ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵍⵉ: ⵍⴰ ⵢⴻⵜⵜⴽⴻⵎⵎⵉⵍ ⵓⴽⴰⵍⴰ ⵏ ⵜⴰⵍⵡⵉⵜ
ⴱⴰⵎⴰⴽⵓ – ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⴻⵔⴽⴻⴷ ⵏ ⵎⴰⵍⵉ (ⵎⵉⵏⵓⵙⵎⴰ) ⵎⴰⵣⴰⵍ-ⵉⵜⵜ ⵍⴰ ⴷ-ⵜⴻⵜⵜⵃⴻⵜⵜⵉⵜ ⵖⴻⴼ ⴷⴷⵓⵕ ⴰⵎⴻⵇⵔⴰⵏ ⴰⵢ ⵢⴻⵙⵙⴻⴼⴽ ⴰⴷ ⵜ-ⵓⵔⴰⵔⴻⵏ ⵢⵉⵎⴻⴳⴳⵉⵢⴻⵏ (ⴼⴰⵄⵉⵍⵉⵏ) ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ (ⵎⴰⴷⴰⵏⵉⵢⵢⴰ) ⴷⴻⴳ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ ⵢⵓⵏⵢⵓ ⵏ 2015.
ⴷⴻⴳ ⵓⴽⴰⵜⴰⵔ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵉⵍⵉⵏ ⵉ ⵓⵙⵙⴻⴷⴷⵓ ⵏ ⵜⴰⵍⵡⵉⵜ ⵖⴻⵔ ⵙⴷⴰⵜ ⴷⴻⴳ ⵎⴰⵍⵉ, ⵄⴰⵡⴷⴻⵏⵜ ⵡⴻⴽⴷⴷⴻⵏⵜ-ⴷ ⵜⵓⴷⴷⵙⵉⵡⵉⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵎⵉⵏⵓⵙⵎⴰ ⴰⵄⴰⵡⴻⵏ ⴰⵢ ⵍⴰ ⵜⵜⵄⴰⵡⴰⵏⴻⵏⵜ ⵜⵉⵎⴻⵜⵜⵉ ⵜⴰⵖⴰⵔⵉⵎⵜ ⵜⴰⵎⴰⵍⵉⵜ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷⴻⴳ ⴱⴰⵎⴰⴽⵧ.
ⵖⴻⴼ ⵍⴻⵃⵙⴰⴱ ⵏ ⵎⵉⵏⵓⵙⵎⴰ, ⵉⵙⵡⵉ ⵏ ⵓⵎⵢⴰⴳⴻⵔ-ⴰ ⵏⴻⵜⵜⴰ ⴷ ⴰⵄⴰⵡⴻⴷ ⵏ ⵓⵡⴻⴽⴽⴻⴷ ⵉ ⵢⵉⵛⵔⵉⴽⴻⵏ-ⵏⵏⴻⵙ ⴷ ⴰⴽⴽⴻⵏ ⴰⵜⵜⴰⵏ ⵜⴻⴱⴷⴻⴷ ⵖⴻⵔ ⵢⵉⴷⵉⵙ-ⵏⵙⴻⵏ ⴷⴻⴳ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ ⵙ ⵓⵎⵛⵉⵡⴻⵕ.
ⵕⵕⴰⵢ-ⴰ ⵜⴻⵙⵜⴻⵕⵃⴻⴱ ⵢⴻⵙ-ⵙ ⵜⴳⴻⵏⵙⴰⵙⵜ ⵏ ⵜⵖⴻⵔⵖⴻⵔⵜ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ, ⴷⴻⴷⴻⵧⵓ ⵙⵉⴷⵉⴱⴻ, ⴰⵢ ⴷ-ⵢⴻⵏⵏⴰⵏ: « ⴰⵢⴰ ⴷ ⵜⴰⵖⴰⵡⵙⴰ ⵢⴻⵍⵀⴰⵏ ⴰⵛⴽⵓ ⵜⵉⵎⴻⵜⵜⵉ ⵜⴰⵖⴰⵔⵉⵎⵜ ⵜⴻⵙⵄⴰ ⴰⵍⴰ ⵜⴰⵍⵍⵓⵏⵜ ⴰⵢ ⴰⵖ-ⴷ-ⵜⵜⴰⴽⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵍⴰⴷⵖⴰ ⵎⵉⵏⵓⵙⵎⴰ, ⴰⴽⴽⴻⵏ ⴰⴷ ⴷ-ⵜⵉⵏⵉ ⴰⵢⴻⵏ ⵜⴻⴱⵖⴰ ».
ⵎⵉⵏⵓⵙⵎⴰ ⵎⴰⵣⴰⵍ-ⵉⵜⵜ ⵜⴻⵜⵜⴽⴻⵎⵎⵉⵍ ⵖⴻⴼ ⵓⵃⴻⵜⵜⴻⵜ ⵏ ⴷⴷⵓⵕ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷⴻⴼⴼⵉⵔ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⴱⴰⵎⴰⴽⵧ, ⴰⵛⴽⵓ ⵎⴰⵣⴰⵍ ⴰⴷ ⴷ-ⵉⵍⵉⵏ ⵢⵉⵙⵓⵔⵉⴼⴻⵏ ⵏⵉⴹⴻⵏ ⴷⴻⴳ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ. ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ-ⵢⴻⵍⵀⴰⵏ ⴷ ⵜⴻⵎⵙⴰⵍ ⵜⵉⵙⴻⵔⵜⵉⵢⵉⵏ ⵏ ⵎⵉⵏⵓⵙⵎⴰ, ⵎⴰⵙⵙ ⴽⵧⴻⵏ ⴷⴰⵠⵉⴷⵙⴻ, ⵢⴻⵙⵎⴻⴽⵜⵉ-ⴷ ⵙ ⴷⴷⵓⵕ ⵢⴻⵙⵄⴰⵏ ⴰⵣⴰⵍ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷⴻⴳ ⵓⴽⴰⵍⴰ (ⵎⴰⵙⴰⵔ) ⵏ ⵜⴰⵍⵡⵉⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵡⵊⴻⴷ ⵏ ⵓⵙⴰⵔⴰⴳ ⵏ ⵓⵎⵙⴻⴼⵀⴰⵎ ⴰⵖⴻⵍⵏⴰⵡ.
ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴰⵏⴻⵎⵀⴰⵍⵜ (ⵎⵓⴷⵉⵔⴰ) ⵏ ⵜⵖⴰⵡⵙⵉⵡⵉⵏ ⵜⵉⵖⴰⵔⵉⵎⵉⵏ, ⴻⵍⵙⵉⴻ ⴻⴼⴼⴰⵏⴳⴻ-ⵎⴱⴻⵍⵍⴰ, ⵜⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵉⵍⵉ ⵜⵎⴻⵜⵜⵉ ⵜⴰⵖⴰⵔⵉⵎⵜ « ⵜⴻⵜⵜⵡⴰⵙⵙⵓⴷⴷⴻⵙ ⵓⴳⴰⵔ ⵢⴻⵔⵏⴰ ⵜⵄⴻⵡⵡⴻⵍ ⴰⴷ ⵜⴻⵙⵙⴻⴼⵄⴻⵍ ⴰⵎⵜⴰⵡⴰ ⵏ ⵜⴰⵍⵡⵉⵜ ⴰⵢⴷⴻⴳ ⴰⴽⴽ ⵉⴷⵉⵙⴰⵏ ⵢⴻⵙⵙⴻⴼⴽ ⴰⴷ ⵜⵜⴻⴽⴽⵉⵏ ».
ⵡⴰ ⴷ ⵕⵕⴰⵢ ⴰⵢ ⵜⵡⵓⴼⴻⵇ ⴷⴰⵖ ⵜⵏⴻⵎⵀⴰⵍⵜ ⵜⵉⵎⵙⵓⴼⴼⴻⵖⵜ ⵏ ⵜⴻⵎⵙⵉⵙⵉⵜ ⵜⴰⵖⴻⵍⵏⴰⵡⵜ ⵏ ⵜⵎⴻⵜⵜⵉⵜ ⵜⴰⵖⴰⵔⵉⵎⵜ ⵉ ⵜⴰⵍⵡⵉⵜ ⴷ ⵢⵉⵎⴻⵏⵖⵉ ⵎⴳⴰⵍ ⵓⵣⵔⴰⵄ ⵏ ⵍⴻⵙⵍⴰⵃ ⴰⴼⴻⵙⵙⴰⵙ (ⵛⵧⵏⴰⵙⵛⵉⵒⴰⵍ), ⵜⴰⴷⵓⴽⵜⵓⵔⵜ ⵎⴰⵔⵉⴰⵎ ⴷⵊⵉⴱⵔⵉⵍⵍⴰ ⵎⴰⵉⴳⴰ, ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵜⵉⵍⵉ ⵜⵉⵛⵛⵓⵔⴽⴰ ⵍⴰⴷⵖⴰ ⴷ ⵓⵡⴰⵏⴰⴽ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴰⴷⵖⴰ ⵜⴰⵖⴻⵍⵍⵉⵙⵜ (ⴰⵎⵏ).
