ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴼⵉⴷⵉⵕⴰⵍⵉⵜ ⵜⴰⵎⴰⴹⵍⴰⵏⵜ ⵏ ⵜⵎⴻⴹⵔⵉⵜ ⵜⴰⵎⴻⴳⴷⴰⵢⵜ ⵜⵄⴰⵡⴻⴷ-ⴷ ⵉ ⵜⴻⵖⵔⵉ ⵉ ⵜⵍⴻⵍⵍⵉ ⵏ ⵓⵏⴻⵥⵔⵓⴼ ⵓⵜⵔⵉⵎ
ⵎⵓⵙⴽⵓ – ⵉⵄⴰⵡⴻⴷ ⵜⵡⴻⴽⴽⴻⴷ-ⴷ ⵓⵙⴻⵇⵇⴰⵎⵓ ⴰⵎⴰⵜⵓ ⵏ ⵜⴼⵉⴷⵉⵕⴰⵍⵉⵜ ⵜⴰⵎⴰⴹⵍⴰⵏⵜ ⵏ ⵜⵎⴻⴹⵔⵉⵜ ⵜⴰⵎⴻⴳⴷⴰⵢⵜ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵉ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⴷ ⵓⵣⴰⵔⵓⴳ (ⵉⵙⵜⵉⵇⵍⴰⵍ), ⵢⴻⵔⵏⴰ ⵢⴻⵏⵛⴻⴷ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵙⵄⴻⵊⵍⴻⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵏ ⵡⴰⴽⴰⵍ-ⴰ ⵢⴻⵍⵍⴰⵏ ⴷ ⵜⴰⵀⵔⴻⵙⵜ ⵜⴰⵏⴻⴳⴳⴰⵔⵓⵜ ⴷⴻⴳ ⵜⴻⴼⵔⵉⵇⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ (ⵙⵒⵙ).
ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⴰⵢ ⴷ-ⵢⴻⴼⴼⵖⴻⵏ ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⴰⵎⴰⵜⵓ ⴰⵢ ⴷ-ⵢⴻⵍⵍⴰⵏ ⴷⴻⴳ ⵎⵓⵙⴽⵓ, ⵜⴻⵏⵏⴰ-ⴷ ⵜⴼⵉⴷⵉⵕⴰⵍⵉⵜ ⴷ ⴰⴽⴽⴻⵏ ⴰⵜⵜⴰⵏ « ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⵏ ⵢⵉⵍⴻⵎⵥⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⵎⴳⴰⵍ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵉ ⵍⵎⴻⵏⴷ ⵏ ⵓⴳⴳⵓⵛⵛⴻⵍⵎⴰⵏ ⴷ ⵓⵣⴰⵔⵓⴳ ».
ⵜⴻⵜⵜⴻⴽⴽⴰ ⴷⴻⴳ ⵜⴻⵎⵍⵉⵍⵉⵜ-ⴰ ⵜⵎⴰⴳⵍⴰ (ⵡⴰⴼⴷ) ⵏ ⵜⴷⵓⴽⵍⵉ ⵏ ⵜⵎⴻⴹⵔⵉⵜ ⵜⴰⵚⴻⵃⵔⴰⵡⵉⵜ, ⵢⴻⵔⵏⴰ, ⵎⵉ ⵜⵜ-ⵉⴷ-ⵉⵚⴰⵃ ⵡⴰⵡⴰⵍ, ⵜⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵙⵙⴻⵄⵊⴻⵍ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵙ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⵉ ⵓⵖⵔⴻⴼ ⴰⵚⴻⵃⵔⴰⵡⵉ ⴷ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ, ⴷ ⵓⵃⴱⴰⵙ ⵏ ⵜⵓⴽⴻⵔⴹⴰ ⴰⵢ ⵍⴰ ⵜⴻⵜⵜⴰⴽⴻⵔ ⵎⴻⵕⵕⵓⴽ ⵜⵉⵖⴱⵓⵍⴰ ⵜⵉⴳⴰⵎⴰⵏⵉⵏ ⵏ ⵡⴰⴽⴰⵍ ⴰⵚⴻⵃⵔⴰⵡⵉ ⵙ ⵓⵜⵜⴻⴽⴽⵉ ⵏ ⵜⴻⵕⵎⵉⵙⵉⵏ ⵜⵉⴱⴻⵕⵕⴰⵏⵉⵢⵉⵏ, ⵍⴰⴷⵖⴰ ⵜⵉⵕⵎⵉⵙⵉⵏ ⵜⵓⵕⵓⴼⵉⵢⵉⵏ.
ⵉⵙⴽⴰⵙⵉⵢⴻⵏ (ⵏⵉⵇⴰⵛⴰⵜ) ⵏ ⵓⵙⴻⵇⵇⴰⵎⵓ ⵍⵍⴰⵏ-ⴷ ⵖⴻⴼ ⵡⴰⵟⴰⵙ ⵏ ⵜⴻⵎⵙⴰⵍ, ⴳⴰⵔ-ⴰⵙⴻⵏ ⴰⵢⴻⵏ ⵢⴻⵔⵣⴰⵏ ⵜⴰⵎⴻⴹⵔⵉⵜ (ⵛⴰⴱⴰⴱ) ⴷ ⴷⴷⵓⵕ-ⵏⵏⴻⵙ ⴷⴻⴳ ⵜⴻⵎⵙⴰⵍ ⵜⵉⵎⵉⵔⴰⵏⵉⵏ ⴰⵢ ⵢⴻⵔⵣⴰⵏ ⵜⵓⴷⴷⵙⴰ-ⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵙⵇⴻⵔⴷⴻⵛ ⵜⵎⴰⴳⵍⴰ ⵜⴰⵚⴻⵃⵔⴰⵡⵉⵜ, ⴷⴻⴳ ⵢⵉⵊⵉⴼⴻⵕ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ, ⴷ ⵜⵎⴰⴳⵍⵉⵡⵉⵏ ⵏ ⵜⵎⴻⴹⵔⵉⵜ ⴷ ⵢⵉⴽⴰⴱⴰⵔⴻⵏ ⵉⵙⴻⵔⵜⴰⵏⴻⵏ ⵉⵔⵓⵙⵉⵢⴻⵏ ⵖⴻⴼ ⵜⴻⵎⵙⴰⵍ ⴷ ⵜⴻⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴰⵍⵓⴼⵜ ⵜⴰⵚⴻⵃⵔⴰⵡⵉⵜ, ⴷⴷⵓⵕ ⴰⵢ ⵜⴻⵜⵜⵓⵔⴰⵔ ⵜⵎⴻⴹⵔⵉⵜ ⵜⴰⵚⴻⵃⵔⴰⵡⵉⵜ ⴷⴻⴳ ⵢⵉⵎⴻⵏⵖⵉ ⵖⴻⴼ ⵓⵙⵍⴻⵍⵍⵉ (ⵜⴰⵃⵔⵉⵔ) ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⵉ ⵓⵙⵃⵓⵍⴼⵓ ⵏ ⵜⵎⴻⵜⵜⵉ ⵜⴰⵔⵓⵙⵉⵜ ⵖⴻⴼ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵜⴰⵚⴻⵃⵔⴰⵡⵉⵜ ⵏ ⵙⵒⵙ.
