Asebter amenzawi

Talɣuɣa taɣurbizt n ujudo: 200 n yinaddalen ad iḥedṛen deg Ǧiǧel

ǦIǦEL – 200 n yinaddalen imeẓyanen ay yellan deg Ǧiǧel seg wass n ttlata akken ad ttekkin deg telɣuɣa n twilayt n ujudo n taggayin (fi’at) n waddayen d yimeẓyanen (iqcicen d teqcicin).

Imenɣiyen n waffas (taṣfiyat) ad d-ilint deg tzeqqa takkaddalt n Bourmel yerna din ad d-frurin yinaddalen ad iɛeddin ɣer umsizwer amnaḍan ad d-yilin deg Qsenṭina deg 16 Fuṛaṛ ay d-yetteddun, ɣef wakken ay d-yenna umasay (mas’ul) n temɣunt n twilayt n waddalen iɣurbizen.

Seg yidis niḍen, deg wayen yerzan tacirt n uḍar, 43 n yiqcicen n taggayt n ddaw 12 n yiseggasen, ay d-yusan seg tɣiwanin yemgerraden n twilayt akken ad ttekkin ass-nni deg ufran ayseg ad d-frurin 18 n yimariren.

Addalen iɣurbizen niḍen aydeg ad d-yili ufran n yinaddalen deg twilayt-a nitni d aɛumu, tacirt n ufus d tcirt n uqecwal.