ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵜⵉⵏⵉⵙ: 19 ⵏ ⵜⵎⵓⵔⴰ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ ⵜⴰⴳⵔⴰⵖⵍⴰⵏⵜ ⵏ ⵢⵉⵍⴻⵎⵥⵉⵢⴻⵏ ⴷⴻⴳ ⵃⵉⴷⵕⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 19 ⵏ ⵜⵎⵓⵔⴰ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ ⵏ ⵜⴰⴳⵔⴰⵖⵍⴰⵏⵜ ⵏ ⵓⵜⵉⵏⵉⵙ ⵏ ⵢⵉⵍⴻⵎⵥⵉⵢⴻⵏ ⴳⴰⵔ 14 ⴷ 20 ⴼⵓⵕⴰⵕ ⴷⴻⴳ ⵓⵙⵔⵉⵔ (ⵏⴰⴷⵉ) ⵓⵜⵉⵏⵉⵙ ⵏ ⵃⵉⴷⵕⴰ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵜⵉⵏⵉⵙ.

ⵜⵉⵎⵓⵔⴰ-ⴰ ⴷ ⵒⵓⵍⵓⵏⵢⴰ, ⵉⵏⴷⵓⵏⵉⵙⵢⴰ, ⵟⵟⴻⵔⴽ, ⵎⴰⵚⴻⵔ, ⵜⵓⵏⴻⵙ, ⵍⴰⵍⵎⴰⵏ, ⵙⵒⴻⵏⵢⵓⵍ, ⴱⵓⵍⴳⴰⵕⵢⴰ, ⵟⵟⴰⵍⵢⴰⵏ, ⵎⴻⵕⵕⵓⴽ, ⴼⵕⴰⵏⵙⴰ, ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ, ⵍⵉⴱⵢⴰ, ⴱⵉⵍⵊⵉⴽ, ⵍⴻⴳⵔⵉⴳ, ⵜⵉⵎⵓⵔⴰ ⵏ ⵡⴰⴷⴷⴰ, ⵓⴽⵕⴰⵏⵢⴰ, ⵔⵓⵙⵢⴰ ⴷ ⵍⴷⵣⴰⵢⴻⵔ.

ⵜⴰⵍⵖⵓⵖⴰ-ⴰ ⵜⴻⵔⵥⴻⵎ ⵉ ⵢⵉⵇⵛⵉⵛⴻⵏ ⴷ ⵜⴻⵇⵛⵉⵛⵉⵏ ⵢⴻⵔⵏⴰ ⴰⴷ ⴷ-ⵜⵉⵍⵉ ⴷ ⵜⴰⵊⵎⵉⵍⵜ ⵉ ⵎⴻⵀⴷⵉ ⴱⵧⵓⵔⴰⵙ.

ⴰⵎⴰⵔⵉⵔ-ⴰ ⴰⴳⵔⴰⵖⵍⴰⵏ ⴰⴷⵣⴰⵢⵔⵉ ⵢⴻⵍⵍⴰⵏ, ⵣⵉⴽ, ⴷⴻⴳ ⵜⴰⴳⴳⴰⵢⵜ ⵏ ⵢⵉⵍⴻⵎⵥⵉⵢⴻⵏ ⵢⴻⵡⵡⴻⴹ ⵍⴻⵄⴼⵓ ⵏ ⵕⴻⴱⴱⵉ ⵖⴻⵔ 24 ⵏ ⵢⵉⵙⴻⴳⴳⴰⵙⴻⵏ, ⴷⴻⴳ 2013.

« ⵜⵉⵎⵍⵉⵍⵉⵢⵉⵏ ⵏ ⵓⵄⴻⴷⴷⵉ ⴰⴷ ⴷ-ⵉⵍⵉⵏⵜ ⵓⵙⵙⴰⵏ ⵏ 14 ⴷ 15 ⴼⵓⵕⴰⵕ. ⵜⵉⵏⴻⴳⴳⵓⵔⴰ ⴰⴷ ⴷ-ⵉⵍⵉⵏⵜ ⴰⵙⵙ ⵙⴻⴳ ⵡⴰⵙⵙ ⵏ 16 ⵏ ⴼⵓⵕⴰⵕ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ.

ⴷ ⴰⵏⴻⴼⵔⴰⵢ (ⵃⴰⴽⴰⵎ) ⴰⴳⵔⴰⵖⵍⴰⵏ ⴰⴷⵣⴰⵢⵔⵉ ⵀⴰⴽⵉⵎ ⴼⴰⵜⴰⵀ ⴰⴷ ⴷ-ⵢⴻⵍⵀⵓⵏ ⴷ ⵜⴻⵎⵍⵉⵍⵉⵢⵉⵏ-ⴰ (ⵜⵉⵃⴻⵔⴼⵉⵢⵉⵏ ⴷ ⵜⵓⵙⵍⵉⴳⵉⵏ) ⵏ ⵜⴻⵍⵖⵓⵖⴰ-ⴰ ⵏ ⵜⴼⴻⵙⵏⴰ ⵜⵉⵙ 5, ⵢⴻⵔⵏⴰ ⴷ ⵜⴰⵀⴰⵔ ⴰⵣⵣⵉ ⴰⴷ ⵢⵉⵍⵉⵏ ⴷ ⴰⵏⴻⵎⵀⴰⵍ (ⵎⵓⴷⵉⵔ).