Asebter amenzawi

Atinis: 19 n tmura ad yettekkin deg telɣuɣa tagraɣlant n yilemẓiyen deg Ḥidṛa

LEZZAYER TAMANEɣT – 19 n tmura ad yettekkin deg telɣuɣa n tagraɣlant n utinis n yilemẓiyen gar 14 d 20 Fuṛaṛ deg usrir (nadi) utinis n Ḥidṛa (Lezzayer Tamaneɣt), ɣef wakken ay aɣ-d-tenna Tfidiṛalit Tadzayrit n Utinis.

Timura-a d Pulunya, Indunisya, Ṭṭerk, Maṣer, Tunes, Lalman, Spenyul, Bulgaṛya, Ṭṭalyan, Meṛṛuk, Fṛansa, Briṭanya Tameqrant, Libya, Biljik, Legrig, Timura n Wadda, Ukṛanya, Rusya d Ldzayer.

Talɣuɣa-a terẓem i yiqcicen d teqcicin yerna ad d-tili d tajmilt i Mehdi Bouras.

Amarir-a agraɣlan adzayri yellan, zik, deg taggayt n yilemẓiyen yewweḍ leɛfu n Ṛebbi ɣer 24 n yiseggasen, deg 2013.

« Timliliyin n uɛeddi ad d-ilint ussan n 14 d 15 Fuṛaṛ. Tineggura ad d-ilint ass seg wass n 16 n Fuṛaṛ », ɣef wakken ay d-tenna Tfidiṛalit.

D anefray (ḥakam) agraɣlan adzayri Hakim Fatah ad d-yelhun d temliliyin-a (tiḥerfiyin d tusligin) n telɣuɣa-a n tfesna tis 5, yerna d Tahar Azzi ad yilin d anemhal (mudir).