ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵎⴰⵔ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵙ ⵜⵉⴷⴷⵉⵜ ⵏ ⵜⴰⵍⵡⵉⵜ ⵖⴻⵔ ⵙⴷⴰⵜ ⴷⴻⴳ ⵚⵓⵎⴰⵍⵢⴰ

ⵏⴰⵉⵔⵧⴱⵉ – ⵜⵓⵎⴰⵔ (ⵜⴻⴼⵕⴻⵃ) ⵜⴷⵓⴽⵍⵉ ⵜⴰⴼⵔⵉⵇⵉⵜ, ⴰⵙⵙ ⵏ ⵍⴻⵜⵏⵉⵢⴻⵏ, ⵙ ⵢⵉⵙⵓⵔⵉⴼⴻⵏ ⴰⵢ ⴷ-ⵢⴻⵍⵍⴰⵏ ⵖⴻⵔ ⵙⴷⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵡⵉⵜ ⴷⴻⴳ ⵚⵓⵎⴰⵍⵢⴰ, ⵓⵍⴰ ⵎⴰ ⵔⵏⴰⵏⵜ ⵜⵅⴰⵣⵣⴰⴱⵉⵢⵉⵏ ⵜⵉⵔⴻⴱⵔⴰⴱⵉⵏ ⵏ ⵜⴻⴳⵔⴰⵡⵜ ⵜⴰⵎⴻⴹⴹⴰⵔⴼⵓⵜ ⵏ ⴰⵍ-ⵙⵀⴰⴱⴰⴱ.

ⴰⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵓⵣⵣⵉⴳ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵚⵓⵎⴰⵍⵢⴰ, ⴼⵔⴰⵏⵛⵉⵙⵛⵧ ⵎⴰⴷⴻⵉⵔⴰ, ⵢⵓⵎⴰⵔ ⵙ ⵢⵉⵙⵓⵔⵉⴼⴻⵏ ⴰⵢ ⴷ-ⵢⴻⵍⵍⴰⵏ ⵖⴻⵔ ⵙⴷⴰⵜ ⴷⴻⴳ ⵚⵓⵎⴰⵍⵢⴰ ⵙⴻⴳ ⵡⴰⵙⵎⵉ ⴰⵢ ⴷ-ⵡⵡⴹⴻⵏ ⵢⵉⵖⴰⵍⵍⴻⵏ ⵉⵎⴻⵣⵡⵓⵔⴰ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵖⴻⵔ ⵎⵧⴳⴰⴷⵉⵙⵛⵉⵧ ⴷⴻⴳ 2007.

« ⵉⵖⴰⵍⵍⴻⵏ ⵏ ⴰⵎⵉⵙⵧⵎ, ⵙ ⵜⴻⵎⵀⴰⵍ-ⵏⵙⴻⵏ (ⵎⴰⵀⴰⵎ) ⵜⵓⵛⵔⵉⴽⵉⵏ ⴷ ⵜⴳⴻⵔⵎⴰⵏⵉⵏ ⵏⵉⴹⴻⵏ, ⵜⴳⴰ-ⴷ ⵜⴰⵡⴻⵏⵏⴰⴹⵜ ⴰⵢⴷⴻⴳ ⴷ-ⵢⴻⵍⵍⴰ ⵓⴽⴰⵍⴰ (ⵎⴰⵙⴰⵔ) ⴰⵙⴻⵔⵜⵉ ⵏ ⵓⵎⵙⵓⵖⴰⵍ ⴷ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ, ⵢⴻⵔⵏⴰ ⴰⵢⴰ ⴰⵜⴰⵏ ⵍⴰ ⵢⴻⵜⵜⴻⴼⴼⴻⵖ ⵖⴻⵔ ⵜⵉⴷⴻⵜ, ⵛⵡⵉⵟ, ⵛⵡⵉⵟ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵓⵙⵙⴻⵎⵢⵓⴷⴷⴻⵙ ⵏ ⵜⴻⵎⵀⴰⵍ ⵜⵉⵙⴻⵔⴷⴰⵙⴰⵏⵉⵏ (ⵛⵧⵎⵎ) ⴷ ⴰⵎⵉⵙⵧⵎ ⴷⴻⴳ ⵏⴰⵉⵔⵧⴱⵉ (ⴽⴻⵏⵢⴰ).

ⵎⴰⵙⵙ ⵎⴰⴷⴻⵉⵔⴰ ⵢⴻⴱⴷⴻⵔ-ⴷ ⵔⵔⴱⵓⵃⴰⵜ ⵉⵙⴻⵔⵜⴰⵏⴻⵏ ⴰⵢ ⴷ-ⵢⴻⵍⵍⴰⵏ ⵙ ⵡⵓⵖⴰⵍ ⵏ ⵜⴰⵍⵡⵉⵜ ⵖⴻⵔ ⵚⵓⵎⴰⵍⵢⴰ, ⵓⵍⴰ ⵎⴰ ⵎⴰⵣⴰⵍ ⵍⴰ ⵜⵜⴽⴻⵎⵎⵉⵍⴻⵏⵜ ⵜⵅⴰⵣⵣⴰⴱⵉⵢⵉⵏ ⵜⵉⵔⴻⴱⵔⴰⴱⵉⵏ.

ⵙ ⵡⴰⵢⴰ, ⵢⴻⵏⵏⴰ-ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⴰⴽⴽⴻⵏ ⵢⵉⵡⴻⵜ ⵙⴻⴳ ⵜⵖⴰⵡⵙⵉⵡⵉⵏ ⵢⴻⵙⵄⴰⵏ ⴰⵣⴰⵍ ⴰⵢ ⴷ-ⵢⴻⵍⵍⴰⵏ ⵙ ⵍⴻⵎⵄⴰⵡⵏⴰ ⵏ ⴰⵎⵉⵙⵧⵎ ⵏⴻⵜⵜⴰ ⴷ ⵕⵕⴰⵢ ⴰⵢⴷⴻⴳ ⴰⵏⴰⴱⴰⴹ (ⵃⵓⴽⵓⵎⴰ) ⴰⵚⵓⵎⴰⵍⵉ ⵢⴻⴼⵔⴻⵏ ⵚⵚⴻⵏⴼ ⵏ ⵜⴻⴼⵔⴰⵏⵉⵏ ⴰⴷ ⵢⴻⵙⵙⴻⵇⴷⴻⵛ ⴷⴻⴳ ⵜⴻⴼⵔⴰⵏⵉⵏ ⴰⴷ ⴷ-ⵢⵉⵍⵉⵏ ⴰⵙⴻⴳⴳⴰⵙ-ⴰ.

ⵢⴻⵙⵜⴻⵄⵕⴻⴼ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⵛⵛⵖⴻⵍ ⴰⵢ ⵢⴻⴳⴳⵓⵏⵉⵏ ⴷⴻⴳ ⵜⴻⴼⵔⴰⵏⵉⵏ ⵎⴻⵖⵖⴻⵔ, ⵍⴰⴷⵖⴰ ⵉⵎⵉ ⴰⵢ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⴹⵎⴻⵏ ⵜⵡⴻⵏⵏⴰⴹⵜ ⵏ ⵍⴰⵎⴰⵏ ⴰⴽⴽⴻⵏ ⴰⴷ ⴷ-ⵉⵍⵉⵏⵜ ⵜⴻⴼⵔⴰⵏⵉⵏ-ⴰ.

« ⵡⴰ ⴷ ⴰⵙⵓⵔⵉⴼ ⵢⵓⴽⵍⴰⵍⴻⵏ ⴰⵛⴽⴰⵕ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵙⵓⵖⴰⵍ ⴷⴻⴳ ⵚⵓⵎⴰⵍⵢⴰ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰ ⴷ ⴰⵛⵇⵉⵔⵔⴻⵡ ⴰⵎⴰⵢⵏⵓ ⵉ ⴰⵎⵉⵙⵧⵎ, ⴰⵛⴽⵓ ⵢⴻⵙⵙⴻⴼⴽ ⴰⴷ ⵜⴻⵅⴷⴻⵎ ⵙ ⵜⵖⴰⵡⵍⴰ ⴰⴽⴽⴻⵏ ⴰⴷ ⵜⴻⵙⵙⴻⵔⴽⴻⴷ ⵜⴰⵎⵓⵔⵜ ⴰⴽⴽⴻⵏ ⵜⴰⴷⴱⴻⵍⵜ ⵏ ⵜⴻⴼⵔⴰⵏⵉⵏ ⴷ ⵓⴽⴰⵍⴰ ⵏ ⵜⴻⴼⵔⴰⵏⵉⵏ ⴰⴷ ⴷ-ⵉⵍⵉⵏ ⴷⴻⴳ ⵜⵡⴻⵏⵏⴰⴹⵜ ⵏ ⵜⴰⵍⵡⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⴷⴻⵉⵔⴰ.

ⴰⵎⵉⵙⵧⵎ ⵍⴰ ⵜⵄⴻⵔⵔⴻⴹ, ⵙⴻⴳ 2007, ⴰⴷ ⴷ-ⵜⴻⵔⵔ ⵜⴰⵍⵡⵉⵜ ⵖⴻⵔ ⵚⵓⵎⴰⵍⵢⴰ. ⵜⴰⵎⵓⵔⵜ-ⴰ ⵖⴻⵔ-ⵙ 20 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⵓⵔ ⵜⴻⵙⵄⵉ ⴰⵔⴰ ⴰⵏⴰⴱⴰⴹ ⵉⴵⴻⵀⴷⴻⵏ. ⵉⵎⴻⵏⵖⵉ ⴰⵢ ⴷ-ⵢⴻⵍⵍⴰⵏ ⴷⴻⴳ-ⵙ ⴳⴰⵔ ⵜⴻⴳⵔⴰⵡⵉⵏ ⵢⴻⵎⵅⴰⵚⴰⵎⴻⵏ ⵉⵛⴻⵔⵔⴻⴳ-ⵉⵜⵜ ⵢⴻⵔⵏⴰ ⴰⴳⴷⵓⴷ-ⵏⵏⴻⵙ ⵢⴻⵣⴳⴰ ⵢⴻⴷⴷⴻⵔ ⴷⴻⴳ ⵍⴻⵅⵚⴰⵚ ⴷ ⴰⵎⴻⵇⵔⴰⵏ.