ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⵖⵓⵔⴱⵉⵣⵜ ⵏ ⵓⵊⵓⴷⵧ: 200 ⵏ ⵢⵉⵏⴰⴷⴷⴰⵍⴻⵏ ⴰⴷ ⵉⵃⴻⴷⵕⴻⵏ ⴷⴻⴳ ⴵⵉⴵⴻⵍ

ⴵⵉⴵⴻⵍ – 200 ⵏ ⵢⵉⵏⴰⴷⴷⴰⵍⴻⵏ ⵉⵎⴻⵥⵢⴰⵏⴻⵏ ⴰⵢ ⵢⴻⵍⵍⴰⵏ ⴷⴻⴳ ⴵⵉⴵⴻⵍ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ ⵏ ⵜⵡⵉⵍⴰⵢⵜ ⵏ ⵓⵊⵓⴷⵧ ⵏ ⵜⴰⴳⴳⴰⵢⵉⵏ (ⴼⵉ’ⴰⵜ) ⵏ ⵡⴰⴷⴷⴰⵢⴻⵏ ⴷ ⵢⵉⵎⴻⵥⵢⴰⵏⴻⵏ (ⵉⵇⵛⵉⵛⴻⵏ ⴷ ⵜⴻⵇⵛⵉⵛⵉⵏ).

ⵉⵎⴻⵏⵖⵉⵢⴻⵏ ⵏ ⵡⴰⴼⴼⴰⵙ (ⵜⴰⵚⴼⵉⵢⴰⵜ) ⴰⴷ ⴷ-ⵉⵍⵉⵏⵜ ⴷⴻⴳ ⵜⵣⴻⵇⵇⴰ ⵜⴰⴽⴽⴰⴷⴷⴰⵍⵜ ⵏ ⴱⵧⵓⵔⵎⴻⵍ ⵢⴻⵔⵏⴰ ⴷⵉⵏ ⴰⴷ ⴷ-ⴼⵔⵓⵔⵉⵏ ⵢⵉⵏⴰⴷⴷⴰⵍⴻⵏ ⴰⴷ ⵉⵄⴻⴷⴷⵉⵏ ⵖⴻⵔ ⵓⵎⵙⵉⵣⵡⴻⵔ ⴰⵎⵏⴰⴹⴰⵏ ⴰⴷ ⴷ-ⵢⵉⵍⵉⵏ ⴷⴻⴳ ⵇⵙⴻⵏⵟⵉⵏⴰ ⴷⴻⴳ 16 ⴼⵓⵕⴰⵕ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ (ⵎⴰⵙ’ⵓⵍ) ⵏ ⵜⴻⵎⵖⵓⵏⵜ ⵏ ⵜⵡⵉⵍⴰⵢⵜ ⵏ ⵡⴰⴷⴷⴰⵍⴻⵏ ⵉⵖⵓⵔⴱⵉⵣⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵛⵉⵔⵜ ⵏ ⵓⴹⴰⵔ, 43 ⵏ ⵢⵉⵇⵛⵉⵛⴻⵏ ⵏ ⵜⴰⴳⴳⴰⵢⵜ ⵏ ⴷⴷⴰⵡ 12 ⵏ ⵢⵉⵙⴻⴳⴳⴰⵙⴻⵏ, ⴰⵢ ⴷ-ⵢⵓⵙⴰⵏ ⵙⴻⴳ ⵜⵖⵉⵡⴰⵏⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵡⵉⵍⴰⵢⵜ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴰⵙⵙ-ⵏⵏⵉ ⴷⴻⴳ ⵓⴼⵔⴰⵏ ⴰⵢⵙⴻⴳ ⴰⴷ ⴷ-ⴼⵔⵓⵔⵉⵏ 18 ⵏ ⵢⵉⵎⴰⵔⵉⵔⴻⵏ.

ⴰⴷⴷⴰⵍⴻⵏ ⵉⵖⵓⵔⴱⵉⵣⴻⵏ ⵏⵉⴹⴻⵏ ⴰⵢⴷⴻⴳ ⴰⴷ ⴷ-ⵢⵉⵍⵉ ⵓⴼⵔⴰⵏ ⵏ ⵢⵉⵏⴰⴷⴷⴰⵍⴻⵏ ⴷⴻⴳ ⵜⵡⵉⵍⴰⵢⵜ-ⴰ ⵏⵉⵜⵏⵉ ⴷ ⴰⵄⵓⵎⵓ, ⵜⴰⵛⵉⵔⵜ ⵏ ⵓⴼⵓⵙ ⴷ ⵜⵛⵉⵔⵜ ⵏ ⵓⵇⴻⵛⵡⴰⵍ.