ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵖⴻⵔⴷⴰⵢⵜ: 640 ⵏ ⵢⵉⵎⵓⴽⴰⵏ ⵉ ⵓⵙⵙⵉⵍⴻⵖ ⵏ ⵜⵙⴻⴷⵏⴰⵏ ⵢⴻⵜⵜⵖⵉⵎⵉⵏ ⴷⴻⴳ ⵓⵅⵅⴰⵎ

ⵜⴰⵖⴻⵔⴷⴰⵢⵜ – ⵓⴳⴰⵔ ⵏ 640 ⵏ ⵢⵉⵎⵓⴽⴰⵏ ⴰⵢ ⴷ-ⵢⴻⵜⵜⵡⴰⵃⴰⵣⴻⵏ ⵉ ⵓⵙⵙⵉⵍⴻⵖ (ⵜⴰⴽⵡⵉⵏ) ⵏ ⵜⵙⴻⴷⵏⴰⵏ ⴰⵢ ⵢⴻⵜⵜⵖⵉⵎⵉⵏ ⴷⴻⴳ ⵓⵅⵅⴰⵎ ⴷⴻⴳ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ, ⴷⴻⴳ ⵜⴻⴷⵡⵉⵍⵜ ⵏ ⴼⵓⵕⴰⵕ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵓⵙⵙⵉⵍⴻⵖ ⵏ ⵜⵡⵉⵍⴰⵢⵜ-ⴰ.

ⴰⵙⵙⵉⵍⴻⵖ-ⴰ ⴷ ⵡⵉⵏ ⴰⵢ ⴷ-ⵢⴻⵍⵍⴰⵏ ⵖⴻⴼ ⵍⴵⴰⵍ ⵏ ⵍⵃⵉⵔ ⵏ ⵜⵙⴻⴷⵏⴰⵏ ⵓⵔ ⵢⴻⵙⵄⵉⵏ ⴰⵔⴰ ⵚⵚⴻⵏⵄⴰ ⴰⴽⴽⴻⵏ ⴰⴷ ⵍⴻⵎⴷⴻⵏⵜ ⵚⵚⴻⵏⵄⴰⵜ ⵢⴻⵔⵏⴰ ⴰⴷ ⵙⵄⵓⵏⵜ ⵉⴳⴻⵔⴷⴰⵙⴻⵏ (ⵛⴰⵀⴰⴷⴰⵜ) ⴷⴻⴳ-ⵙⴻⵏⵜ ⴰⴽⴽⴻⵏ ⴰⴷ ⵣⴻⵎⵔⴻⵏⵜ ⴰⴷ ⴱⴷⵓⵏⵜ ⴰⵎⴰⵀⵉⵍ (ⵄⴰⵎⴰⵍ), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⵏ ⴷⴰⵢⴰ ⴱⴻⵏ ⴷⴰⵀⵧⵓⴰ ⴰⵢ ⴷ-ⵄⴻⵏⵏⵓⵏ ⵡⴰⵟⴰⵙ ⵏ ⵎⴻⴷⴷⴻⵏ ⵖⴻⴼ ⵚⵚⴻⵏⴼ-ⴰ ⵏ ⵓⵙⵙⵉⵍⴻⵖ.

ⴰⵟⴰⵙ ⵙⴻⴳ ⵜⵙⴻⴷⵏⴰⵏ ⴰⵢ ⵉⴹⴻⴼⵔⴻⵏ ⴰⵙⵙⵉⵍⴻⵖ ⵙⵙⴰⵡⴹⴻⵏⵜ ⴰⴷ ⴷ-ⵙⴱⴻⴷⴷⴻⵏⵜ ⵉⵙⴻⵏⴼⴰⵔⴻⵏ-ⵏⵙⴻⵏⵜ ⵉ ⵢⵉⵎⴰⵏ-ⵏⵙⴻⵏⵜ, ⵍⴰⴷⵖⴰ ⴷⴻⴳ ⵢⵉⵏⵓⵔⴰⵔ ⵏ ⵓⵙⵙⴻⵡⵡⵉ, ⵜⴰⵎⵙⴻⵏⴳⵓⵍⵜ, ⵍⵃⴻⵍⵡⴰ ⵜⴰⵎⴻⵏⵙⴰⵢⵜ, ⴰⵥⴻⴹⴹⴰ, ⵍⴻⵅⵢⴰⴹⴰ ⴷ ⵓⵙⴻⴹⴹⴻⵍ ⵏ ⵜⵙⴻⴷⵏⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙ ⵓⵊⴻⵎⵎⴰⵍ, 4.403 ⵏ ⵢⵉⵎⵓⴽⴰⵏ ⵏ ⵓⵙⵙⵉⵍⴻⵖ ⴰⵢ ⴷ-ⵢⴻⵜⵜⵡⴰⵙⵙⵓⵎⵔⴻⵏ ⴷⴻⴳ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ ⵉ ⵜⴻⴷⵡⵉⵍⵜ-ⴰ, ⴳⴰⵔ-ⴰⵙⴻⵏ 950 ⵏ ⵢⵉⵎⵓⴽⴰⵏ ⵏ ⵓⵙⵙⴻⵍⵎⴻⴷ ⴷ 1380 ⵏ ⵢⵉⵎⵓⴽⴰⵏ ⵏ ⵓⵙⵙⵉⵍⴻⵖ ⴷⴻⴳ ⵓⵎⴽⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴷ ⴰⴽⴽⴻⵏ 30 ⵏ ⵢⵉⵎⵓⴽⴰⵏ ⵜⵜⵡⴰⵃⴰⵣⴻⵏ-ⴷ ⵉ ⵓⵙⵙⵉⵍⴻⵖ ⴷⴻⴳ ⵜⵡⴻⵏⵏⴰⴹⵜ ⵏ ⵓⴳⴰⵎⴰ, 540 ⵏ ⵢⵉⵎⵓⴽⴰⵏ ⵉ ⵓⵙⵙⵉⵍⴻⵖ ⴰⴷ ⴷ-ⵢⵉⵍⵉⵏ ⴷ ⵜⴰⵏⴻⵣⴳⴰⵔⵜ ⵖⴻⵔ ⵓⵅⴻⴷⴷⵉⵎ, ⴷ 150 ⵏ ⵢⵉⵎⵓⴽⴰⵏ ⵉ ⵓⵙⵙⵉⵍⴻⵖ ⵏ ⵜⵎⴻⴷⴷⵉⵜ.

9 ⵏ ⵜⵎⴻⵣⵣⵓⴳⵉⵏ (ⵉⵅⵜⵉⵚⴰⵚⴰⵜ) ⴰⵢ ⴷ-ⵙⵙⴰⴷⴼⴻⵏ ⵖⴻⵔ ⵓⵙⵙⵉⵍⴻⵖ ⵏ ⵜⴻⴷⵡⵉⵍⵜ-ⴰ, ⴳⴰⵔ-ⴰⵙⴻⵏⵜ ⵜⴰⵙⵉⵕⴰⵎⵉⵜ, ⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴷ ⵓⵚⴻⴳⴳⴻⵎ ⵏ ⵢⵉⵙⵓⴳⴰ (ⴰⴵⵀⵉⵣⴰ) ⵏ ⵜⵔⵉⵙⵉⵜⵉ ⵏ ⵓⵅⵅⴰⵎ.

ⵙⴻⴳ ⵢⵉⴷⵉⵙ ⵏ ⵜⴷⵓⵎⵚⵓⴽⵉⵡⵉⵏ (ⴱⵓⵏⴰ ⵜⴰⵃⵜⵉⵢⴰ), ⵜⴰⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ ⵜⴻⵙⵄⴰ, ⵉⵎⵉⵔ-ⴰ, 27 ⵏ ⵢⵉⵖⵙⵓⵔⴻⵏ ⵏ ⵓⵙⵙⵉⵍⴻⵖ ⴰⵙⴰⴷⵓⵔⴰⵏ (ⵎⵉⵀⴰⵏⵉ), ⴳⴰⵔ-ⴰⵙⴻⵏ 1 ⵏ ⵓⵙⵓⴷⵓ ⴰⵖⴻⵍⵏⴰⵡ ⵢⴻⵎⵎⵓⵣⵣⴳⴻⵏ (ⵉⵏⵙⴼⵒ), 20 ⵏ ⵡⴰⵎⵎⴰⵙⴻⵏ ⵏ ⵓⵙⵙⵉⵍⴻⵖ ⴰⵙⴰⴷⵓⵔⴰⵏ ⴷ ⵓⵙⵙⴻⵍⵎⴻⴷ (ⵛⴼⵒⴰ), ⵜⴰⵎⵔⵓⵣⵜ ⵏ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⴰⵙⴰⴷⵓⵔⴰⵏ ⴷ ⵓⵙⵙⴻⵍⵎⴻⴷ ⴷ 5 ⵏ ⵢⵉⵖⴻⵔⴱⴰⵣⴻⵏ ⵓⵙⵍⵉⴳⴻⵏ, ⵢⴻⵔⵏⴰ ⵉⵎⵓⴽⴰⵏ-ⴰ ⴰⴽⴽ ⵙⵄⴰⵏ ⴰⵊⴻⵎⵎⴰⵍ ⵏ 4.850 ⵏ ⵢⵉⵎⵓⴽⴰⵏ ⵏ ⵓⵍⵎⴰⴷ.