ⵜⵉⴷⴻⵜ ⵏ ⵍⵎⵉⵏⴰⵜ ⵉ ⵓⵜⵜⴻⴽⴽⵉ ⴷⴻⴳ ⵓⵙⵙⴻⵏⵇⴻⵙ ⵏ ⵡⴰⴵⴰⵡ ⵙⴻⴳ ⵓⵣⵖⴰⵔ.