Asebter amenzawi

Mahrez yettwasemma-d d amarir imxeyyer n tsemhuyt n 2015-2016 deg Langliz

LONDON – Yettwasemma-d umarir agraɣlan adzayri n Leicester City, Riyad Mahrez, d amarir imxeyyer deg telɣuɣa tanglizit n tcirt n uḍar n 2015-2016, deg usettef ay d-iga uɣmis anglizi n Daily Star.

Taɣlamt-nnes d nettat ay d tamezwarut deg telɣuɣa, yerna Mahrez yeḍḍef amkan amezwaru s 14 n yiswan d 10 n yisɛeddiyen ay yessawḍen ɣer yiswi.

Mahrez yella naqal yetturar deg Havre AC (Tamɣunt tis 2 n Fṛansa). Ass n ssebt yezrin yufrar-d deg temlilit aydeg taɣlamt-nnes n Leicester terna Manchester City s 3 ɣer 1 deg wass wis 23 n telɣuɣa.

Menɣir Mahrez, Jamie Vardy, ay la yetturaren yid-s deg Leicester, yettwafren-d d imsiswi imxeyyer n telɣuɣa (s 18 n yiswan).

Taɣlamt n Arsenal, ay la yesleɣmay Ufṛensis Arsene Wenger, tettekka s 3 n yimariren deg usettef-a aydeg llan 10 n yimariren, yerna wi d Olivier Giroud, Mesut Ozil d Alexis Sanchez.

Umuɣ (qa’ima) n yimariren ay d-yettwasemman:

1-Riyad Mahrez (Leicester City/Lezzayer)

2-Jamie Vardy (Leicester City/Langliz)

3-Mesut Ozil (Arsenal/Lalman)

4- Sergio Agüero (Manchester City/Taṛjentint)

5-Harry Kane (Tottenham/Langliz)

6-Romelu Lukaku (Everton/Biljik)

7-Dimitri Payet (West Ham/Fṛansa)

8-Olivier Giroud (Arsenal/Fṛansa)

9-Alexis Sanchez (Arsenal/Cili)

10-David Silva (Manchester City/Spenyul).